Kashmir News Channel

11/10/2026

08/10/2026

8 اکتوبر 2005 — قیامت خیز زلزلہ، 21 برس بعد بھی زخم تازہ

آزادکشمیر سمیت پاکستان کی تاریخ کا وہ سیاہ دن، جسے وقت بھی فراموش نہ کر سکا

8 اکتوبر 2005ء… صبح تقریباً 7 بج کر 52 منٹ کے قریب آنے والے 7.6 شدت کے تباہ کن زلزلے نے آزادکشمیر، خیبرپختونخوا اور شمالی پاکستان کے وسیع علاقوں کو ہلا کر رکھ دیا۔ چند ہی لمحوں میں آبادیاں ملبے کا ڈھیر بن گئیں، گھر اجڑ گئے، سکول خاموش ہو گئے اور ہزاروں خاندان اپنے پیاروں سے محروم ہو گئے۔

مظفرآباد، باغ، بالاکوٹ اور گردونواح میں تباہی کی شدت ناقابلِ بیان تھی۔ پہاڑوں سے لینڈ سلائیڈنگ ہوئی، سڑکیں بند ہو گئیں، مواصلاتی نظام متاثر ہوا اور بڑی تعداد میں لوگ کھلے آسمان تلے زندگی گزارنے پر مجبور ہو گئے۔

یہ صرف عمارتوں کا انہدام نہیں تھا، یہ ہزاروں خاندانوں کی زندگیوں کا بکھر جانا تھا۔

اس قیامت خیز سانحے میں دسیوں ہزار قیمتی جانیں ضائع ہوئیں اور لاکھوں افراد متاثر و بے گھر ہوئے۔ ہر طرف آہ و بکا تھی، کسی نے والدین کھوئے، کسی نے اولاد، کسی نے بہن بھائی اور کسی نے اپنا پورا خاندان۔

اللہ تعالیٰ زلزلے میں شہید ہونے والے تمام افراد کی کامل مغفرت فرمائے، ان کے درجات بلند فرمائے اور تمام لواحقین کو صبرِ جمیل عطا فرمائے۔ آمین۔

جب پورا پاکستان کشمیر کے ساتھ کھڑا ہو گیا

زلزلے کے بعد جب تباہی کی خبریں پورے ملک تک پہنچیں تو کراچی سے خیبر، لاہور سے کوئٹہ اور سندھ، پنجاب، بلوچستان، خیبرپختونخوا سمیت پاکستان کے ہر حصے سے لوگ اپنے کشمیری بھائیوں کی مدد کے لیے نکل پڑے۔

کسی نے خوراک دی، کسی نے پانی، کسی نے کمبل اور کپڑے، کسی نے ادویات فراہم کیں۔ ڈاکٹر، انجینئر، فوجی جوان، امدادی کارکن، طلبہ اور عام شہری ملبے میں پھنسے لوگوں کو تلاش کرنے اور زخمیوں کو طبی امداد پہنچانے کے لیے پہنچے۔

اس وقت کسی نے نہیں پوچھا کہ تم پنجابی ہو، سندھی ہو، بلوچ ہو، پٹھان ہو یا کشمیری۔

اس وقت صرف ایک شناخت تھی — انسان۔
اور صرف ایک رشتہ تھا — درد کا رشتہ۔

پورے پاکستان سے آنے والے لوگوں نے ثابت کیا کہ مشکل کی گھڑی میں پاکستانی قوم اپنے بھائیوں کو تنہا نہیں چھوڑتی۔

ہم نہیں بھولے، اور نہ بھولیں گے

آج 8 اکتوبر 2026ء کو اس قیامت خیز سانحے کو 21 برس مکمل ہو گئے ہیں، مگر اس دن کے زخم آج بھی بہت سے دلوں میں تازہ ہیں۔

گھر دوبارہ تعمیر ہو گئے، سڑکیں بن گئیں، بستیاں آباد ہو گئیں، مگر جن لوگوں نے اپنے پیارے کھوئے، ان کے دلوں میں وہ دن آج بھی زندہ ہے۔

