23/08/2023
ਤੈਨੂੰ ਹਾਜ਼ਰ ਨਾਜ਼ਰ ਸਮਝ ਕੇ, ਮੈਂ ਕਦਮ ਅੱਗੇ ਵਧਾਇਆ ਏ।
ਤੇਰੇ ਹੀ ਸੁਪਨਿਆਂ ਖ਼ਾਤਿਰ, ਮੈਂ ਆਪਣਾ ਆਪ ਗਵਾਇਆ ਏ।
ਤੂੰ ਕਹਿੰਦਾ ਸੀ ਡਰਨਾ ਨਹੀਂ, ਤਾਹੀਂ ਕਦਮ ਅੱਗੇ ਵਧਾਇਆ ਏ।
ਤੇਰੇ ਇਸ ਕਿਰਦਾਰ ਨੇ ਮੈਨੂੰ, ਮੰਜਿਲ ਤੱਕ ਪਹੁੰਚਾਇਆ ਏ।
ਜੋ ਸੁਪਨਾ ਇਕ ਸੰਜੋਇਆ ਸੀ, ਮਿਸਿਜ਼ ਪੰਜਾਬਣ ਦੇ ਮੋਤੀਆਂ ਵਿਚ ਪਰੋਇਆ ਸੀ।
ਅੱਜ ਮਾਲਾ ਇਹ ਬਣ ਗਈ ਏ, ਪਰ ਤੇਰੀ ਕਮੀ ਖੱਲ ਗਈ ਏ।
ਤੂੰ ਜਿਉਂਦੀਆਂ ਵੀ ਤੇ ਬਾਅਦ ਵੀ, ਇਕ ਵੱਖਰਾ ਮਾਣ ਕਮਾਇਆ ਏ।
ਮੈਨੂੰ ਵੀ ਆ ਫ਼ਕਰ ਪੁੱਤ ਤੇ ਜੋ ਤੂੰ ਝੋਲੀ ਮੇਰੀ ਪਾਇਆ ਏ,
ਉਸੇ ਮੋਢਾ ਜੋੜ ਕੇ ਅੱਜ ਮੇਰੇ ਨਾਲ ਤੇਰਾ ਫਰਜ਼ ਨਿਭਆਇਆ ਏ।
ਤੇਰੇ ਜਾਨ ਪਿੱਛੋਂ, ਉਹ ਆਪਣੀ ਮਾਂ ਨਾਲ ਅੱਗੇ ਆਇਆ ਏ।
ਜਿਨ੍ਹਾਂ ਕਰਦਾ ਸੀ ਤੂੰ ਮਾਣ ਮੇਰੇ ਤੇ, ਮੈਂ ਤੇਰਾ ਹੋਰ ਮਾਣ ਵਧਾਵਾਂਗੀ।
ਆਪਣੇ ਇਸ ਸੁਪਨੇ ਨੂੰ, ਉੱਚੀ ਮੰਜ਼ਿਲ ਤੇ ਪਹੁੰਚਾਵਾਂਗੀ।
ਰਹੂ ਰਹਿੰਦੀ ਉਮਰੇ ਸਾਥ ਤੇਰਾ, ਭਾਂਵੇ ਰੱਬ ਨੇ ਵਿਛੋੜਾ ਪਾਇਆ ਏ।
ਤੇਰੀ ਦਿੱਤੀ ਹਿੰਮਤ ਨੇ, ਅੱਜ ਇਸ ਮੰਚ ਤੇ ਮੈਨੂੰ ਪਹੁੰਚਾਇਆ ਏ।
ਸੋਚਓ ਨਾ ਕਿ "ਅਮਨ ਸੈਣੀ " ਦੂਰ ਏ, ਉਹ ਮੇਰੇ ਦਿਲ ਦੇ ਵਿੱਚ ਸਮਾਇਆ ਏ।
"Mrs. Punjaban Worldwide Grand Finale 2023"
The Tv Nri
