25/08/2026
அனைவருக்கும் என் அன்பான வணக்கங்கள்.
இன்று “ஆரா ட்ரஸ்ட்” என்ற ஒரு பெயரை அறிமுகப்படுத்துவதற்காக மட்டும் நாம் இங்கு கூடவில்லை.
ஒரு புதிய சிந்தனையை… ஒரு புதிய பயணத்தை… ஒரு புதிய மாற்றத்தை தொடங்குவதற்காக நாம் ஒன்றாக நிற்கிறோம்.
ஆரா என்றால் ஒரு ஒளி.
அந்த ஒளி ஒரு பெண்ணின் வாழ்க்கையில் ஏற்றப்பட்டால், அது அவளுடைய வாழ்க்கையை மட்டும் மாற்றாது…
அவளைச் சுற்றியுள்ள குடும்பத்தையும், சமூகத்தையும், அடுத்த தலைமுறையையும் மாற்றும்.
எங்களுடைய நோக்கம் மிகவும் தெளிவானது.
EMPOWER – SUCCESS – ELEVATE
Empower – அதிகாரப்படுத்துதல்.
ஒரு பெண்ணுக்கு உதவி செய்வது மட்டும் empowerment அல்ல.
அவள் தன்னுடைய முடிவுகளைத் தானே எடுக்கக்கூடிய அளவுக்கு,
தன்னுடைய திறமையை நம்பக்கூடிய அளவுக்கு,
“என்னாலும் முடியும்” என்று தைரியமாக சொல்லக்கூடிய அளவுக்கு அவளை உருவாக்குவதுதான் உண்மையான empowerment.
ஒரு பெண்ணிடம் வாய்ப்பு கொடுத்தால்,
அவள் ஒரு வாழ்க்கையை மாற்றுவாள்.
ஒரு பெண்ணிடம் கல்வி கொடுத்தால்,
அவள் ஒரு தலைமுறையை மாற்றுவாள்.
ஒரு பெண்ணிடம் தன்னம்பிக்கையை கொடுத்தால்,
அவள் ஒரு சமூகத்தையே மாற்றுவாள்.
SUCCESS – வெற்றி
வெற்றி என்றால் பணம், பதவி, புகழ் மட்டும் அல்ல.
நேற்று பயந்த விஷயத்தை இன்று தைரியமாக எதிர்கொள்வது வெற்றி.
தன்னுடைய கனவை மீண்டும் தொடங்குவது வெற்றி.
தோல்விக்குப் பிறகு மீண்டும் எழுவது வெற்றி.
“என்னால் முடியாது” என்ற இடத்தில் இருந்து
“நான் முயற்சி செய்து பார்க்கிறேன்” என்று சொல்லும் அந்த ஒரு நிமிடமே வெற்றியின் தொடக்கம்.
ஆரா ட்ரஸ்ட் ஒவ்வொரு பெண்ணிடமும் இருக்கும் அந்தத் திறமையை கண்டுபிடித்து,
அதை வளர்த்து,
அவளுடைய கனவுகளுக்கு ஒரு பாதையை உருவாக்க வேண்டும் என்பதே எங்களுடைய நோக்கம்.
ELEVATE – உயர்த்துதல்
நாம் மட்டும் உயர்வது போதாது.
நம்மோடு இன்னொரு பெண்ணையும் உயர்த்த வேண்டும்.
நாம் முன்னேறும்போது, நம்மைப் பார்த்து இன்னொரு பெண்ணுக்கு நம்பிக்கை வர வேண்டும்.
“அவளால் முடிந்தால், என்னாலும் முடியும்” என்று ஒரு பெண் நினைக்கும் அளவுக்கு நாம் ஒரு முன்னுதாரணமாக இருக்க வேண்டும்.
அதுதான் ஆரா ட்ரஸ்ட்டின் உண்மையான வெற்றி.
நான் ஒரு தலைவியாக இன்று ஒரு விஷயத்தை உறுதியாகச் சொல்ல விரும்புகிறேன்:
ஆரா ட்ரஸ்ட் என்பது ஒருவருடைய பயணம் அல்ல.
இது நம்முடைய கூட்டு பயணம்.
இங்கு தலைமை என்பது முன்னால் நின்று வழிகாட்டுவது மட்டும் அல்ல.
தேவைப்படும் நேரத்தில் ஒருவரின் கையைப் பிடிப்பது.
விழும்போது எழுப்புவது.
தெரியாத பாதையில் வழி காட்டுவது.
வெற்றி பெற்றவரை பார்த்து பொறாமைப்படாமல்,
“அவளுடைய வெற்றி நம்முடைய வெற்றி” என்று கொண்டாடுவது.
பெண்கள் ஒன
