23/07/2026
早幾日同兩個男同事講起，
有單新聞話日本有個伯伯成日着水手裝，
我哋三個都好佩服佢，
大家以為佢黐Q咗線，
其實佢係工程師，
純粹覺得水手裝好靚，
有一日諗通咗人一世物一世想着咩就着咩啦，
跟住佢就日日着自己最鍾意嘅衫。
可能畀著好多人都會諗
「係靚嘅，但係下世做女仔先着啦～」
不過……
「如果下一世都係男仔呢？」
「如果下一世唔係人呢？」
「如果下一世係人類女仔，但係唔鍾意水手裝呢？」
所以有咩想着快啲着，
雖然不才次次着女裝大家都會問
「做咩又扮女人？」
但其實我很是享受☺️
