23/01/2026
ଷ୍ଟୁଡିଓ 3sixty5 ବ୍ୟାନରରେ ନିର୍ମିତ ବହୁପ୍ରତୀକ୍ଷିତ ଓଡ଼ିଆ ଚଳଚ୍ଚିତ୍ର "ଅପେକ୍ଷା"ର ଅଡିଓ ଏବଂ ଟ୍ରେଲର ଲୋକାର୍ପଣ ଉତ୍ସବ ପ୍ରେସ କ୍ଲବରେ ବହୁ ଆଡମ୍ବରରେ ଅନୁଷ୍ଠିତ ହୋଇଯାଇଛି। ଏହି ଭବ୍ୟ କାର୍ଯ୍ୟକ୍ରମରେ ପ୍ରଥମେ କଣ୍ଠଶିଳ୍ପୀ ହ୍ୟୁମାନ ସାଗର ଙ୍କୁ ଶ୍ରଦ୍ଧାଞ୍ଜଳି ଜଣାଇ କାର୍ଯ୍ୟକ୍ରମ ଆରମ୍ଭ ହୋଇଥିଲା.ଓଡ଼ିଆ ଚଳଚ୍ଚିତ୍ର ଜଗତର ବିଶିଷ୍ଟ ପ୍ରଯୋଜକ ରମେଶ ବାରିକ ଶ୍ରୀଧର ମାର୍ଥା ଏଵଂ ହିନ୍ଦୁସ୍ଥାନ ଆଡ଼ଭରଟାଇଜିଙ୍ଗ ଏଜେନ୍ସୀ ର ନିର୍ଦେଶକ ସୁଜିତ କୁମାର ରାଉତ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଚଳଚ୍ଚିତ୍ରର ସଫଳତା କାମନା କରିବା ସହ ଟ୍ରେଲର ଏଵଂ ସଂଗୀତର ଉନ୍ନତମାନର ନିର୍ମାଣକୁ ପ୍ରଶଂସା କରିଥିଲେ।
ଡାକ୍ତର କେ. ତମନ୍ନାଙ୍କ ପ୍ରଯୋଜିତ ଏହି ଚଳଚ୍ଚିତ୍ରର କାହାଣୀ, ଚିତ୍ରନାଟ୍ୟ ଏବଂ ନିର୍ଦ୍ଦେଶନା ଭାର ସମ୍ଭାଳିଛନ୍ତି ଆନନ୍ଦ କୁମାର।
ଚଳଚ୍ଚିତ୍ରରେ ଯୁବ କଳାକାର ସାର୍ଥକ-ଶୁଭାଙ୍ଗୀ ଏବଂ ସୌମ୍ୟ-ବନ୍ଦନା ପ୍ରମୁଖ ଭୂମିକାରେ ଅଭିନୟ କରିଥିବା ବେଳେ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଚରିତ୍ରରେ ଚୌଧୁରୀ ବିକାଶ ଦାସ, ପ୍ରଦୀପ ଦେବତା, ଶକ୍ତି ବରାଳ, ପୁଷ୍ପା ପଣ୍ଡା, ଅଲିଭା ଦାଶ, ଐଶ୍ଵର୍ୟା ଏବଂ ଗୁଡୁଙ୍କ ଭଳି ଅନେକ ଜଣାଶୁଣା କଳାକାରମାନେ ନଜର ଆସିବେ।
ଚଳଚ୍ଚିତ୍ରର ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ବିଶିଷ୍ଟ ସଙ୍ଗୀତ ନିର୍ଦ୍ଦେଶକ ବୈଦ୍ୟନାଥ ଦାଶ।
ଗୀତ ଗୁଡିକୁ ଲେଖିଛନ୍ତି ଡ଼ ନିର୍ମଳ ନାୟକ, ଅରୁଣ ମନ୍ତ୍ରୀ ଏଵଂ ନିର୍ମଳ ପ୍ରିୟଶିଷ.ଏଥିରେ ଚିରାଗଦୀପ ପଣ୍ଡା, ହ୍ୟୁମାନ ସାଗର, ଅସୀମା ପଣ୍ଡା, ଇପସିତା ସାହୁ ଏବଂ ଉମାକାନ୍ତ ବାରିକଙ୍କ ଭଳି ଲୋକପ୍ରିୟ କଣ୍ଠଶିଳ୍ପୀମାନେ ଗୀତ ଗାଇଛନ୍ତି।
ଚଳଚ୍ଚିତ୍ରର ସଂଳାପ ଆଶୁତୋଷ ବାରିକ ଲେଖିଥିବା ବେଳେ ଚିତ୍ରୋତ୍ତୋଳନ ଅଜିତ ଦାଶ କରିଛନ୍ତି। ସମ୍ପାଦନା ଦାୟିତ୍ୱରେ ରଞ୍ଜନ ଖଟେଇ ଏବଂ ନୃତ୍ୟ ନିର୍ଦ୍ଦେଶନାରେ ବବି ଇସଲାମ ଅଛନ୍ତି। ଶୈଳେନ୍ଦ୍ର ପରିଡାଙ୍କ ଦ୍ୱାରା ନିର୍ଦ୍ଦେଶିତ ଆକ୍ସନ ଦୃଶ୍ୟ ଏବଂ ସୃଜନ ଫିଲ୍ମସ୍ର ପୋଷ୍ଟ ପ୍ରଡକ୍ସନ ଚଳଚ୍ଚିତ୍ରକୁ ଅଧିକ ଆକର୍ଷଣୀୟ କରିଛି।
ଏହି ଅଡିଓ ଲୋକାର୍ପଣ ଉତ୍ସବ ରେ ପ୍ରଯୋଜକ ଡ଼.କେ. ତମନ୍ନା, ଫିଲ୍ମର କ୍ରିଏଟିଭ ପବ୍ଲିସିଟି ଡିଜାଇନର ଶ୍ୟାମା ପ୍ରସାଦ ମିଶ୍ର, ଚଳଚ୍ଚିତ୍ର ସାମ୍ବାଦିକ ହର ପ୍ରସାଦ ମହାପାତ୍ର ଙ୍କ ସମେତ ସମସ୍ତ କଳାକାର ଏଵଂ କଣ୍ଠଶିଳ୍ପୀ ତଥା ଟେକନିସିଆନ ମାନେ ଉପସ୍ଥିତ ଥିଲେ.
ତରଙ୍ଗ ମ୍ୟୁଜିକ ଏହାର ଗୀତ ପ୍ରସାରଣ କରୁଥିବା ବେଳେ ଅଳଙ୍କର ଚ୍ୟାନେଲ ସାଟେଲାଇଟ ରାଇଟ୍ସ ନେଇଛନ୍ତି.
ଚଳଚ୍ଚିତ୍ର ଅପେକ୍ଷା ଆସନ୍ତା ଫେବୃଆରୀ ୬ ତାରିଖ ଦିନ ମୁକ୍ତିଲାଭ କରିବ।
