رامَ/ Rama

10/12/2016

تهانينا لكل الأمة الإسلامية بالمولد النبوى الشريف 😃
كل عام و انتم بخير 😄

04/12/2016

الصنيين القدماء لما حبوا يحصنوا بلدهم بنوا ’’سور الصين العظيم’’ اعتقدوا ان محدش هيقدر يتسلق هذا السو لكن للأسف تعرضت الصين خلال الـ ١٠٠ سنة بعد بناء السور لـ ٣ غزوات وكان العدو مش محتاج يتسلق السور لأنه ببساطة كان بيرشي الحارس ويدخل من الباب الصينيين انشغلوا ببناء السور ونسيوا بناء الحارس !
بناء البشر أهم من بناء الحجر
والأن فى عصرنا الحالى الصين واليابان من أهم الدول التى تهتم ببناء الإنسان
على سبيل المثال اليابان تدرس مادة من أولى ابتدائي إلى سادسة ابتدائي اسمها
"طريق إلى الأخلاق" ..

02/12/2016

جمعة مباركة على الجميع 😃

30/11/2016

المنيا جميلة مع المطر ❤

30/11/2016

قال رسول الله صلى الله عليه و سلم :
اثنتان لا يرد عندهما الدعاء .. عند النداء ( الآذان )
و تحت المطر ...
صدق رسول الله صلى الله عليه و سلم

استغلوا الفرصة و ادعو 😃

27/11/2016

مالك .. مش عارف
طب ما تجرب .. مش هقدر
حاول .. مستحيل انت مش شايف الظروف ...
الحوار دا بيحصل كتير يا اما احنا بنقوله يا اما بنسمعه من حد ،.. ابراهيم حمدتو بقى اتحدي كل الكلام دا و الظروف و الصعوبات اللي بجد مش اللي احنا بنسميه صعوبات .. ابراهيم حمدتو دا للي مسمعش عنه قبل كدا بطل منتخب مصر الباراليمبي للبينج ، الفكرة انه معندوش دراعات اصلا ، انتو متخيلين يعني ايه حد يلعب بينج من غير دراعات .. اه بيمسك المضرب ببوقه ، ايه اللي حصله بقي ؟! زمان و هو عنده 10 سنين حصلتله حادثة قطر و اضطرو يقطعوله دراعاته و كمل بقية حياته كدا ، قصة مأساوية جدا طبعا بس مستسلمش و كمل لغاية ما وصل و بقى رمز للقوة و قهر المستحيل و خد جايزة الشيخ محمد بن راشد آل مكتوم للابداع الرياضي و كمل بطولات مصر و افريقيا لغاية ما وصل للاوليمباد الباراليمبية في ريو دي جانيرو .
يا ريت اي حد يبتدي يحس بيأس يبص حواليه كويس و يقدر النعمة اللي هو فيها و ان فعلا مفيش حاجة اسمها مستحيل او مش هقدر ...

26/11/2016

ذوى الاحتياجات الخاصة أو أحسن نقول أقوى مصدر إلهام فى الحياة .. أو ممكن نقول مثال على العدد اللى ملوش نهاية من النعم .. 😃 اللى المفروض نحمد ربنا عليها .. احنا ليه ك رام هانتكلم فى موضوع زى ده ؟؟ علشان ناس كتير بتربط النجاح بالموارد و الإمكانيات .. و دايما بنسمع كلمة ( يااه لو كان معايا كذا كنت عملت و عملت ) فلوس مثلا او اى حاجة ..الخلاصة النجاح فاتح أبوابه لكل واحد بيجتهد مش شرط يكون معااه إمكانيات .. شرط يكون تعب علشان يوصل و عافر علشان يوصل ..و الامثلة ملهاش حدود 😃 و أكبر دليل على كده ذوى الاحتياجات الخاصة اللى نجحوا 😄
و دايما كلمة بيتحدى الإعاقة .. ✋ ( الكلمة دى غلط ) اللى عنده إعاقة بجد اللى بيكسل و بيعلق فشله على شماعة الظروف و الامكانيات و الموارد

تابعونا على مدار الاسبوع .. و كل يوم قصة عن شخص نجح و الظروف مكنتش بتساعده و لكن قدر يتغلب عليها .. 💪😎

24/11/2016

*في الصورة الأولى*
"مروان رجب" مدرب المنتخب المصري الأول لكرة اليد، في نهائي بطولة أفريقيا منتخب مصر كان متعادل ومضغوط جدًا من المنتخب التونسي..

وإذ فجأة، المنتخب المصري إتحسن جدًا وتفوق على المنتخب التونسي وكسب الماتش واخد الكاس بعد الماتش كابتن مروان أهدى الكاس لزوجته وقال إنها دايمًا واقفه جنبه وبتدعمه💜 :) ..

*في الصورة التانية*
"محمد الشوربجي" لاعب الإسكواش المصري، كان فاضله نقطتين بس ويخسر الماتش ويخرج من نص نهائي بطولة قطر المفتوحة
قبل الشوط التالت ما يبدأ، والده "محمد" نزلت إتكلمت معاه ..لما الشوط بدأ محمد حول خسارته لمكسب وكسب 3 أشواط وصعد للنهائي :) !!

بعد الماتش محمد قال إن دي مش أول مرة والدته تعمل كده وإنها على طول بتدعمه💜

فيه ظاهرة اسمها "Pygmalion effect تأثير بجماليون" بتقول إنك لما تقول لشخص إن توقعاتك فيه كبيرة، ده في الغالب بيخليه يعطي آداء أعلى ويعمل أقصى ما يقدر عليه بل ويتفوق على نفسه كمان؛
اسم بجماليون ده جه من الأسطورة الإغريقية بتاعت النحات اللي وقع في حب التمثال بتاعه من شدة إتقانه في نحته😃

الدعم بيفرق:
كلمة "أنت تقدر - أنت قدها - أنا واثق فيك" لما بتقولها لحد في لحظة هو محتاجها بتفرق معاه جدًا☺
جرعة الثقة اللي بتاخدها من حد قريب منك ومؤمن بيك في لحظة أنت مضغوط أو خايف هاتخليك تطلع آداء أنت نفسك ماكنتش مُتخيله😉

شجعوا بعض👏
إدعموا اللي حواليكوا👍
خليكوا طاقة إيجابية للي تعرفوهم💪
كلمة الثقة اللي بتقولها ممكن جدًا تغير حياة حد✌

23/11/2016

Udemy بتقدم كورساتها في ال black friday بتخفيض عالي جدا..انتهزوا فرصة الblack friday دة..
في كل المجالات وكل الشركات الكبيرة..✌✌😃😉

Where will your new skill take you?

22/11/2016

مختلفناش على إن تربية الطفل بتختلف من بيت ل بيت و من حضارة لحضارة بشكل عام بس اللي الكل أتفق عليه إن مساحة الطفل من الحرية و و الأبداع و الإبتكار لازم تكون في عين الاعتبار ...

مساحة الطفل من الحرية دي بتسمح لتحول عملية تربية الإطفال من واجب لمتعة إضافة القيمة عند الأهالي ...

و في يوم الطفل العالمي بنتمنى نشوف كل طفل في العالم بيستمتع بكل حقوقه كاملة عشان نقدر نبني مجتمع إنساني متكامل ..

20/11/2016

✌✌

19/11/2016

✌✌😄😄