Simply Serenity Wedding Decoration l 婚禮佈置 l 場地佈置 l 桌椅租借 l 音響租借

08/12/2022

闊別一年多沒有更新
（疫情令人變得佛系了）
一切都不能夠掌控

這三年時間過得超快
不知道大家還好嘛？

有空時來點少更新
珍惜𣊬間 幸福工匠的時光

💛

16/06/2022

加油🌻🌻🌻

客貨車業界今日困局：GOGOX上市並冇贏家只有輸家

作為香港首家市值10億美金嘅獨角獸，香港客貨車平台龍頭「快狗打車」（前稱高高客貨車/Gogovan，本文繼續叫佢做Gogo啦，實在嘅頂唔順佢個官方名稱）營運9年，宣佈嚟緊終於喺港交所上市，多年來深得傳媒、科技界、財經界以及普羅市民稱頌及喜愛。作為業界嘅一員，容許我講下故仔，同點解最終並冇贏家，只有輸家。

客貨車call台嘅興衰：
2013年Gogovan開始營運，冇幾耐蘋果日報A1及多間傳媒，以「黃毛小子顛覆傳統創業望打低業界TVB」出港聞報道（當時係HKTV申請電視牌照，所以「學似王維基」係一個catchy嘅標題）。而當時嘅客貨車業界，雖然唔算一台獨大，但幾個具規模嘅call台對前線司機的確嚴苛，同埋以比的士仲平嘅路程價錢吸客，故此由蘋果出稿後嗰幾嗰星期，Gogo已經招攬到幾千司機免費加盟（對畀緊每月過千嘅司機嚟講，免費係極大誘因），同時間亦吸引過萬call車客download佢嘅app，每日配對近千單生意，瞬間令Gogo成為香港頭五大佔有率嘅客貨車平台。

之後一兩年，Gogo繼續用「打大佬」嘅narrative去做公關吸引市民鍾意underdog嘅心態；另一邊廂就secure咗超過600萬美金作為資本，比起以前要等兩三個字先有貨van，用app就只要幾秒鐘，仲可以track到即時位置，汰弱留強之下，中小型嘅貨van平台相繼執笠，有些許財力嘅就仿效出app，但當然，作為司機的話，Gogo又免費又有接唔完嘅單，點解仲要畀月費買多部電話受氣去join呢啲曾經又霸道又冇效率嘅傳統call台？

司機同訂單係雞同雞蛋嘅關係，作為中介，點樣平衡到兩者就係一門生意；不過Gogo打破傳統，引入外來資金「打造」超高效率農場，一方面向司機提供免費飼料（免司機台費）；另一邊又可以平賣雞蛋（大量首次免費call車､減價優惠），大部分作為不思進取嘅傳統台若要跟風亦冇無限資金back up，做唔掂而執笠或者提早退休係正常不過嘅事。如是者，又過幾年之後，市場剩低嘅中介平台，一隻手數得晒。

至於敝台，早就根本唔應該存在，只不過2014年秋因緣際會發現做生意外嘅意義，暫時不贅。

經歷近十載，同大陸公司合拼後嘅Gogo已經成為比TVB市值更大嘅公司，比起以前擁有3000客貨車就已經係最大嘅貨van台，Gogo單喺香港嘅註冊司機數量就已經3萬，營運亦做已經超出客貨車業務，幾乎所有物流嘅範疇，佢都會涉獵到，並且絕大部分都係非常成功。

只不過，點解作為一間連小朋友都識得嘅嘅跨過企業，點解我會話上市係冇贏家呢？最少，當初嘅幾位創辦人都應該賺大錢掛？

第一輸家：前線司機
先從司機講起，作為前線勞力出賣者（連員工都唔係，只係「合作伙伴」，所有日常養車開支固然係自己嘅，冇亦冇勞保保障），其實都係冇得選擇之下地短視：由當初，佢路程費高過傳統台，客户服務亦做得周到，創辦人不斷強調自己會為司機利益着想，最緊要係司機唔使畀錢仲有生意做，點解唔試下先？到咗後期喇，冇錯Gogo為咗搶佔埋剩低嘅客，要減路程費，開始抽司機佣，東家唔打咪打西家囉！Sorry，市場已經話你知，佢係最大，想轉用第二個app？生意額大概得十分一囉，如果好彩嘅話。

當然司機之間不時有個論調：「只要司機夠團結，一齊唔做Gogo嘅單，佢就會屈服，就會加路費減佣金！」道理當然係有，亦唔止一次有司機出嚟搞新嘅貨van平台app，但現實係市場力量，就算9成司機拒接，剩低嘅1成都已經足夠消化所有訂單，更莫論Gogo其實不時喺少接單嘅時段同日子向司機提供補貼。你估下司機拒接嘅時間頂得耐啲，還是Gogo嘅銀彈去吸引肯做嘅司機多啲？

唔記得咗講，根據Gogo嘅上市資料，啱啱嘅財政年度佢係咗超虧損超過8.7億人仔，而佢今次集資都唔過1億美金，即係帶出咗第二個輸家：

第二輸家：股票投資者（？）
於股票市場買入嘅投資者，買入嘅錢都唔夠公司一年倒蝕嘅總和，感覺上係倒錢落海；之不過，Gogo話上一年有24.5%增長，所以按道理，只要繼續幾何級客户增長，佢就可以有盈餘，股價就會上升，股東就有股息。不過我唔係投資者，亦唔識財技，純粹拋磚引玉，或者最終係贏錢，係我睇唔通。

