29/05/2025
從構想走到現實💛
呢個係小編姨嘅工作，除咗工作仲附帶一啲責任
小編姨一向竭盡所能完成所有工作
但……都會遇上懦弱逃走嘅時候，去到呢個時間就會盡早拒絕，亦會遇上做錯事嘅時候，總之唔會no show，呢個係卑劣嘅底線
小編姨唔係一個親和力滿滿嘅人，亦唔係一個討好嘅人，做到就答應、做唔到就直接拒絕，唔會遊花園，講嘢好多時直腸直肚，親友都會話小姨編毒舌
時常同自己靈魂拷問，係唔係需要改變？
但始終覺得做唔到就直接拒絕有咩問題？
完全唔明嘥錢喺啲人哋睇唔到嘅佈置上搞咩？
好驚一嘢收一大半訂金會洗咗去唔知邊度，自己數口又差，一律收$1000、婚前兩星期收大訂、當日收$2000尾數唔駛煩……
總之自我感覺良好，一直都無點變
代價當然就係單量唔多，做極都係公司仔囉😂
近日嘅風波影響無數新人，果種徬徨無助，好難想像，祝願所有受影響嘅新人都能平安度過，順利完婚
希望所有新人都體會到婚禮只喺婚姻命題上嘅過程，有機會順利、難免會遇上困難，就好似為將來嘅生活預習一次又一次，最重要係同自己同行嘅伴侶、家人、親友渡過一個又一個難關，令大家關係更緊密、更有愛
查詢請提供婚期及場地🗓️
