Ljósfest í Vági - Mentanardagar

11/06/2026

ABBA - Tribute letur heilsa tykkum og tey gleða seg at spæla til Ljósfestina í Vági 15 august. Okur gleða okkum eisini🎶🇫🇴😎🎶

AURA MYNDIR eigur myndirnar🎶😎🙂

03/06/2026

https://vagur.fo/tidindi/3008/tilnevn-folk-at-heidra

Vágbingar kunnu nú tilnevna fólk at heiðra til Ljósfestina 2026. Vikuskiftið 14.-15. og 16. august verður Ljósfest í Vági, har tónleikur og mangt annað verður á skrá. Eitt av afturvendandi tiltøkunum á Ljósfest er heiðranin av fólki, ið hava gjørt eitthvørt gott fyri Vág. Í ...

01/06/2026

Solband setur gongd á fríggjakvøldið á Ljósfestini 2026

Fríggjakvøldið 14. august verður tað danski tónleikabólkurin Solband, ið fer at skapa hugna og góðan stemning í teltinum á Ljósfestini í Vági. Við á pallinum verður eisini vágbingurin Jan Wøldike.

Solband varð stovnað í 2017 og hevur síðani spælt nógv kring Danmark. Teir eru kendir fyri sín lívliga og hugnaliga stíl, har rockur, soul og blues verða blandað saman í vælkendar cover-sangir, sum fáa fólk bæði at lurta, syngja við og fara á gólvið.

Bólkurin hevur fleiri ár á rað spælt til vælumtóktu Solbjerg Byfest uttanfyri Aarhus – ein býur, sum ofta verður nevndur sum ein av størstu tónleikamiðstøðunum í Danmark. Á Facebook-síðuni hjá Solbjerg Byfest verður Solband lýst sum bólkurin, ið altíð skapar “klassiska og hugnaliga Solband-stemningin” á festivaløkinum.

Umframt festivalar spælir Solband eisini til brúðleyp, føðingardagar og onnur tiltøk, har góður livandi tónleikur stendur ovast á ynskilistanum.

Manningin í Solband er: Jan Wøldike – sang, Morten Elkjær – guitar og kór, Henning Jensen – saxofon, Anders Hansen – bass, Andreas Skytte Boes – trummur.

Jan Wøldike hevur spælt tónleik, síðani hann var smádrongur. Hann byrjaði sítt tónleikalív bæði í Vági og í Eysturoynni, har hann serliga spældi trummur. Men eftir at hann flutti til Danmarkar, hevur tónleikurin fylt enn meira í gerandisdegnum. Jan er eisini umframt, at spæla tónleik, ein sera dugnaligur listamaður

Nú vendir hann aftur til heimbygdina fyri at spæla á Ljósfestini í Vági – og tað gleða vit okkum nógv til.

Vit ynskja Jan Wøldike og Solband hjartaliga vælkomnum til Ljósfestina 2026.

27/05/2026

Heilsan frá Starlight, sum koyra á við fleiri nýggjum framúr sangun, teir gleða seg til Ljósfestina leygarkvøldið 15 august. Okur gleða okkum eisini.😎💪🎼🎤🎬🎸🥁🎧

25/05/2026

Starlight, sum aftur vera at hoyra til Ljósfestina, koma aftur nú við nýggjum sangi🎶🎶💪🇫🇴🥰😎

25/05/2026

Starlight koma aftur til Ljósfestina 2026

Tá Ljósfest verður í Vági vikuskiftið 14, 15 og 16. august 2026, fer bólkurin Starlight aftur á pallin.

Teir spæla leygardagin 15. august 2026.
Starlight bergtók øll á Ljósfestini í 2023 og í 2024.

Ein skuldi trúð at teir ikki høvdu gjørt annað enn at spælt tónleik - síðani teir vóru í hæddini í sjeyti- og áttatiárunum. Teir hava tó verið saman á palli til okkurt serstakt høvi seinnu árini og so, sum nevnt, á Ljósfestini '23 og '24.

