Padroado Deportivo Carballo

12/04/2026

🏃‍♀️🏃‍♂️ Xa temos data para unha das citas deportivas máis agardadas!

O 7 de xuño celebramos a 10K Carballo - XIV Carreira Popular Concello de Carballo, cunha xornada chea de deporte, diversión e bo ambiente para todas as idades.

📝 Inscricións abertas dende o 13 de abril en 👉 www.carreirasgalegas.com
💥 10K e 5K homologados (só 5 € de inscrición)
👧🧒 Probas para categorías base (de balde)

🎽 Incluída no XII Circuíto de Carreiras da Deputación da Coruña

Anímate a participar e vive o deporte en Carballo! 💚

20/10/2025

Carballo acollerá este venres 24 unha xornada de formación para entidades deportivas de base organizada pola Deputación da Coruña.

O programa continúa a liña iniciada polo Concello de Carballo coas xornadas celebradas no mes de xuño para que os clubs poidan seguir medrando e afrontando retos como a dixitalización, a xestión administrativa ou a mellora nos procesos de adestramento.

A sesión celebrarase no Fórum Carballo, de 16.30 a 20.00 horas, e inclúe dous relatorios:
➡️"Normativa sectorial no deporte", a cargo de Miguel Juane
➡️"Regulación emocional para adestradores/as no entorno deportivo", con Manuel Isorna

Inscricións: https://docs.google.com/forms/d/e/1FAIpQLSfWzIMq-zE-alWYbuyaygGD2Eq6qPM4st8pqve5MD09vlJlvw/viewform

30/07/2025

30/07/2025

Parabéns!

🔴SOMOS CAMPIÓNS DE LIGA🔴

➡️O día de onte na 📍Praia de Laxe, tivo lugar a Fase Final de Liga Galega na que os nosos e nosas deportistas as tras loitar durante as pasadas xornadas de liga e en dita fase final, lograron proclamarse CAMPIÓNS DE LIGA.

Parabéns!!!



deporte

23/06/2025

O alcalde, Evencio Ferrero, e o concelleiro de Deportes, Daniel Pérez, recibiron esta mañá ás patinadoras do Escola Lubiáns – Garaysa, que veñen de proclamarse campioas galegas de patinaxe artística da 2º categoría, na modalidade Show 👏👏👏

O equipo, composto por 19 patinadoras de doce a vinte anos de idade, xa acadaran a pasada temporada o subcampionato galego, unha excelente marca que superaron este ano. O equipo, adestrado por Pilar Añón, Lucía Dubra e Petu Añón, participaron na competición galega, disputada nas Pontes, cunha coreografía titulada Baixo control.

Tanto o alcalde coma o concelleiro de Deportes puxeron en valor o traballo que está a desenvolver Escola Lubiáns en xeral, e as integrantes do equipo de patinaxe artística en particular. Evencio Ferrero e Daniel Pérez felicitaron ás deportistas e animáronas a seguir superándose, pero, sobre todo, convidáronas a desfrutar do deporte e dos valores que representa.

🛼O equipo que vén de proclamarse campión galego está formado por Lucía Rodríguez, María Rey, Eugenia López, Mara Rodríguez, Uma Eirís, Cayetana Pardiño, Sara Cotelo, Claudia Trigo, Valeria Tasende, Sara Pena, Ana Velo, Andrea Allo, Alba Suárez, Iris Rodríguez, Valeria Castro, Martina Suárez, Mencía Mañana, Celia Fernández e Gabriela Costa.

19/06/2025

♟️Carballo acolle este sábado 21 de xuño o II Torneo escolar de xadrez, unha competición impulsada polo club O Toque Xiria, coa colaboración da Concellaría de Deportes, que reunirá no noso concello ás promesas do xadrez galego, xa que participarán nenos e nenas das categorías sub 8, sub 10, sub 12 e sub 14. O prazo de inscrición aínda non está pechado, pero está prevista a presenza de uns setenta deportistas das catro provincias galegas.

Óscar de Prado e Jorge Varela Queijo, en representación do club organizador, presentaron o torneo acompañados polo alcalde, Evencio Ferrero, e o concelleiro de Deportes, Daniel Pérez. Contámoscho aquí 👉 https://carballo.gal/o-ii-torneo-escolar-concello-de-carballo-reunira-este-sabado-21-as-promesas-do-xadrez-galego/

18/06/2025

Este sábado día 21 disputarase o II Torneo Escolar Concello de Carballo nas categorías sub8-10-12-14, e valedeiro para o XVII Circuito Galego de promoción da Fegaxa, o torneo está organizado polo club xadrez O Toque Xiria Carballo, patrocinado polo Padroado Deportivo Carballo ca colaboración da xunta de Galicia, Deporte Galego, Calvo, Todo Lar, Sector vending e Frutas Fondo
https://galichess.com/ii-torneo-escolar-concello-de-carballo/

11/06/2025

Máis de sesenta persoas, fundamentalmente directivos/as e técnicos/as de entidades deportivas do noso concello, participan na primeira edición das Xornadas de formación para entidades deportivas organizadas pola Concellaría de Deportes a proposta do Consello Deportivo Municipal.

Nas dúas primeiras xornadas abordáronse aspectos tan interesantes como a xestión de riscos a través do establecemento de protocolos antiviolencia, un tema do que falou o especialista Jorge Méndez Lamas, ou a estrutura do ecosistema deportivo, da que se ocupou Eduardo Blanco, presidente da Asociación Galega de Xestión Deportiva (Agaxede), que colabora co Concello de Carballo nesta iniciativa.

Para a última sesión, prevista para hoxe ás 20.00 horas, está prevista a presenza de Julio Ransés Pérez Boga, presidente da Axencia Estatal de Administración Tributaria e experto en dereito tributario, que se centrará no réxime xurídico e as obrigas tributarias dos clubs deportivos.

As persoas asistentes recibirán un diploma acreditativo e validado pola Escola Galega do Deporte.

07/06/2025