13/06/2025
📢როგორ ვისწავლოთ ,,არას" თქმა?
ზრდასრული ადამიანი ცხოვრებაში აკეთებს იმას, რაც მას უნდა და მოსწონს, ხოლო ადამიანი, რომელსაც არ აქვს საკუთარი თავის მიმართ რწმენა აკეთებს იმას, რაც სხვას უნდა და ცხოვრობს ისე, როგორც სხვას უნდა. მას აქვს უარის თქმის სირთულეები.
🤔როგორ ფორმირდება ეს სტრატეგია?
ბავშვისთვის, რომელიც არის პატარა და დამოკიდებულია მშობლებზე და ფიგურებზე, რომლებიც მას ზრდიან, ეს ქცევა ბუნებრივია, ის უნდა იყოს დამჯერი იმისათვის, რომ გადარჩეს, წინააღმდეგ შემთხვევაში მას ემუქრება დასჯა, მიტოვება, განრისხება და ის მიუღებელი ხდება ავტორიტეტული ფიგურებისთვის. თითქოს უყვართ ბავშვი, რომელიც არის დამჯერი და რომელიც აკეთებს იმას, რასაც ეუბნებიან, თუმცა ზრდასრულობაში პირიქით, ადამიანი, რომელიც ყველას ეთანხმება, ყველას უჯერებს, თითქოს ის არ უყვართ და მას არ აფასებენ, მას იყენებენ, იყენებენ მის რესურსებს, რის შედეგადაც ასეთი ადამიანი მიდის ემოციურ გადაწვამდე, მისი თვითშეფასება არის დაბალი და მას არ გააჩნია პიროვნული საზღვრები.
ბავშვმა, რომელიც მიჩვეულია დაქვემდებარებულის პოზიციას, თანდათან უნდა გამოიმუშავოს უარის თქმის უნარი, რომელიც არ ქონდა.
იმისათვის, რომ ეს უნარი გამოიმუშავოთ, დაიწყეთ მარტივი სიტუაციებით, სადაც შეძლებთ უარის თქმას. გაიარეთ რეპეტიცია, წარმოიდგინეთ სიტუაცია, სადაც ვინმე გთხოვთ გააკეთოთ ისეთი რამე, რისი გაკეთებაც თქვენ არ გინდათ, დააკვირდით ამ დროს სხეულში რას გრძნობთ და იმ მომენტში, როდესაც იგრძნობთ სხეულში წინააღმდეგობას, უბრალოდ წარმოთქვით ისეთი ჯადოსნური სიტყვა, როგორიც არის ,,არა". ,,არას" თქმის შემდეგ ნუ დაიწყებთ თავის მართლებას და მიზეზების მოფიქრებას. თქვენ მალე დარწმუნდებით, რომ არაფერი მოხდება, თუკი ის ადამიანი, რომელსაც უარი უთხარით განაწყენდა, ან გაბრაზდა, ეს უკვე მისი ემოციებია, რისი განცდის უფლებაც მას აქვს, თუმცა ეგ უკვე თქვენი პასუხისმგებლობა არ არის :)