Starlight byrjaði í 1979

Starlight byrjaði í 1979, og spældi nógv til dans kring landið í áttatiárunum. Teir spældu rock- og popptónleik og vóru væl fagnaðir í dansihølunum kring alt landið, og í 1981 vunnu teir heitið sum ársins tónleikabólkur. Fleiri av teimum, ið mannaðu bólkin tá, hava verið virknir innan tónleik síðani.

Hava givið fleiri nýggj løg út

Starlight hava givið fleiri nýggj løg út seinasta árið, tvey tey seinastu kallast “Vilt tú vita“ og “Dreymaland”

Tann fyrsta útgávan í framhaldinum av teirra tónleiki nú í 2026 var “Dreymaland”, sum kom út 28. mars og tann seinasta “Vilt tú vita“ kom út 01. mai. Tað er Niclas Johannesen, sum hevur framleitt og Óli Poulsen hevur ljóðblandað.

Í fjør komu 2 tey fyrstu løgini hjá Starlight út, “Knáir gamlir menn“ og “Rótasúpan“

Fyrra lagið, 'Knáir gamlir menn', var á Top 10, tá Ársins Útvaprsh*tt 2025 skuldi veljast í samband við Faroese Music Awards (FMA) 2026. Har fingið teir eitt flott 7 pláss.

Nýggj EP ávegis

Teir í Starlight siga, at 2 sangir afturat liggja í bíðirøð at koma út. Tann fyrri av teimum, Smíl og Tár kemur út hósdagin í hesi vikuni og tann seinasti í hesum umfarinum, Skuggar við Krossveg, kemur út til jóansøkuna. Skuggar við Krossveg er samstundis heitislagið til EP'ina, har teir fyrstu 6 sangirnir hjá nýggja gamla rockbólkinum vera samlaðir.

Manningin í Starlight er hendan: Kári Lisberg, Sámal Samuelsen, Fimmboði Lisberg, Jákup Hansen og Jóhan Martin Jacobsen.

Okur gleða okum at hoyra Starlight aftur til Ljósfestina í Vági.

Umframt Starlight, eru hesir bólkar alment komnir á skránna leygardagin 15 august 2026.

Norðkraft, ABBA-Tribute, Annika Hoydal og so Starlight. Enn fleiri nøvn koma seinni.

Her er leinki til rockballaduna “Dreymaland“

Provided to YouTube by TutlDreymaland · StarlightDreymaland℗ TutlReleased on: 2026-03-28Producer: Niclas JohannesenComposer: Jóhan Martin JacobsenLyricist: J...

18/05/2026

ABBA - Tribute til Ljósfestina í Vági

Tey hava spælt kring alt landið, og nú koma tey til Vágs at framføra á Ljósfestini leygarkvøldið 15. august.

ABBA - Tribute hevði sínar fyrstu framførslur í januar 2024, tá ið tey spældu tvær útseldar fagnaðarkonsertir í Norðurlandahúsinum. Sama ár vóru eisini 50 ár liðin, síðani ABBA vann Eurovision Song Contest við heimskenda lagnum “Waterloo”, sum verður mett sum eitt av bestu Eurovision-løgunum nakrantíð.

Nú verður høvi at uppliva ABBA - Tribute á Ljósfestini í Vági, har nakrir av okkara fremstu tónleikarum fara at framføra fleiri av teimum kendu ABBA-løgunum. Eitt nú “Super Trouper”, “Knowing Me, Knowing You”, “The Winner Takes It All” og nógv onnur.

Tónleikararnir, sum manna ABBA - Tribute til Ljósfestina í Vági, eru:

Edith Dahl Jakobsen, sang, Ann Chanett Danielsen, sang, Bjarni Lisberg klaver og kór og Allan Tausen gittar og kór. Umframt so eru hesu eisini við í Vági. Jan Rúni Poulsen, trummur, Kristoffur Mørkøre bass, Ólavur Eyðunsson Gaard el-gittar, Kristian Pauli Ellefsen tagentar og Hans Petur í Brekkunum á saksofon.

