19/10/2026
የካፍ ባለሙያዎች ቡድን የሀዋሳ ዓለም አቀፍ ስታዲየምን ዝግጁነት ለመገምገም ሀዋሳ ገባ።
ሀዋሳ፣ ጥቅምት 9/2019 ዓ.ም. — የሲዳማ ክልል ስፖርት ኮሚሽን
የአፍሪካ እግር ኳስ ኮንፌዴሬሽን (CAF) ባለሙያዎች ቡድን፣ ኢትዮጵያ የ2028 የአፍሪካ ዋንጫ (AFCON 2028) ውድድርን ለማስተናገድ ካቀረበችው ጥያቄ ጋር በተያያዘ፣ የሀዋሳ ዓለም አቀፍ ስታዲየምን የቅድመ ዝግጅት ሥራዎችና የዝግጁነት ሁኔታ ለመገምገም ይፋዊ የጉብኝት መርሐ ግብር ለማከናወን ሀዋሳ ከተማ ገብቷል።
ባለሙያዎቹ በሀዋሳ ዓለም አቀፍ አየር ማረፊያ ሲደርሱ፣ የሲዳማ ክልል ምክትል ርዕሰ መስተዳድርና የገንዘብ ቢሮ ኃላፊ ዶ/ር ዳዊት ሀዬሶ አቀባበል አድርገውላቸዋል።
ኢትዮጵያ የ2028ቱን የአፍሪካ ዋንጫ ለማስተናገድ ባቀረበችው ጥያቄ ውስጥ ሀዋሳ ከተማ ከዋና አስተናጋጅ ከተሞች አንዷ በመሆኗ፣ የከተማዋ የስፖርት መሠረተ ልማትና አጠቃላይ ዝግጁነት ወሳኝ ሚና ይኖራቸዋል።
በቆይታቸውም የካፍ ባለሙያዎች ቡድን በስታዲየሙና በተያያዙ የዝግጅት ሥራዎች ላይ የተለያዩ ምልከታዎችንና ግምገማዎችን እንደሚያከናውን ይጠበቃል።
ይህ ጉብኝት ሀዋሳ ከተማ የአህጉራዊ የእግር ኳስ ውድድርን ለማስተናገድ ያላትን ዝግጁነት ለማሳየትና የኢትዮጵያን የአስተናጋጅነት ጥያቄ ለማጠናከር ከሚደረጉ ጥረቶች አንዱ ነው።
ክልል ስፖርት ሚዲያ ኮሙኒኬሽን
