مطبخ ندى الخضرى Nada elkhodry

16/07/2025

بدور علي جوزي ف كارفور

هو مع مندوبة شركة Domty عند تلاجة الجبنة

30/04/2025

إزاي نحمي ولادنا وهما بعيد عن عنينا ؟⛔️✋🏻

بعد اللي قريته للأسف من قصة الطفل ياسين اللي عاش سنة من اللام شمسيه في صمت !
تعالو نحكي كلام مهم

_أول ✍️:خطوه عشان أحمي بيها طفلي هيا إني أفهمه ✨
نبدأ بأهم نقطه :
كراهية إبنك لمكان وبيبقى رافض يروحه تمامًا
حتى لو محكالكيش هوا بيتعرض لإيه هناك لكن لما تلاقي ابنك مرعوب أو كارهه مكان انه يروحه بشدددده لازم تعرفي ان في حاجه غلط!
لو فجأه بقى بيعيط مش عايز يروح المدرسه نهائي أو بعد ما كان بيحب النادي بقى بيكرهه فجأه دي أول علامة ليكم كأهل ان في سبب وإن الطفل بيتعرض لحاجه في المكان ده
حتى ممكن تكون تنمر أو غلاسه من طالب ما
!
احنا مش بنسمع ولادنا بس لما يتكلموا احنا بنسمعهم بقلوبنا حتى وهما ساكتين
_ ثانيًا✍️:
لما ألاقي تغيرات في تصرفات ونظرات ابني ده مهم جدًا إني ألاحظه
يعني بيقعد حزين كتير بيقعد سرحان كتير
بقى بيخاف ينام بليل لوحده فجأه
كان شاطر وبيقوم يروح الحمام بليل فجأه رجع يبلل فراشه تاني ! بقى يمسك في مامته وباباه زياده وعايزه أحضان طول الوقت لأنه خايف !
أو العكس بقى فجأه كارهه جدًا اللمس ومش طايق حد يلمسه
ممكن الولد بعد ما كان بيتكلم كويس فجأه يحصله تهتهه!
أو يجيله نوبات غضب !
بيجيله فجأه كوابيس كتير وهوا نايم !
تغير مفاجئ في مستواه الدراسي !
كان بيحب مادة ما فجأه كرهها ومبقاش طايق يروح الدرس بتاعها
كان بيحب يحكي ويرغي كتير عن حاجات شافها في الكرتون وحاجات اتقالت قدامه في المدرسه وبطّل !
مش معقول احنا كأهل مش هنعرف كارثه بتحصل لأولادنا غير لو قالولنا بالبق ! لازم نراقب تغيرات سلوكهم والحاجات الغريبه اللي بتحصلهم
_ثالثًا✍️ :
المفروض في ✨مساحة صداقه✨بيني وبين ابني
مش بقول شرط هيحكي عن اللي حصل لأي سبب بقى خايف أو متهدد أو حتى خايف من رد فعل أهله
لكن مساحة الصداقه دي معناها ان
✨لازم في كلام يومي بينا✨ عن حاجات عبيطه
لازم ابني يجي يقف جمبي وأنا بطبق الهدوم مثلًا ويقعد يحكيلي وياكل دماغي عن كرتون شافه أو واحد زميله قال حاجه عبيطه ومضحكه أو رسمه هوا حابب يرسمها أو لعبه نفسه يجيبها أو قصه خياليه عبيطه في خياله

ولازم أكون دايمًا بسأله أسئلة ثعبانيه عشان أتطمن عليه
مين أكتر واحد صاحبك في الفصل/النادي/الدرس ؟
طيب مين الولد اللي تتمنى لو نقلوه فصل تاني ؟
طيب مين أكتر مدرسه لطيفه ؟ طب مين رخمه؟
طب الرخمه دي هل عمرها ضربت حد في المدرسه ؟(مش ضربتك انت لأن ممكن يخاف ميقولش) لكن لو هيا بتضرب عمومًا وقال اه ضربت عمر نروح نشوف ايه قصتها
لازم نبقى مفتحيين
رغبة الطفل في إنه يكون أقوى (بشكل مبالغ فيه) فجأه ده معناه انه حاسس بالضعف ومش قادر ياخد حقه لسبب ما !