اور اسی کے ساتھ زندہ ہے وہ محبت بھی جو اہلِ پاکستان نے مشکل کی اس گھڑی میں کشمیری عوام کے لیے دکھائی۔

اہلِ پاکستان!
ہم نہیں بھولے، اور نہ بھولیں گے۔

جب ہماری چھتیں گر گئی تھیں، آپ ہمارے لیے سایہ بن کر آئے تھے۔
جب ہمارے چولہے بجھ گئے تھے، آپ راشن لے کر پہنچے تھے۔
جب ہمارے خاندان اجڑ گئے تھے، آپ نے ہمارے دکھ کو اپنا دکھ سمجھا تھا۔
اور جب ہمیں لگا تھا کہ ہم اس تباہی میں اکیلے ہیں، تب پورا پاکستان ہمارے ساتھ کھڑا تھا۔

یہ کسی ایک حکومت، ادارے یا جماعت کا احسان نہیں تھا؛
یہ پاکستان کے عوام کی محبت، اخوت اور انسانیت تھی۔

آج 8 اکتوبر کے دن ہم زلزلے میں شہید ہونے والے تمام افراد کو خراجِ عقیدت پیش کرتے ہیں اور اپنے ان تمام پاکستانی بھائیوں، بہنوں، اداروں، رضاکاروں اور امدادی کارکنوں کو سلام پیش کرتے ہیں جنہوں نے اس مشکل وقت میں کشمیری عوام کا ساتھ دیا۔

ہم نہیں بھولے…
اور نہ بھولیں گے۔

اللہ تعالیٰ شہدائے زلزلہ کی مغفرت فرمائے، جنت الفردوس میں اعلیٰ مقام عطا فرمائے، متاثرہ خاندانوں کو صبر دے اور آزادکشمیر سمیت پورے پاکستان کو ہر بڑی آزمائش اور قدرتی آفت سے محفوظ رکھے۔ آمین۔ 🤲

پاکستانی قوم ہمیشہ زندہ باد 🇵🇰
کشمیر و پاکستان — اخوت کا رشتہ ہمیشہ قائم رہے۔

08/10/2026

باغ۔ ڈپٹی کمشنر باغ سید ممتاز حسین کاظمی نے کہا ہے کہ ضلع باغ میں ایک انچ تجاوزات کو برداشت نہیں کیا جائے گا، ہائی وے ایکٹ کی خلاف ورزی پر سخت ایکشن لیا جائے، ہائی وے رولز کے مغائر تعمیرات کی این او سیز جاری کرنے والوں کے خلاف بھی ایکشن ہو گا، ریونیو عدالتوں میں سالوں کیسز کا نظام ختم کرنا ہو گا 90دن کی معیاد کے اندر فیصلے کریں تا کہ عوام کو سالوں تک انصاف کا منتظر نا رہنا پڑے، ریونیو کیسز کی سماعت صرف تاریخ دینے کی حد تک نہیں بلکہ اس پہ پراگریس ہونی چاہیے ریکارڈ کی پیشی کے لیے 15دن کا وقت دیا جائے، نوٹس کی تعمیل سے لیکر فیصلے تک تمام قانونی تقاضے پورے کرتے ہوئے جلد فیصلے کیے جائیں، ہمارے اقدامات کا فائدہ ڈائریکٹ عوام کو ملنا چاہیے روائتی میٹنگز اور کاغذی کارروائی کی عادت ترک کرنا ہو گی، تاخیری حربوں سے محکمہ کی نیک نامی متاثر ہوتی ہے۔ ان خیالات کا اظہار انہوں نے اسسٹنٹ کمشنرز، تحصیلداران و دیگر ریونیو آفیسران و ملازمین کے اجلاس کی صدارت کے دوران گفتگو کرتے ہوئے کیا۔ اس موقع پر تحصیل باغ، تحصیل ہاڑی گہل، تحصیل دہیرکوٹ، تحصیل بیر پانی، تحصیل ریڑہ کے اسسٹنٹ کمشنرز سمیت دیگر بھی موجود تھے۔ ڈپٹی کمشنر نے ہدایات جاری کیں کہ روائتی انداز کو ترک کر کے حقیقی معنوں میں عوام کی خدمت کو شعار بنا کر کام کرنا ہو گا۔ اجلاس میں آفیسران سے محکمانہ اقدامات میں مزید بہتری کے لیے تجاویز بھی لی گئیں اور آئندہ کے لیے اہداف بھی مقرر کیے گئے۔

