Shiko Aiki Dojo

26/06/2026

🥋 الأيكيدو في الواقع | الحلقة الأولى

"أقوى تكنيك في الأيكيدو... هو التكنيك اللي متستخدموش."

ناس كتير بتسألني:
"هو الأيكيدو ينفع في الشارع؟"

وإجابتي دايمًا:
أتمنى عمرك ما تحتاج تستخدمه.

لأن أول درس بنتعلمه في الأيكيدو مش حركة...
أول درس بنتعلمه هو تجنب الاشتباك.

صدقني...
لو قدرت تنهي مشكلة بكلمة محترمة، أو بهدوء، أو إنك تبعد عن المكان، فأنت كسبت.

وده مش خوف...
وده مش ضعف...

ده أعلى درجات القوة.

وعن تجربة شخصية، مر عليَّ أكتر من موقف كان ممكن يتحول لخناقة.

في معظمها انتهى الموقف بالكلام والهدوء.

وفي مواقف قليلة جدًا، لما مكنش فيه اختيار، كان الهدف الوحيد هو السيطرة على الموقف بسرعة وبأقل قدر من القوة، وفتح طريق آمن للانسحاب... مش الانتقام، ولا استعراض القوة.

وده هو الفرق بين شخص بيتخانق...
وشخص اتدرب على الفنون القتالية.

الأيكيدو مش بيعلمك إزاي تكسب خناقة...
الأيكيدو بيعلمك إزاي ترجع بيتك سالم.

Shiko Sensei

#الأيكيدو

23/06/2026

🥋 الحكمة الحقيقية في إنهاء اي مشكلة بدون اشتباك

ناس كتير فاكرة إن الانتصار في أي خناقة هو إنك تغلب اللي قدامك.
لكن بعد سنين من التدريب والتعامل مع مواقف كتير في الحياة، اكتشفت إن الانتصار الحقيقي هو إنك تخرج من المشكلة بدون اشتباك من الأساس.
أيوه... إنك تهدي الموقف بكلمة محترمة، أو بحكمة، أو باحتواء الغضب، ده مش ضعف.
ده قوة.
القوي مش اللي يعرف يضرب... القوي هو اللي يقدر يسيطر على نفسه وهو قادر يضرب.

وعن تجربة شخصية أكتر من مرة، الحوار الهادئ والاحترام قدروا ينهوا مواقف كان ممكن تتطور لمشاكل كبيرة.
وطبعًا في مواقف قليلة بيكون الطرف الآخر رافض للحوار أو مصمم على التصعيد، وقتها الهدف مش الفوز عليه أو إيذاؤه، لكن إيقاف الاعتداء والسيطرة على الموقف بأقل ضرر ممكن ثم الانسحاب بأمان.

وده واحد من أهم الدروس اللي بنتعلمها في الأيكيدو:
🥋 أفضل قتال... هو القتال الذي لم يحدث.





#الأيكيدو

29/05/2026

ناس كتير فاكرة إن السقطات والرميات في الأيكيدو مجرد حركات أو استعراض…
لكن الحقيقة إن ورا كل حركة فهم وسيطرة وحماية للنفس. 🥋

في الأيكيدو بنتعلم إزاي نتحرك صح،
إزاي نقع من غير ما نتأذيش،
وإزاي نستخدم التوازن والحركة لإسقاط الخصم والسيطرة على الموقف وإنهاء الاشتباك بأقل ضرر ممكن.

السقطة مش ضعف…
السقطة الصح ممكن تنقذك.
والرمية مش استعراض…
دي وسيلة للتحكم وإنهاء الخطر قبل ما يكبر.

في فيديو النهارده هتفهم ليه بنتدرب على ده كله…
وليه العقل والحركة أهم من القوة أوقات كتير 💪🥋

#ايكيدو #رميات #سقطات #وعي #تحكم #الدقي

27/05/2026

رحلة طويلة… ولسه مكملين ❤️🥋
سنين من التدريب، والصبر، والتعب، والمعافرة…
سنين فيها لحظات نجاح، ولحظات تعلم، وسقوط وقيام،
لكن عمرنا ما وقفنا.
فخور إني ماشي في الطريق ده
مع مدربي ومعلمي شيهان العرب Mohamed El Sayed محمد السيد عمر
ومع عائلتي الكبيرة في الإيكيدو، استاذي وصديقي زعفان ايكيدو اخويا في الرحلة والحياة محمد خطاب
ومع لعيبتي وأولادي اللي بشوف فيهم تعب السنين وثمرة الرحلة.
يمكن الطريق طويل…
لكن أجمل حاجة فيه الناس اللي شاركونا الرحلة،
والذكريات، والدروس، والضحك، والتعب اللي اتحول لنجاحات.
لسه بنتعلم…
ولسه مكملين…
ولسه عندنا أحلام كتير بإذن الله.
ربنا يديم الصحبة الحلوة،
ونشوف بعض دايمًا في تقدم ونجاح وخير 🥋🤍

