04/06/2025
निवेदन
दिनांक 01/06/2025 रोजी साईनाथ नगर, आनंद टॉकीज मागे, कोपरी, ठाणे (पूर्व) येथील लकी व्यायाम शाळा येथे एका विशेष सभेचे आयोजन करण्यात आले होते. या सभेचे आयोजन व्यायाम शाळेमध्ये चाललेल्या काही व्यक्तींच्या अनागोंदी, मीपणा व स्वार्थी कारभाराविरुद्ध तसेच व्यायाम शाळेच्या इतर महत्त्वाच्या कामांबाबत चर्चा करण्यासाठी करण्यात आले होते.
या वेळी परिसरातील शेकडो नागरिक, महिला व ज्येष्ठ नागरिक मोठ्या संख्येने उपस्थित होते. उपस्थित नागरिकांनी एकमताने अशा व्यक्तींच्या "हम करे सो कायदा" प्रकारच्या वागणुकीचा निषेध केला आणि संबंधित व्यक्तीस लकी व्यायाम शाळेच्या सदस्यपदावरून हटवण्याचा ठराव संमत केला.
या व्यक्तीच्या वर्तनामुळे परिसरात असंतोष निर्माण झाला असून, व्यायाम शाळेच्या एकात्मतेवर व सामाजिक वातावरणावर विपरित परिणाम झाला आहे. त्यामुळे आम्ही, साईनाथ नगरमधील सर्व रहिवासी, लकी व्यायाम शाळेचे सदस्य तसेच सामाजिक व राजकीय क्षेत्रातील कार्यकर्ते, संबंधित सर्व पदाधिकाऱ्यांना कळकळीची विनंती करतो की, कृपया अशा व्यक्तीची पाठराखण करू नये व परिसरातील शांतता व सुव्यवस्था अबाधित ठेवण्यास सहकार्य करावे.
सदर निवेदनास साईनाथ नगर व लकी व्यायाम शाळेतील नागरिकांचे पूर्ण पाठबळ आहे.
आपला विश्वासू,
तर्फे – साईनाथ नगर रहिवासी व लकी व्यायाम शाळा सदस्यगण
दिनांक: 01/06/2025