_رابعًا✍️:
ملابس وجسم ابني
ملابس ابني الداخليه لو لا قدر الله في أي حاجه لازم هلاقي فيها حاجه مش مريحه لازم أتابع التغيرات اللي بتحصل في ملابسه !
دخول الحمام معلش أنا اتجننت من البوست يعني ايه طفل يقعد سنه بيشعر بألم ويعيط في الحمام زي ما قال !
لو ابنك بيطول في الحمام و بيشتكي من ألام لازم تفهمي في ايه وتكشفي فورًااا !

_خامسًا✍️ :
غير إني أفهّم إبني الفرق بين اللمسه الصح واللمسه الغلط
لازم أفهمه إن اي حاجه مؤذيه تحصله هيا مش ذنبه زي ان حد ضربه او ضايقه أو لمسه أو تنمر عليه
وإني قادر كويس جدًا اني أدافع عنه
وده يا حضرات بيبدأ من المواقف البسيطه زي مثلًا لما حد يتريق على شعره مثلًا أو على لونه الأب والأم مش بيسايروهم ويضحكوا ! ولا بيتكسفوا يردوا
دول بيقفوا آسود في ضهره يردوا عنه
ويتكلموا عن مميزاته هوا بيشعر بالقوة ..
لازم الأب والأم يدوا الطفل ثقه بنفسه وفي مميزاته ويحسسوه انه مميز
الرياضه ودي مهمه جدًا اني اشغل وقت إبني وأدخله رياضه تزيده قوة وكمان تديله ثقه بالنفس و تملى وقته لأن أسوأ حاجه في الدنيا الفراغ
هوايات زي الرسم مثلًا
ونلاحظ ان اللي الولد بيرسمه بيدل على الحاجات اللي بتواجهه في حياته
لو حابين نتكلم عن تحليل رسومات الأطفال أكتر
وبردوا لو حابين أكتب لسته بالأسئله اللي نسألها لولادنا بإستمرار
..
لازم مشاعرنا وقلوبنا تكون متواصله مع مشاعر وقلوب ولادنا عشان نعرف تعبهم وحزنهم من نظرة عينهم ونعرف إزاي نقويهم
ربنا يبارك في أولادكم ويجعلهم أحسن وأسعد الناس ♥️

13/02/2025

البيرسول بعد التجربه
ينفع نشيل بيه الكتابه من عالدهان
بعد رشه عليها والمسح بقماشه
ينفع نشيل بيه اللبان لو ماسك فالقماش
بترشه عليه بيتصلب ويطلع زي الحجر
بيفقد لصقه نهائيا في ثواني
كمان لو لصقت دبل فيس وليه اثر
علي الحوائط
رشي عليه بيرسول وامسحيه بقماشه
هيطلع بسهوله جدا في ثواني بردوا
ممكن ترشيه علي مفصلات الباب لو بيعمل صوت
هتلاحظي اختفاء الصوت
بنستخدمه كبديل قوي جدا لمنتجات إزالة الصدأ
المسامير اللي فيها صدا أو الصوامبل وبتفك بسهوله
جدا
استخدامات غير تقليديه لازم هتحتاجيها
فيوم خليكي عارفاها
وصلوا عالحبيب

12/02/2025

ياجماعة خزينى طماطم منغير فريزر ست شهور
خزنوا الطماطم دلوقتي وهي رخيصة عشان سعرها هيغلي جدا الفترة الجية
الناس ال معندهاش ديب فريزر ومفيش مكان في فريزر التلاجة وعاوزة تخزن الطماطم من غير ما تبوظ تعالي هقولك تعملي احلي صلصة طماطم في البيت تحطيها علي رف التلاجة لمدة ست شهور وتفضل بنفس الطعم والله انا نفسي شغالة بيها كده علي طول

الكمية هاتي عشرة او عشرين كيلو

الطريقة
شيلي من الطماطم الجزء الاخضر واغسليها كويس
حطي الطماطم سليمه عادي جدا في حلة كبيرة علي النار مع نص كوب ميه وهي هتنزل ميه كتير
خليها علي النار تتسلق وبعدين تبرد اضربيها في الخلاط او الهاند بلندر رجعيها الحله تاني وارفعيها علي نار في الاول عالية اول ماتغلي وطي النار خالص زي الشمعة وسبيها لحد ما تتخن وتتخلصي من الميه ال فيها
حطي علي الخمسه كيلو تلت معالق سكر ومعلقة صغيرة ملح ليمون دي مادة حافظة تحفة
ولو عاوزة تمليحها وتحطي فلفل اسود عشان تبقي جاهزة للطبخ علي طول
تبرد عبيها في برطمانات وحطي علي وشها زيت

