20/05/2026
An Spidéal 📸🌊🍀
Tá gealadh an lae ar an gcuan,
agus na scamaill mhóra ag seoladh leo
os cionn uisce Chuan na Gaillimhe.
Briseann an solas ar an taoide
idir clocha an chladaigh,
agus bláthanna buí an tsamhraidh
ag éirí aníos as an talamh garbh
cois farraige.
Síneann an tseanchéibh amach san uisce fós,
a clocha mín caite
ag salann agus gaotha na mblianta.
Is iomaí maidin a shiúil fir na háite,
rópaí troma thar a nguaillí,
a súile amach ar an Atlantach
agus tost na farraige rompu amach.
Tá Cill Éinde ag faire anuas ar an gcuan,
agus an tseanreilig ina luí faoin bhféar
os cionn na taoide céanna
a chuala muintir na háite rompu.
D’imigh daoine as an áit seo fadó
go Boston, go Nua-Eabhrac
agus go Portland, Maine,
ach d’fhan fuaim na farraige iontu
mar a fhanann an salann sa gcloch.
Ó bhóthar ard an tsléibhe,
osclaíonn an tír amach faoin spéir liath,
Contae an Chláir ina luí i gcéin,
agus na trí hOileáin mar scáileanna dorcha ar imeall an Atlantaigh.
Tá seancheo an domhain fós sa radharc sin,
macalla de thír na naomh agus na scoláirí,
áit a bhfuil cuimhne agus scéal
fite fuaite sa gcloch agus sa ngaoth,
cosúil leis an Mullán mór i bPort Bhéal an Dúin
a d’ardaigh fir Árann fadó
agus a d’fhág Liam Ó Flaithearta
ina thost trom i gcroí na litríochta,
fad is atá an taoide
ag casadh isteach is amach faoin saol.
B’fhéidir gurb é an solas corr seo
a tharraing John Ford thar sáile
go dtí áit a mhuintire féin,
fear nár rugadh sa Spidéal é,
ach ar mhothaigh lorg an bhaile ann
mar a mhothaítear salann san aer.
Shiúil sé bóithrí cúnga an chósta,
ag éisteacht le glór na taoide
agus le hanáil throm na farraige móire
faoi chlocha fliucha an chuain.
Is ón gciúnas céanna sin, b’fhéidir,
a d’éirigh glórtha Cré na Cille
i samhlaíocht Mháirtín Uí Chadhain;
agus as an saol céanna cois farraige
a tháinig Joe Steve Ó Neachtain,
fear a d’fhág a dhrámaí, a leabhair agus a chuid filíochta mar oidhreacht bheo ag muintir Chonamara, agus mar ghlór a thug misneach do ghlúin nua ina dhiaidh.
Tá a nglórtha fós anseo
idir ciúnas an chuain,
ceol mall na taoide,
agus solas bog an iarthair
ag titim ar an bhfarraige faoi dheireadh lae.