Okur gleða okkum til eitt rimmar ABBA-kvøld á Ljósfestini leygarkvøldið 15. august í Vági.

13/05/2026

Annika Hoydal letur heilsa og gleðir seg til at spæla á Ljósfestini. Vit gleða okkum sanniliga eisini.🎶🇫🇴

03/05/2026

Annika Hoydal við tónleikabólki til Ljósfestina í Vági.

Okur kunnu hervið avdúka at okkara framúrskarandi tónleikarin Annika Hoydal spælir til Ljósfestina í Vági leygarkvøldið 15 august.

Livandi legendan Annika Hoydal kemur við tónleikabólki sínum, at framføra fyri okkum í Vági til Ljósfestina leygarkvøldið 15 august í ár, og okur eru henni og hennara tónleikabólki sera takksom fyri, at hon kemur til Vágs.

Annika er framvegis ein framúrskarandi sangarinda og tekur enn øllum á bóli við sínari framúrskarandi rødd og framførðslu á palli.

Okur kenna øll, til hennara stóra úrval av tónleikaskattum gjøgnum fleiri áratíggir, sum hava fylgt okkum øllum við gleði, til dagin í dag.

Annika Hoydal er uttan iva ein av okkara allar størsta tónleikaskald og tónleikari yvirhøvir.

Har hon m.a saman við Harkaliðnum, gjørdi eitt hav av tónleika - hittum fyrst í sjeyti og heilt upp til áttatí árini.

Somuleiðis eru fleiri tónleika útgávur útkomnar fram til dagin í dag.

Annika Hoydal hevur, saman við okkara mætastu tónleika úrmælingum innan føroyska tónleikaheimin yvirhøvir samansett sínu djúpu spor í okkara tónleikahjørtu, hjá okkum øllum.

Har Annika saman vid tónleika úrmælingum sum Kári Mouritsen og Jógvan Dahl sálar vóru partar av Harkalíðnum.

Eisini var ein annar framúrskarandi tónleikari partur av hesum legendariska tónleikabólki, talan er um núlivandi legenduna Jógvan Telling Joensen.

Har eisini skal nevnast, at Jógvan Dahl er ættaður og uppvaksin í Vági. Somuleiðis var pápi Jógvan Telling Joensen, Eigil Joensen var ættaður úr Vági.

At Annika, sum herfyri kundi feira ein 80 ára føðingardag, er ein tann størsta stjørnan í føroyska mentanarlívi yvirhøvur, er eingin ivi herfrá.

Síðani miðskeiðis í sekstiárunum hevur hon verið sangari, sangskrivari og sjónleikari í Føroyum og uttanlands, og hon er framvegis sera virkin á føroyska mentanarpallinum.

Annika Hoydal hevur sum sum nevnt verið solistur og sum partur av Harkaliðnum sungið eina langa røð av sangum, sum eru vorðnir fólkaogn: "Aldan", "Í dans", "15 ár", "Lisa", "Ólavur Riddararós" og fleiri.

Fleiri av hennara tónleikaskattum eru gjørdir saman við framúrskarandi bróður hennara Gunnar Hoydal og har eisini Jógvan T Joensen samasetti tónleikin til eitt nú legendariska tónleikabólkin Harkaliði.

Okur gleða okkum sera nógv og síggja fram til eitt rimmar leygarkvøld 15 august 2026 til Ljósfestina í Vági.

08/01/2026

Gott nýggjár øll.

Fyrireikingar til Ljósfestina í 2026, hava verið væl í gongd í eina tíð.

Aftur í ár fara okur at hava eina spennandi skrá bæði fyri børn og vaksin.

Okur gleða okkum at síggja tykkum øll aftur í Vági, vikuskifti 14,15 og 16 august 2026 “ Har okur møtast “🎶🥰🇫🇴