30/06/2016
قبل م تجيب كاميرا وتنوي تخش كوكب الزومبي بتاع المصوريين لازم تعرف الحاجات دي :
- البيدج بتتعمل بعد يكون عندك صور تحطها عليها " حلوه " مش بعد م تطلع الكاميرا م علبتها
- فلاش الكاميرا بيتكسر او بيتغطي بحته قماشه
- التصوير مش سبوبه
- العدسه ال ٥٠ حلوه جدااا بس مبتعملش معجزات
- العدسه ال ١٨-٥٥ دي معموله عشان تتعلم عليها بس بعد كده ممكن تكسرها وتستعملها مقلمه ع المكتب
- مفيش عدسه اسمها زوم مدفع
- متسألش نيكون ولا كانون احسن
-مستقبل التصوير والماركتينج لشغلك انسجرام مش الفيسبوك خااالص
- التصوير مش سيشنات ولا افراح بس
y
- الراجل بتاع الفيديو ف الافراح ي تصاحبه ي تقتله
-لو هتصور افراح اعرف ان العرسان مش بيجو ف معادهم والمعازيم لما بيروحو بيطلبو الصور والعروسه بتبقي عاده عايزه تطلع رفيعه ومناخيرها صغيره وم غير كرش والعريس بيكون مكسوف يمسك ايد عروسته
-لو هتصور ستريت خلي بالك الناس بتخاف م الكاميرا صاحبهم قبل م تصورهم
-طول العدسه اللي بتصور بيها بيتناسب طردياً مع تهديدك للامن القومي
-تصوير المناظر الطبيعه مبيأكلش عيش ف مصر
-لو حبيت التصوير هتتحول لكائن احادي الخليه كلامه وطريقته واهتمامته مختلفه ع الناس كلها .. اللهم بلغت
-لو هتصور ناس غلابه ف الشارع اوعي تستغل حالتهم او موقفهم عشان شهره..التصوير فن واخلاق قبل اي شيء
-احترم خصوصيه الناس ومتتعداهاش ابدا لو حد شافك بتصوره روح وريله الصوره لو اضايق منك امسحها
-متدخلش مسابقات اللي بياخد لايكات اكتر بيكسب
- الاديت ع الصور دا زي " النفس " ف الاكل كل واحد وليه طبخته
- ي ترتبط بمصوره ي هتفضل مرتبط بكاميراتك وعدساتك
- مفيش حاجه اسمها " نغبشه " او " خلفيه مزغلله "
- صور Raw
- صحابك مش موديلز
- تجنب الكابشنز العميقه ع الصور, الصوره الحلوه مش محتاجه وصف الا لو بتعمل قصه مصوره
- متاخدش فلوس الا لما تبقي علوضعك
- اعرف كل حاجه ع كل مجالات التصوير واتخصص ف حاجه واحده بس
- التصوير مش سبوبه
- البنات اللي معاهم كاميرات كانون حلوين فشخ حاول تشقط واحده منهم
- متسألش نيكون ولا كانون احسن
- ربنا وسعها عليه دلوقتي وبقي اسمه " ريتاتشر " مش صنايعي فوتوشوب
- علي الايزو متخافش
- شيل الكاب بتاع العدسه قبل م تصور
- طول م انت بتصور Auto هتفضل بائس
- اتعلم تصور مانيوال
- التصوير مش سبوبه
- صور Raw
- متسألش نيكون ولا كانون احسن
- متنزلش صور ع جروبات عربيه عشان مستواك هيقل مش هيعلي
- كل ٦ شهور افتح صورك القديمه وشوفها لو مقولتش لنفسك " ايه العك دا!؟" بيع الكاميرا
- النيكون الوانها مش احلي من الكانون
- خليك متواضع .. :) (Y)
