Turathna Exhibition - معرض تراثنا

18/06/2026

انتظرونا في معرض تراثنا في الساحل الشمالي من ١ يوليو حتى ٣٠ أغسطس.
تجربة تسوّق مختلفة بمجموعة مميزة من المنتجات اليدوية المصرية المصنوعة بإبداع وجودة عالية.

Get ready for Turathna in north coast from 1 July to 30 August.

A unique shopping experience with exclusive handmade Egyptian products.

Stay tuned!

15/05/2026

فرصتك توصل بمنتجك لآلاف الزوار في قلب الساحل الشمالي!
جهاز تنمية المشروعات يفتح باب التقديم للمشاركة في معرض "تراثنا" بالساحل الشمالي داخل مول Livio’s أمام مراسي – الكيلو 128، خلال شهري يوليو وأغسطس 2026.

فرصة مميزة لعرض وتسويق منتجات الحرف اليدوية والتراثية والمنتجات الإبداعية وسط واحدة من أكبر الوجهات التجارية بالساحل الشمالي.

للتسجيل اضغط على الرابط التالي:

https://www.msmeda.org.eg/TurathunaRegistration

18/12/2025

نظرًا للإقبال الكبير على معرض تراثنا، يسعدنا الإعلان عن مد فترة المعرض حتى 20 ديسمبر ✨
فرصة جديدة لاكتشاف جمال الحرف اليدوية المصرية ومنتجات بإبداع وأصالة من مختلف محافظات مصر.
نتمنى لكم تجربة تسوق ممتعة داخل سيتي ستارز مول.

14/12/2025

عبير عبد المنعم من الفيوم 🌿
بدأت مشروعها من ٥ سنين، وحولت مخلفات البيت لخامات مُعاد تدويرها بلمسة فنية وإبداعية ♻️
شاركت في كذا معرض، وقدرت كمان تنقل خبرتها وتدرّب أكتر من ٥٠ سيدة، وتفتح لهم باب رزق جديد
وتقدروا تشوفوا إبداعات عبير بنفسكم
مستنيينكم في معرض تراثنا – سيتي ستارز
تعالوا ادعموا المنتج المصري والحرف اليدوية 🇪🇬

13/12/2025

تامر الشوربجي | شمال سيناء 🇪🇬
أول براند مصري متكامل مسجّل في الاتحاد الأوروبي
✔️ بكل فخر: صُنع في مصر

متخصصين في الصناعات القطنية، المنتجات الجلدية، والعناية بالجلود
وحاصلين على شهادة ISO داخل مصر كعلامة على الجودة والالتزام 💪

قصة نجاح من أرض سيناء للعالم 🌍
📍مستنيينكم تشوفوا منتجاتنا في معرض تراثنا – سيتي ستارز

13/12/2025

محمود الشوربجي صاحب براند جوهرة سينا 🌿
من أرض سيناء بدأت الحكاية سنة 1981 بزراعة الزيتون، بخبرة متوارثة وجودة ما بتتغيرش.

ومع تطور السوق، طوّروا التعبئة والتغليف علشان يقدموا منتج يجمع بين الأصالة والمظهر الراقي، ويقدر ينافس محليًا وعالميًا.

ومشاركهم في معرض تراثنا، كملت جوهرة سينا رحلتها كعلامة مصرية أصيلة.

📍مستنيينكم تزورونا في معرض تراثنا – سيتي ستارز
وتجربوا طعم الأصالة من سيناء 🤍

13/12/2025

أمل ونرمين..حكاية بدأت سنة 2019 بمشروع صغير لأدوات السفرة ووقفت شوية وقت الكورونا… لكن الشغف ما وقفش 💪

رجعوا من جديد بفكر مختلف
استبدلوا النحاس بـ الستانلس ستيل
عشان يكون صحي، عملي، ومش بيتأثر بأي نوع أكل 🍴
وسابوا النحاس سمة جمالية في الإكسسوارات الخارجية للأطباق والملاعق..

مشاركتهم في تراثنا بقالها أكتر من 3 سنين
وكان دايمًا مساحة يعرضوا فيها فنهم ومقابلة ناس بتقدّر الحِرفة المصرية 🤍

📍مستنيينكم تزورونا في معرض تراثنا – سيتي ستارز
وتشوفوا الشغل على طبيعته..

12/12/2025

أمل إبراهيم من القاهرة… بدأت حكايتها من 6 سنين بس، ومع كل كورس ديكوباج وكل ورشة وكل فيديو تعليمي كانت بتكبر وتتطور أكتر 💪🎨
بدأت من البيت واشتغلت أونلاين، وقدرت تبني اسمها Art Palace خطوة خطوة…
والنهارده بتجهّز لمكان جديد في مدينة نصر علشان توسّع شغلها وتستقبل عملاءها قريب جدًا 🙌💙

حبّيتوا شغلها؟ هتلاقوها معانا في معرض تراثنا – سيتي ستارز من11 لـ 18 ديسمبر… مستنيينكم تزورونا وتشوفوا الإبداع بعينيكم 🤝

12/12/2025

سماح ترك… فنانة من الوادي الجديد، حوّلت صخور الصحرا ⛰️ لألوان طبيعية ولوحات مليانة روح وإبداع 🎨
الشغلانة مش سهلة… بتجمع الصخور بنفسها من قلب الصحراء، وتطحنها وتحوّلها لرسم بالرمال بدقّة وإتقان.
الأجمل إنها مش بس نجحت… دي كمان درّبت ناس كتير على فن الرسم بالرمال وساعدتهم يبدأوا طريقهم 👏💚

عايزين تشوفوا شغلها المدهش على الطبيعة؟
زوروها في معرض تراثنا – سيتي ستارز من ١١ لـ 18 ديسمبر…

03/12/2025