08/10/2026

اللہ تعالی 8 اکتبوبر کے شھداۓ زلزلہ کی مغفرت فرماۓ اور ہمیں ایسی آزمائشوں سے محفوظ رکھے۔اللّٰہ پاک امت مسلمہ کو ہدایت سلامت دے

05/10/2026

📢 جابز اوپّرچونٹی — خواتین کے لیے بہترین روزگار کا موقع

PSO پمپ ہاڑی گہل میں خواتین کے لیے مختلف آسامیوں کا اعلان کر دیا گیا ہے۔

🔹 پمپ مینجمنٹ — 1 آسامی
تعلیمی قابلیت: کم از کم ماسٹرز

🔹 نوزل آپریٹر — 5 آسامیاں
تعلیمی قابلیت: کم از کم میٹرک

🕘 ڈیوٹی ٹائمنگ: صرف دن کے اوقات میں

دلچسپی رکھنے والی خواتین اس بہترین روزگار کے موقع سے فائدہ اٹھائیں اور مزید معلومات یا اپلائی کرنے کے لیے فوری طور پر درج ذیل نمبرز پر رابطہ کریں:

📞 0345-4500041
📞 0345-5994505
📞 0344-8842474

📍 مقام: PSO پمپ، ہاڑی گہل

05/10/2026

صدر آزاد جموں و کشمیر ڈاکٹر محمد نجیب خان نے صدر ریاست منتخب ہونے کے بعد ضلع سدھنوتی کا پہلا دورہ کیا۔ آزاد پتن سے پلندری تک ہزاروں افراد نے ان کا والہانہ استقبال کیا۔ آزاد جموں و کشمیر کی حدود میں داخل ہوتے ہی آزاد پتن کے مقام پر عوام کی بڑی تعداد نے صدر ریاست کا پرتپاک خیرمقدم کیا، جبکہ پلندری پہنچنے پر کوٹلی چوک سے ایک بڑی ریلی کی صورت میں پی ڈبلیو ڈی ریسٹ ہاؤس تک لایا گیا۔ شہریوں نے صدر آزاد جموں و کشمیر کو ہار پہنائے، پھولوں کی پتیاں نچھاور کیں اور پرجوش نعروں کے ساتھ ان کا استقبال کیا۔ اس موقع پر جلسہ عام سے خطاب کرتے ہوئے صدر آزاد جموں و کشمیر نے تحریک آزادی کشمیر کی تکمیل، مقبوضہ کشمیر کے عوام کے حق خودارادیت، پاکستان اور کشمیر کے لازوال رشتے اور آزاد کشمیر کی تعمیر و ترقی کے حوالے سے اپنے عزم کا اظہار کیا۔ ڈاکٹر محمد نجیب نقی خان نے کہا کہ جو مسائل پہلے کبھی نہ حل ہوسکے تھے موجودہ حکومت میں حل ہوں گے۔ قائد مسلم لیگ( ن ) محمد نواز شریف، وزیر اعظم پاکستان محمد شہباز شریف اور وزیر اعلیٰ پنجاب محترمہ مریم نواز شریف کا شکریہ ادا کرتا ہوں کہ آزاد جموں و کشمیر حکومت کو اضافی فنڈز فراہم ہوں گے۔
صدر آزاد جموں و کشمیر ڈاکٹر محمد نجیب خان نے کہا کہ صدر ریاست منتخب ہونے کے بعد ان کے کاندھوں پر بھاری ذمہ داریاں عائد ہوئی ہیں۔ تحریک آزادی کشمیر کو اس کے منطقی انجام تک پہنچانے، مقبوضہ کشمیر کے عوام کی آواز عالمی برادری تک پہنچانے اور انہیں ان کا بنیادی حق، حق خودارادیت دلانے کے لیے مؤثر کردار ادا کرنا ہماری اولین ترجیحات میں شامل ہے۔