第三輸家：物流業使用者
至於第三個party，其實應該唔係，最少未係輸家，就係睇緊文嘅各位，一般call車客户。除咗你一年先去Ikea一次買個層架call車，你應該唔會有咩影響，但有啲公司客，佢哋以前會揾細車隊接一個project（例如連鎖薄餅店嘅分區經理會揾一個車隊隊目，旗下有三幾十架車），但自從財團app出現之後，呢啲app會用比市場更低嘅價錢去包攬咗嚟做。道理上，薄餅店成本低咗係好事，但權責上如果貨運途中出事，同財團app簽嘅合約其實有好多免責條款，結果薄餅店會加重咗workload同成本，當然比例上唔會太高嘅，所謂除笨有精，至於話財團壟斷就任佢叫價，就已經係後話。如果係要拉埋嚟講，少咗選擇，咪好似而家士多辦館差唔多執晒，你咪去七仔OK嘅道理一樣。

估唔到嘅輸家：創辦人？！
唔係掛？創辦人賬面輸錢就冇可能嘅，不過首先典型嘅startup，前期嘅人工就一定唔會高（人工高低唔係佢哋話事，而係背後班投資者），仲要工作時間超級長，噉自己公司自己生意，睇住公司增長一定有滿足感啦？唔好意思，由多輪投資，到後期同中國公司合拼，極大量溝淡咗股權之後，可以話事做決定嘅，已經唔係當初嘅幾位「黃毛小子」。既然冇得話事，噉現實啲講錢，市值10億公司，老細點都分到幾億喇掛？

詳情就睇唔到喇，但極度攤薄嘅股權比例、長禁售期都係新上市公司正常嘅terms，作為「老細」，招股文件話最近幾年，創辦人出任executive director，每年有百鬆啲萬人民幣做花紅同福利，至於其他幾位共同創辦人已經唔喺董事局就揾唔到資料。

年薪百萬再加股票當然係好多錢，最少我冇試過亦冇呢個能力，但環顧身邊嘅叻人，有呢個收入又其實比目皆是。只不過我會諗，如果要賣故仔講自己係「黃毛小子打大台」，踩住一班前線司機上位，「顛覆一個行業」最終原來係更加壓榨司機，仲要睇唔起自己長大嘅地方，先可以拎到呢十幾萬月薪，係咪真係贏咗呢？

多謝你睇到呢度，如果純粹覺得我係羨慕又妒忌的話，我可以話畀你知，作為營運一間公司，管理咁多司機，令業務擴張到今日上市，我真心佩服Gogo嘅創辦人。CALL4VAN作為香港第三大貨van app（容許我自high一下，儘管生意可能只係大台嘅1%），除咗過去兩年試過有盈利之外，9年入面有7年都係蝕錢（諗諗下其實已經叻過Gogo？！），「好司機留住好客」「司機與客多個選擇」係理念唔係揾錢，我深明其實我哋係冇商業價值：app廢，司機數量又少，路程價錢高，只不過咁多年嚟，都有好多不正常人類陪我癲，同事人工唔高，partner同身邊人蝕住搞app，司機分分鐘冇錢收都得閒車下物資，火燭就幫手疏散居民，義載下毛孩，仲試過搞劍擊直播，到而家用自己積蓄去接載年青運動員出入體院...

戇唔戇鳩呢？有冇後悔呢？我其實冇特別諗嘅（應該話係唔想諗？），客貨車業界將來會點，香港之後會點？有啲嘢冇得強求，但如果你覺得CALL4VAN做嘅嘢係有少少意義的話，希望你可以share呢個post，等人知CALL4VAN仲未死，同埋留言鼓勵下咁多年勞苦功高嘅同事同前線司機。

CALL4VAN創辦人 符柒朗

註：2014年5月嘅街頭照，Lulu幫忙舉牌，用予支持當年爭取「客貨分家」同要求合理處理「載客取籌」而出嚟慢駛抗議嘅數百位司機。

08/05/2022

❤️❤️❤️

25/12/2021

欣賞這攝影師的相片
每次也有被驚喜到

借相片
祝大家有一個溫暖的聖誕節🎄
Merry Christmas✨

12/12/2021

2021.12.12
Feel so warm 💌

今日大旺日 仲好好陽光呀🌞
Full Team 出動
仲有全部都係最可靠既幸福工匠
令到SS好放心💛

28/11/2021

1127 是本年度最旺的大日子
是一直支持SS背後的工匠大婚日
參與這婚禮佈置的一份子
意義重大 一早不接單

圖中的Backdrop出自新娘子設計
花藝也是姊妹花藝師親手製作
充滿著愛的祝福

刻意拍了縮時記錄
同小師傅出席 尤其感動

記著 幸福工匠
這是六年來最美的回憶
Simply Serenity 💛

23/11/2021

接著來原是婚禮旺季的日子
久違了的感覺

記得開始做SS時的使命感
這是一份滿載祝福的工作

幸福工匠💛

25/09/2021

Highlights
🌾接受租借 link in bio

now rentable at 𝑆𝑆𝒅𝒆𝒄𝒐𝒓.𝒔𝒕𝒐𝒓𝒆

Decoration .hashtag
Furniture

25/09/2021

Highlights
🌾接受租借 link in bio

now rentable at 𝑆𝑆𝒅𝒆𝒄𝒐𝒓.𝒔𝒕𝒐𝒓𝒆

25/09/2021

Highlights
🌾接受租借 link in bio

now rentable at 𝑆𝑆𝒅𝒆𝒄𝒐𝒓.𝒔𝒕𝒐𝒓𝒆