NOA LÓPEZ Producións

Name: NOA LÓPEZ Producións
Address: Santiago de Compostela, ES
Telephone: +34 650605152
Price range: ££

Casa
España
Santiago de Compostela
NOA LÓPEZ Producións

Organización e produción de eventos singulares E tamén as necesidades en solucións, aplicando sempre unha mirada que busca a beleza, a sorpresa e a emoción.

Dende sempre e ao longo da miña vida profesional, veño reafirmando a teima por crear experiencias que deixen pegada profunda en todas aquelas persoas que forman parte delas. Entendo a xestión cultural e a produción como vivencia compartida entre todos os axentes implicados e considero que cada novo evento, concerto ou espectáculo debe ser único e irrepetible. O coidado e o mimo nos procesos, a esc

olla estratéxica dos espazos e a creatividade son os alicerces fundamentais do meu traballo. Priorizo a exclusividade dos proxectos, sempre ideados a medida e cun afán especial na innovación dos formatos e no rigor profesional. Por todos estes motivos, na planificación de calquera iniciativa, conto con colaboradores de primeiro nivel: de fotógratos a deseñadores gráficos pasando por profesionais do audiovisual, xornalistas ou investigadores culturais. Construímos as propostas man a man coas persoas; organizamos cada produción sendo parte das mesmas, actuando como catalizadores en comunidade, e implicámonos en converter as ideas en realidades. Este é o resume urxente, despois vén todo o demais.

01/05/2026

As últimas semanas, navego entre mundos, combinando a produción, ideación e creación de proxectos de moi variada natureza.

Onte, foi día de celebrar o territorio e a súa inxente abundancia:

Presentamos, na Sala Capitol, Primavera de Portas Abertas; o programa de enoturismo que se desenvolve de maneira conxunta e simultánea nos cinco grandes territorios vitivinícolas galegos: Monterrei, O Ribeiro, Rías Baixas, Valdeorras e Ribeira Sacra.

Ademais de dar conta do programa de experiencias únicas que van desenvolverse na tamén houbo tempo para os reencontros inesperados, e para brindar con fachenda con almas afíns, pola riqueza da profunda cultura do viño que temos a sorte de atesourar neste país.

O meu convite perpétuo a descubrir a través dos viños e a súa maridaxe coas artes; un territorio rico en patrimonio humano e en pequenas sutilezas, que adoitan pasar dedapercibidas.

Do 29 ao 31 de Maio, atoparédesme adobiada de espíritu ribeirao, paseando entre muras e socalcos, ou navegando Miño e Sil, de ribeira en ribeira.

10/02/2026

Campaña de inverno para a Ruta do Viño Ribeira Sacra.

Crónica

08/02/2026

Campaña de inverno para a Ruta do Viño Ribeira Sacra

Crónica visual

08/02/2026

Campaña de inverno para a Ruta do Viño Ribeira Sacra

Plans posibles de inverno

08/02/2026

Campaña de inverno para a Ruta do Viño Ribeira Sacra
Escaparate de Sabores e Sons

Crónica visual

08/02/2026

Campaña de inverno para a Ruta do Viño Ribeira Sacra
Ruta do Viño da Ribeira Sacra

O inverno que a viña conta, en Vía Romana Adegas e Viñedos

Crónica visual

07/02/2026

Este inverno, a Ribeira Sacra convídate a deter o tempo. Eu, tamén.

Campaña de inverno para a Ruta do Viño Ribeira Sacra
Ruta do Viño da Ribeira Sacra

Coa creatividade de Rosa de Cabanas e eventos promocionais en Vía Romana Adegas e Viñedos e Adega Vella

23/01/2026

Neste meu fogar profesional, o 2016 (sí, ás veces tamén me permito sucumbir ás tendencias) foi un ano altamente musical, que transitou entre estudos de gravación, escenarios, xiras, presentacións, festivais e feiras.

Un ano de idear, deseñar, asesorar, organizar e producir.

Un ano no que o barrio de Gràcia, en Barcelona, volveu ser epicentro; e no que os ecos do encontro Ir y Venir en Casa Gasamáns, producido a finais do 2015; alimentaron as ansias de máis.

1, 5, 6 e 7. Organización de concertos privados e gravación do primeiro disco de Xosé Lois Romero e Aliboria, en Casa Gasamáns.

2. Estreei páxina web, redes sociais e imaxe gráfica.

3. Escoitando as voces das Lilaina, na gravación do libro disco Cantos de Poeta, de Gelria. Imaxe do interior do libro.

4. Gravación da colaboración de Mario Mas, para o disco de Aliboria, en Cataluña.

8. Organización da presentación de Cantos de Poeta no Sant Jordi, en Barcelona.

9. Feliz, cos meus fios infinitos de poemas, ateigando as tremoias do Centre Artesà Tradicionárius en Barcelona, para o concerto de presentación de Gelria.

10. Capa do libro disco. Proxecto autoeditado integramente.

11. Un soño cumprido. 24 de Xullo no escenario favorito: Praza da Quintana. Produción do concerto de Aliboria.

12 e 13. Idear, crear, organizar e producir a Romaría de Santa Margarida, na Coruña.

14. Womex worlwide/music/expo. Concerto de apertura coas Montero e Kepa Junquera.

15. Compañeiras de sector e amigas. Facendo forza en promoción e venda con Montse Rivera no Womex.

16. Organización da presentación da canción (e experiencia inmersiva 3D) 1906, a Forza de Hércules; de Jesús Suárez e arranxos de Xosé Lois Romero.

17. Xogando a percutir unha pandeira, no Festival Boulegan a l'Ostal, en Saint-Jean-du-Gard, Francia.

18. E dez anos despois, a seguir!!!

01/06/2025

RaizameS. 23, 24 e 25 de Maio.

Exposición fotográfica, presentación de documental, roteiro con intervencións artísticas e conversas con ribeiraos, tres concertos (música tradicional, blues viejuno e coro), dous encontros de profesionais do mundo do viño, tres sesións temáticas cun total de 18 viños en degustación a cargo de tres referentes do mundo do viño; seis catas guiadas, moitos petiscos de produtos de Taboada, unha sesión de cata olfativa e sensorial para crianzas e... sobretodo, moitas pequenas maxias excepcionais.

Todo, grazas á suma de mans, apoios e voces de alento. A compoñente humana, no centro.

Todo, creado con agarimo, co máximo respecto e humildade.

Imaxes de .ioraizames

es

Dirección

Santiago De Compostela

Teléfono

+34 650605152

Página web

http://www.noalopez.com/

Notificaciones

Sé el primero en enterarse y déjanos enviarle un correo electrónico cuando NOA LÓPEZ Producións publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.