26/01/2024
Әзірбайжанның Баку қаласында қазақ күресінен ересектер арасында өткелі отырған Еуропа чемпионатының басталуына аз-ақ қалды.
«Біріккен Күрес әлемі» (UWW) аясындағы додада ерлер мен әйелдер 16 салмақ дәрежесінде күреседі. Аталмыш жарыста кәрі құрлықтың 15-ке жуық елінің спортшылары бақтарын сынайды. Сөйтіп, екі күннің ішінде еуропалықтардың арасындағы қазақ күресінің үздік балуандары анықталмақ.
Еуропа чемпионатының демеушісі – Sport Qory спортты қолдау қоры.
Еске салсақ, 2005-2023 жылдары аралығында қазақ күресінен 10 әлем чемпионаты, 12 Азия чемпионаты, 6 Әлем кубогы, 5 Еуропа біріншілігі, Иран мен Бразилияда кадеттер мен жастар арасында әлем чемпионаттары және Оңтүстік Африкада 2 Африка біріншілігі, Бразилияда Оңтүстік Америка чемпионаты ұйымдастырылған болатын.
Қазақ күресінен соңғы Еуропа чемпионаттары 2017 және 2018 жылдары Сербияның Новый сад пен Зренянин қалаларында өтті. Ендігі кезек Әзірбайжанға жетті.
Бәсі биік додада кілемге шығатын балуандарға сәттілік тілейміз!
