16/02/2025
حـب الـعربيات بيتـولد مـعاك من و انته
لسة عيل صغير
لما كنت تبقي راكب جنب ابوك و تـبص علي رجلية
و تشوف بيسوق ازاي و بيدوس علي اية و تركز
علي حركات ايدة مع الطارة عشان خاطر كنا اول لما نجيب ال 14 - 15 سنة نسرق العربية من وراهم و نـحاول نقلدهم و احيانا كتير كنا بنلبس عشان بنعمل فيها اشباح
لما كنا زمان نشتري مجلات العربيات و نتفرج علي صورها
لما كنا نفتخر بنفسنا و احنا عندنا 10 سنين لما نبقي عارفين ماركات عربيات كتير اوي
لما عربية حلوة ولا قوية تـعدي من قدامنا و نحس ان قلبنا اتخطف معاها
و الحب ابتدأ يكبر معانا و بقينا لما ننزل من عربياتنا و نقفلها نمشي خطوتين و نلف نبص عليها و نعاكسها
لما قلبنا يوجعنا لما الباب يتقفل جامد ولا لما نخبط خبطة بنبقي زعلانين و ممكن نقعد يومين مناكلش
لما نقعد بالساعات جنبها عند الصنايعية و نبات معاهم و نسهر لحد الفجر عشان بس نخلص حاجة فيها و ننسي كل التعب دة لما نطلع نجرب و نلاقي العربية اتظبطت
حب العربيات دة ادمان بيجري في الدم
العربيات ادمان اكتر من مخدرات ..