صدر ریاست نے کہا کہ بھارت نے مقبوضہ کشمیر کو ایک جیل میں تبدیل کر رکھا ہے جہاں چھ لاکھ سے زائد فوج تعینات کر رکھی ہے اس کے باوجود کشمیری پاکستان کے سبز ہلالی پرچم میں دفن ہوتے ہیں ۔
ریاست کی تعمیر و ترقی کے حوالے سے صدر ڈاکٹر محمد نجیب خان نے کہا کہ آزاد کشمیر کے تمام شہریوں کو بہتر معیار زندگی، بنیادی ضروریات کی فراہمی یقینی بنائیں گے۔
انہوں نے کہا کہ تعلیم و تربیت شعور کی بیداری اور نوجوان نسل کو اسلاف کی قربانیوں سے روشناس کروا کے ایک باشعور، باصلاحیت اور ترقی یافتہ معاشرہ تشکیل دیا جا سکتا ہے۔
انہوں نے کہا کہ ہمارے اسلاف نے بے شمار قربانیاں دی ہیں اس خطے کا کوئی قبرستان ایسا نہیں جہاں کوئی شہید دفن نہ ہو۔پونچھ ڈویژن مشکل میں ہے یہاں احتجاج کرنے والے بھی ہمارے اپنے ہیں مشکلات اور معاملات کا بہترین اور پر امن حل جلد نکالا جائے گا ضلع سدھنوتی کے دیرینہ مسائل کے حل کے لیے عملی اقدامات کیے جائیں گے۔ عوامی مسائل کا حل، بنیادی سہولیات کی فراہمی اور ترقیاتی منصوبوں کی مؤثر تکمیل حکومت کی ترجیحات میں شامل ہے۔ یہاں آٹے اور اشیائے خوردونوش کی ہمہ وقت فراہمی میں کسی قسم کا تعطل پیدا نہیں ہو گا
انہوں نے کہا کہ حکومتی کارکردگی صرف اعلانات تک محدود نہیں رہے گی بلکہ اس کے اثرات عوام کو عملی طور پر نظر آئیں گے پہلے 100 دنوں کے دوران حکومتی منصوبے عوام کے سامنے لائیں گے تاکہ ریاست کی ترقی، عوامی فلاح و بہبود اور دیرینہ مسائل کے حل ہو سکیں
صدر آزاد جموں و کشمیر نے کہا کہ ریاست میں بسنے والے تمام شہری بہتر، محفوظ اور باوقار زندگی گزارنے کے مستحق ہیں۔ حکومت، متعلقہ اداروں اور عوام کو باہمی تعاون سے ریاست کی ترقی اور خوشحالی کے لیے اپنا کردار ادا کرے گی۔ انہوں نے اس عزم کا اظہار کیا کہ عوامی مسائل کے حل، ریاستی ترقی اور شہریوں کے معیار زندگی میں بہتری کے لیے اپنی ذمہ داریاں پوری کریں گے۔
صدر ریاست ڈاکٹر محمد نجیب خان نے ضلع سدھنوتی کے عوام کی جانب سے پرتپاک استقبال پر ان کا شکریہ ادا کیا اور کہا کہ یہاں کے تمام لوگوں کی وجہ سے میں صدر بنا ہوں عوام کی محبت اور اعتماد ان کے لیے باعث اعزاز ہے۔ انہوں نے ریاست کے تمام شہریوں اور بالخصوص اہلیان سدھنوتی مسلم لیگ ن کی پوری ٹیم عہدیداران اور کارکنان کے تعاون کو سراہتے ہوئے اس عزم کا اظہار کیا کہ عوامی توقعات پر پورا اترنے اور ریاست کی ترقی کے لیے اپنی تمام تر صلاحیتیں بروئے کار لائیں گے۔