اقسم بالله هتعيش معاكي لو سنة كاملة علي الرف ما هيحصلها حاجه

وابقي ادعيلي علي الفكرة الرهيبة دي

ملحوظه
لما تيجي تستعمليها لو للمكرونة يدوب هتحطي زيت يسخن وانزلي بالكمية ال تناسب كم المكرونة يدوب تغلي غلوتين وانزلي عليها بالمكرونة

اما لو تعملي منها طبيخ خدي الكم ال انتي عاوزاه وزوديه ميه ومعلقة بابريكا صغيره
واتفرجي علي حلاوتها
والف هنا

08/02/2025

( سلطه الحاتي ) مية السلطة👌👌❤️
المكونات
👇👇👇
طماطم
خيار
بصلة صغيرة
حزمة بقدونس
طماطم مبشورة
نصف ملعقة صغيرة ثوم مفروم
فلفل حار حسب الرغبة
٣ كوب ماء مثلج مع قطع ثلج
نصف ملعقة صغيرةملح
ربع ملعقةصغيرة فلفل
ربع ملعقة صغيرة كمون
ملعقة صغيرة باريكا
ربع ملعقة صغيرة شطة
نصف ليمونة
ملعقة كبيرة خل
الطريقة👇👇👇
في طبق عميق نضع الطماطم المبشورة والبهارات والليمون والخل والماء والثوم ونقلب جيداا
ثم نضيف السلطة طماطم والخيار والبقدونس والبصل متقطعين قطع صغيرة ويقلب معا
وتغطي وتترك في الثلاجة لمدة ساعتين
وتقدم السلطة في اطباق وماية السلطة في اكواب مثل محلات الحاتي

