რაკეტით მოგზაურობისას, პატარა კოსმონავტმა ფერადი, უცნაური ფიგურებით სავსე, საინტერესო პლანეტა აღმოაჩინა. აღფრთოვანებულმა შეყოვნება და მისი კარგად დათვალიერება გადაწყვიტა. კოსმონავტი აკვირდებოდა, გატაცებით ეცნობოდა პლანეტის მაცხოვრებელთა ხასიათსა და ქცევებს და მხიარულად მიიწევდა წინ უფრო მეტის სანახავად. მალე, ის დაიღალა და რაკეტასთან დაბრუნება გადაწყვიტა, თუმცა პლანეტასა და მის ბინადრებზე დაკვირვე
ბით გართულმა ვერც კი შენიშნა, რომ რაკეტას ძალიან მოშორდა და მისი პოვნა ვეღარ შეძლო. გავიდა დრო, პატარა კოსმონავტი, მხიარულ, უცნაურ უცხოპლანეტელს შეხვდა. ვინაიდან რაკეტის პოვნა, პლანეტის დატოვება და სახლში დაბრუნება შეუძლებელი იყო, მეგობრებმა გადაწყვიტეს ამ პლანეტაზე მოეწყოთ მშობლიური სივრცე, სადაც თავს იგივენაირად იგრძნობდნენ, როგორც სახლში და რითიც შეძლებდნენ ამ პლანეტის მაცხოვრებლებისთვის ეჩვენებინათ თუ როგორია დანარჩენი სამყარო. კოსმონავტმა და მისმა მეგობარმა „სითი მოლში“ დაიდეს ბინა და „მეჯიქ სითი“ – თავგადასავლების მოყვარულთათვის, დაუვიწყარი შთაბეჭდილებების ქალაქი შექმნეს. „მეჯიქ სითის“ თითოეული სტუმარი მასპინძლებს მუდმივად ეხმარება გადალახონ დაბრკოლებები, გაიმარჯვონ, დაამყარონ რეკორდები, დააგროვონ დადებითი ენერგია და შეძლონ, კიდევ უფრო მეტი ახალი, გასართობი და საინტერესო თავგადასავლის შექმნა.