03/10/2026

مظفرآباد: کشمیر کونسل کی چاروں نشستوں پر امیدوار بلا مقابلہ منتخب
مسلم لیگ ن کے راجہ مشتاق منہاس، چوہدری سعید اور چوہدری منظور کامیاب
پیپلز پارٹی کے چوہدری لطیف اکبر بھی بلا مقابلہ ممبر کشمیر کونسل منتخب
کاغذات نامزدگی کی جانچ پڑتال کے بعد چاروں امیدواروں کی کامیابی کا اعلان
کشمیر کونسل کی چاروں نشستوں پر مقابلہ نہ ہو سکا، امیدوار بلا مقابلہ منتخب

03/10/2026

اسلام آباد:سابق ڈپٹی سیکرٹری داخلہ عمر حیات قریشی نے چیئرمین پاکستان عوامی قوت پارٹی خواجہ خاقان وحید سے ملاقات کی۔ اس موقع پر سردار عمر ریاض،راجہ منیر احمد، راجہ عادل، یاسین خان، ملک رضوان، شکیل اعوان اور دیگر بھی موجود تھے۔

03/10/2026

🏪 ایسٹا انٹرپرائزز — نام اعتماد کا

ہاڑی گہل باغ میں پہلی مرتبہ سینٹری، الیکٹرک اور پلمبنگ مصنوعات کا مکمل مرکز قائم

ہاڑی گہل، باغ آزاد کشمیر:
ہاڑی گہل میں ایسٹا انٹرپرائزز اور ایسٹا سینٹری سٹور، ہول سیل اینڈ ریٹیل ڈیلر کا شاندار افتتاح کر دیا گیا۔ افتتاح کی تقریب میں انجمن تاجران ہاڑی گہل اور عوام علاقہ نے خصوصی شرکت کی اور اپنے دستِ مبارک سے فیتہ کاٹ کر کاروبار کا باقاعدہ آغاز کیا۔

🔧 مضبوط بنیاد، آسان زندگی

ہاڑی گہل باغ میں پہلی مرتبہ جدید اور منفرد ڈیزائن کے ساتھ ایسٹا انٹرپرائزز پر تعمیرات، سینٹری اور الیکٹرک سے متعلق مصنوعات کی وسیع ورائٹی انتہائی مناسب اور مارکیٹ کے مقابلے میں موزوں نرخوں پر دستیاب ہے۔

دستیاب مصنوعات میں:

- PPRC، UPVC اور PVC پائپس
- مکمل باتھ سیٹس
- واٹر سیٹس
- چائنا فٹنگز
- الیکٹرک کیبلز
- پنکھے
- بجلی کا دیگر مکمل سامان
- ماسٹر کی کی اوریجنل ورائٹی

اس کے علاوہ صارفین کی سہولت کے لیے پلمبر اور الیکٹریشن کی مکمل سروس بھی دستیاب ہے۔

🚚 آزاد کشمیر بھر میں سروس

ایسٹا انٹرپرائزز کی سروس اب آزاد کشمیر کے چھوٹے بڑے شہروں تک دستیاب ہے، جہاں معیاری مصنوعات، مناسب قیمت اور بہترین سروس کے ذریعے صارفین کو سہولت فراہم کرنے کا عزم کیا گیا ہے۔

📍 پتہ:
ایسٹا انٹرپرائزز سینٹری سٹور اینڈ ہول سیل ڈیلرز
بالمقابل/قریب PSO پمپ، نبیل مارکیٹ، تکہ موڑ، مین بازار ہاڑی گہل، باغ آزاد کشمیر

👤 پروپرائٹر:

راجہ صنان ساجد
📞 0341-5800093

راجہ ذہن العابدین
📞 0313-4324632

ایسٹا انٹرپرائزز — معیار بھی، اعتماد بھی، سہولت بھی۔