08/02/2025

عشان تبقي وغنية ،،
وتربي اولادك كويس
١. #اصحي بدري كل يوم .
٢. #متستخدميش موبايل كتير .
٣. #متتفرجيش علي تلفزيون كتير .
٤. #انتي أهم جزء في البيت ادي نفسك وقت تهتمي بصحتك ونفسك عشان متنهاريش بسرعة وكل ثانية .
٥. #كلي اكل صحي دايما .
٦. #اكلي ولادك اكل صحي دايما .
٧. #مارسي رياضة في البيت .
٨. #اقري كتير جدا .
٩. #خلي ولادك يقروا كتير جدا من سن ٧ شهور .
١٠. #علمي ابنك لغة تانية بدري حتي لو حاجات بسيطة من خلال الكارتون ومش طول اليوم كارتون .
١١. #اطبخي في البيت متشتريش اكل من برة .
١٢. #اشتري اللبس علي قد احتياج الطفل ، هيكبر ومش هيلبسه تاني .
١٣. #متزعقيش في ولادك ولاتكوني عنيفة عشان متخسريهمش .
١٤. #حلي مشاكلك مع جوزك اول بأول ومتشيليش في نفسك .
١٥. #اتكلمي في مشاكلك بهدوء وبدون خناق .
١٦. #متحكيش اي شئ سلبي قصاد ولادك عن ابوهم او عن اختك او والدتك .
١٧. #ربي ولادك علي احترام قيمة الوقت
١٨. #عرفي اولادك قيمة الفلوس .
١٩. #مش لازم شكلنا اللي يبان غني خالص ، الغني في النفس والرضا وبحساب البنك بعد كدة ..
٢٠. بعض هتيجي علي صحتك وعلي الطفل الاول والدين نفسه حذرنا من دا كأمهات .
٢١. #خلي ولادك يلعبوا رياضة احسن ميكون عندهم بلاي ستيشن .
٢٢. #خليهم يتعلموا رسم وبلاش تشتريلهم موبايل .
٢٣. #الطفل ملوش خصوصية لحد سن ١٤ ل ١٥ سنه ملوش خصوصية عليكي او علي ابوه يعني لازم تعرفي عنه كل كبيرة وصغيرة .
٢٤. خبرة الطفل بتتحدد بقد ايه خاض تجارب وكان ايه رد فعله مش بسنه خالص .
٢٥.علمي ولادك يحوشوا من مصروفهم قبل ميصرفوا .
٢٦. بمعني خلي التحويش هو الهدف والصرف بعد كدة .
٢٧. #مينفعش تعلمي ولادك يحوشوا وانتي مبذرة .
٢٨. #حوشي قبل متصرفي مش بعد .
٢٩. #حاولي تمشي نفسك اول الشهر علي قد طلبات البيت ومتخرجيش ولا تعملي شوبنج غير لما يكون فعلا البيت محتاج طلبات اساسية .
٣٠. #اكتبي الطلبات الاساسية في ورقة ومتشتريش غيرها مهما كانت المغريات
٣١. #حددي انتي مبذرة او لا من كم المخلفات اللي بترميها وشوفي ايه فيها مكنش له لزوم ،، علب بسكوت ، عصير ، معلبات كتير جدا ،، اكل باظ في التلاجة اصلا ، كانز كتير كل دي مهدرات من مصروفك ومصروف بيتك .
٣٢. #عيدي تدوير الحاجات اللي بتستخدميها في البيت واعتقد دي حاجة معظمنا بنعملها .
٣٣. متعمليش اكل جديد كل يوم غير لما القديم يخلص كله .
٣٤. اهتمي بصحتك واعملي تحاليل دورية .
٣٥. لو التحاليل هتكلفك كتير ، فالعلاج مكلف اكتر واحتمال تصيبي نفسك بمرض او حاجة علاجها يكون صعب بسبب عدم الاكتشاف المبكر .
٣٦. اعملي كدة كمان مع ولادك .
٣٧. اعملي تأمين صحي متنبهريش انك بتدفعي الكشف ب ٢٠٠ و ٣٠٠ و ٥٠٠ جنيه ،، مرة علي مرة هتقولي ياريت اوفر .
٣٨. اعملي تأمين صحي في مكان كويس حتي لو علي حسابك بس هيوفرلك جدا تحاليل و كشف ومتابعة ودوا اللي هتوفريه انتي وولادك اولي بيه .
٣٩. متصرفيش الفلوس قبل متيجي ، اجلي كل حاجة لحد متمسكي فلوسك وتحددي اولوياتك ..
٤٠. الجمعية مشروع فاشل من وجهة نظري !! الدنيا بقت اسرع مننا ساعات بتحصل حاجة نكون محتاجين الفلوس ومضطرين ندفع الجمعية ، زائد ان الجمعية لما بنقبضها كتير بتروح علي حاجات احنا مش بجد محتاجينها ، فانك تحوشي لوحدك احسن كتيييير

اخر حاجة متنبهريش بأسلوب حياه حد لا من قريب ولا من بعيد احنا مش في مسابقة كل واحد ليه طريقته واسلوبه مع اهله و بيته وفلوسه وعياله ، متدخليش في مناقشات حادة لمجرد انك عايزة تثبتي وجهة نظرك ..
مش هتغيري في الكون شئ ، غيري في نفسك في اولادك
اهتمي بنفسك بولادك ،، متقلديش حد متقارنيش نفسك ولا ولادك بحد ..

اشتغلي علي نفسك واشتغلي اللي ينفع تعمليه وميتعارضش مع بيتك واهلك وجوزك وولادك ..
كتير مننا بتوصل لمرحلة انها تعبت ومش قادر تشكي عشان مسمعتش الكلام من زمان واتوجهت بس طنشت وقالت عيشوني النهاردة وموتوني بكرة
ومع السن مش هتقدري تعوضي حاجات كتير فاتتك ......

اتمني تفهموا مغزي الكلام متخدهوش بسطحية مجردة ..
و في النهاية دي حياتك قرري ما يحلي حياتك

07/02/2025

شارع مكه واجواء رمضان الجميله ❤️❤️

07/02/2025

اجمل شوارع اسماعيليه ❤️وأجواء رمضان

07/02/2025

هقولك ازاى عملت عيد ميلاد وتورته لولادى من غير مااصرف ولا جنيه ✊🏻🎂

AboutPressCopyrightContact usCreatorsAdvertiseDevelopersTermsPrivacyPolicy & SafetyHow YouTube worksTest new featuresNFL Sunday Ticket 2025 Googl