#ايكيدو

27/05/2026

26/05/2026

26/05/2026

الرقبة من أكتر المواقف اللي ممكن تخليك تتوتر…
لكن هل رد الفعل الصح قوة؟ ولا سرعة قرار؟ ولا هدوء؟
في فيديو النهارده هنتكلم عن التعامل مع مسكات الرقبة
وإزاي تحافظ على نفسك وتتعامل بشكل واعي تحت الضغط.
افتكر…
مش الهدف إنك تدخل خناقة،
الهدف إنك تحمي نفسك وتخرج بأمان. 🥋🔥
اتفرج وقولي رأيك 👊

#ايكيدو #وعي

22/05/2026

بعض الصور لاعضاء بعثة الجمعية المصرية للايكيدو والحاصلة علي تفويض الايكيكاي وعضوية الاتحاد الدولي مع الدوشو مورتيرو اويشيبا حفيد او سينسي (مؤسس الايكيدو) والتي ستمثل جمهورية مصر العربية في All japan Budo امبوكاي 63 في مدينة طوكيو باليابان
المقامة يوم 23 مايو الجاري 2026
تحت اشراف شيهان محمد السيد عمر رئيس الجمعية.

A look at some photos featuring members of the Egyptian Aikido Association (EAA)—which holds the official Aikikai recognition and International Aikido Federation (IAF) membership—alongside Doshu Moriteru Ueshiba, the grandson of O-Sensei (the founder of Aikido).
​The delegation is set to represent the Arab Republic of Egypt at the 63rd All Japan Budo Embu-Kaikai in Tokyo, Japan, held this May 23, 2026, under the supervision of Shihan Mohamed El-Sayed Omar, President of the Association.

「合気会公認および国際合気道連盟（IAF）の加盟団体である、エジプト合気道協会の使節団のメンバーが、合気道開祖（大先生）の孫である植芝守央道主と共に撮影した写真の一部をご紹介いたします。
​同使節団は、協会会長であるモハメド・エルサイエド・オマル師範の統括のもと、2026年5月23日に日本の東京で開催される『第63回全日本合気道演武大会』にて、エジプトアラブ共和国を代表して演武を披露する予定です。」

22/05/2026

وفد الجمعيه المصرية للايكيدو ممثل جمهورية مصر العربية فى امبوكاى ٦٣ بمدينه طوكيو باليابان ٢٣ مايو ٢٠٢٦
ولا تعليق
نحن المصريون 🇪🇬

The Egyptian Aikido Association delegation representing the Arab Republic of Egypt at EmbuKai 63, Tokyo, Japan, 23 May 2026
No comment
We are Egyptians

08/05/2026

🥋✨
من أكتر اللحظات اللي حسّيت فيها بالفخر والسعادة…
وجودي وسط لعيبتي وأولادي في اختبارات الدان تحت رعاية
الجمعية المصرية للأيكيدو
داخل اتحاد الشرطة الرياضي ❤️
منكم اللي دخل اختبار النيدان…
ومنكم اللي دخل الشودان…
ومنكم اللي بدأ الرحلة معايا ولسه مكمل،
ومنكم اللي بقى النهارده مدرب وعنده لعيبته وأولاده 🥋💪
أجمل إحساس إنك تزرع جوا حد حب الطريق،
والاستمرار، والالتزام…
وإنه يكمل حتى بعد السنين.
كل ده بفضل ربنا،
ثم تعبكم، وصبركم، ومجهودكم الحقيقي.
يمكن فرق السن بينكم كبير…
منكم الصغير ومنكم الكبير،
لكن والله أنا فخور بيكم كلكم،
وفخور إني شفت الرحلة دي بتكبر قدام عيني ❤️

لسه اللي جاي أحسن بإذن الله،
وأشوفكم دايمًا في تقدم، ونجاح، وأفضل حال يا رب 🥋✨

#الايكيدو #ايكيدو #شودان #نيدان #التزام #استمرارية #فخر #تلاميذي