25/08/2026
PARADE GROUP-Ի ԱՌԱՋԱՐԿԸ՝ ԵՐԵՎԱՆԻՆ
Parade Group-ը ներկայացնում է ծաղկի վաճառքի տաղավարների միասնական համակարգի նախագիծ՝ նպատակ ունենալով ստեղծել գեղեցիկ քաղաքային միջավայր և մասնագիտորեն կազմակերպված ծաղկի վաճառք։
Մեր առաջարկի 5 հիմնական ուղղությունները՝
1. Ծաղիկների պահպանման և վաճառքի ճիշտ պայմաններ — համապատասխան ջերմաստիճան, լուսավորություն, օդափոխություն և մասնագիտական ցուցադրում։
2. Քաղաքի բարեկարգ և ժամանակակից տեսք — գործող վաճառքի կետերի փոխարինում կամ արդիականացում՝ քաղաքային միջավայրին համապատասխան լուծումներով։
3. Միասնական դիզայներական լուծում — ժամանակակից, գեղեցիկ և ճանաչելի տաղավարներ՝ Երևանի ընդհանուր ճարտարապետական կերպարին համապատասխան։
4. Միասնական մասնագիտական ստանդարտներ — հստակ չափանիշներ տաղավարների կառուցվածքի, մաքրության, անվտանգության, սպասարկման և ծաղիկների վաճառքի համար։
5. Ծաղկի ոլորտի զարգացում — աջակցություն տեղական արտադրողներին, ջերմատներին և ծաղկի խանութներին, նոր վաճառքի հնարավորությունների և աշխատատեղերի ստեղծում։
Մեր նպատակը պարզապես նոր տաղավարներ տեղադրելը չէ։ Մեր նպատակը Երևանում ծաղկի վաճառքի նոր՝ ժամանակակից, գեղեցիկ և մասնագիտական քաղաքային մշակույթ ձևավորելն է։
Parade Group — առաջարկ Երևանի քաղաքապետարանին։
