Change Your Life Team

31/03/2016

هل تعلم أنك لو عاوز أى حاجة فى الإنجليزى ممكن تسأل جوجل و هو يقولك 😄

بس المشكلة اننا اوقات كتير بنسأله و مش بنلاقى الإجابة بالظبط اللى كنا محتاجنها ! 😒 صح ؟

عندك في الـ English مثلا، لو كتبت انك عايز تحسن الـ Listening فا طبعا هو مش هيفهم بالظبط انت عاوز ايه، وهيجبلك أى حاجة ليها علاقة بالـ Listening وخلاص !

في الـPost دا بقا هنقولكم أزاى تستخدمو Google فى الـ Searching 🍳


خد بالك ، البوست ده تقدّر تطبقه على أى حاجة انت عاوز تدّور عليها سواء فى الـ English أو غيره 😉


1- إستخدم العلامة +
و العلامة دي بتخلي جوجل يدّورلك فى كل المواقع على الكلمات اللى انتَ عاوزها لما تكتبهاله فى الـSearching bar بتاعته 😄

مثلا لو جيت تعمل Search على Exams و Midterms هتكتب فى الـ Search الكلمة دى Exams + Midterms وبالتالى هيجيبلك كل المواقع اللى بتحتوى على الكلمتين دول مش مجرد كلمه واحدة بس فيهم 😉


2- العلامة -
و دي بتستخدمها لما تكون عاوز تعمل Search فى كل المواقع اللى فيها كلمة معينة و كلمة تانية لاء ( عكس استخدام اول حاجة اتكلمنا عليها + ) .

يعني لو كتبلته كدا مثلا : Exams - Midterms
جوجل كدا هيفهم انك بتدور على الإمتحانات عامة و مش لازم تكون متعلقة بالميدترم بس فا نتايجه هتكون محددة ليك اكتر 👌


3- علامات التنصيص " "
و دى الفايدة منها أنك تدّور على جملة معينة، بنفس ترتيب الكلمات والحروف اللى انت هتكتبها .
مثال على كده :
لو عاوز تدّور على جملة " Please teach me " بالكامل و بنفس الترتيب ده حطهّها بين علامتين التنصيص زى ما احنا كاتبين، وبالتالى النتايج اللى هتطلعلك هتكون عبارة عن المواقع اللى الجملة دى مكتوبة بنفس الشكل كدا وبس 😉


4- الرابط OR
و دى الفايدة منها أنك تدّور فى كل المواقع على كلمة معينة أنتا عاوزها و لو ملقتهاش يجيبلك حاجة تانية انت عاوزها برضو .
مثال على كده: School OR teacher


5- intitle
ودي الفايدة منها فى حالة انك بتدور على لينك موقع مكتوب فيه كلمه معينة .
مثلا :
لو عاوز تدّور على المواقع اللى مكتوب فى اللينك بتاعها كلمة School ..
هتكتب فى الـ Search الشكل ده intitle:school
هيجيبلك كل المواقع اللى اللينك بتاعه افيه كلمة School 😄


6- allintitle
نفس الفائدة من رقم 5 و لكن الفرق أنه هنا بيخليك تعمل Search عن أكتر من كلمة
وبردوا بيكون فى لينك الموقع نفسه، مش جواه .
مثال : -
لو عاوز تعمل سيرش عن المواقع اللى مكتوب فيها كلمة School و كلمة Book فى العنوان بتاعها من فوق هتكتب الشكل ده و تسيب بينهم مسافة .
allintitle:school book


7- related
و ده الفايدة منه انك تلاقى الروابط اللى موجودة فى موقع معين انتَ عاوزه
مثال على كده :
لو عاوز تجيب كل الروابط اللى موجودة فى موقع www.americanrhetoric.com
هتكتب كده فى جوجل related: www.americanrhetoric.com


8- info
و ده بيخليك تجيب معلومات عن الموقع اللى أنتَ عاوزه
مثال على كده :
لو عاوز تجيب معلومات عن موقع www.americanrhetoric.com
هتكتب فى جوجل الشكل ده : Info: www.americanrhetoric.com


دلوقتى قولنا بقا أيه أكتر حاجة بتدّور عليها فى جوجل ^_^ ؟

Site dedicated to Public Rhetoric, political, social, movie and religious speeches and related concepts of and exercises in rhetoric.

10/03/2016

بتعملوا اي الفترة دي ؟ والفترة الجايه ناووين تعملوا اي ؟

07/03/2016

اسعي علشان توصل لحمك :-)

18/02/2016

Every day is another chance to change your life,
Every morning starts a new page in your story, Make it a great one today.
Every day brings new opportunities.
Because every day is a .


=D

10/02/2016

أحب اقولك ياللي لسه محجزتش انك سوف تندم ندما شديداااا 😂😂 لم تندمه من قبل ولا من بعد 😂😂
لأن فريق CYL لما بيعمل حاجه مش بيعملها كدا وخلاص ولا علشان عنده فراغ لا ابسلوتلي 😂😂
دا علشان يساعدك تبدأ في حاجه بتحبها
احنا مش هنتكلم كتير عاوز تعرف اكتر وتفهم بجد هنستانك في الايفنت :-)

09/02/2016

فريق CYI بيقولكم النجاح مش هيحصل وانت نايم في السرير ومكسل تقوم محسسني ان انتوا بترفعوا أثقال 😄😄😄😄

احلم وصدق حلمك :-)
عافر هتوصل :-)
صباحكم سعاده في طاعه الله :-)

06/02/2016

دلوقتي ناس كتير بتاخد كورسات وبتكون في الجامعه وكل اللي بتعمله تحصيل حاصل بتاخد معلومات فقط طيب جميل تاخد معلومات مس عاوز تطبق بقي اللي انت بتاخدة دا عملي :-) معانا في الايفنت هتعرف ازاي تجيب تدريب في اقوي الشركات :-)
اوعي تكسل علشان مكان بعيد عنك ولا حاجه
الكسل وحش جدا اللي بينجحوا هما اللي بيتعبوا
:-)

05/02/2016

الصحابة لما لاقوا واحد بيشرب الخمر بعد تحريمها أنكروا عليه عملته ونبذوه لدرجة إنهم دعوا عليه فقالوا : " أخزاك الله"
سيدنا النبي قالهم " لا تقولوا هكذا، لا تعينوا عليه الشيطان"
هو ده المُختصر المفيد.. دعوتك عليه هتبقى إعانة للشيطان .. كأنك بتقوّي الشيطان عليه
الشخص ده لو سمع دعوتك هيحس إن مفيش أمل يبقى إنسان كويس ، مفيش أمل ربنا يغفرله ، هيتفتح مجال للشيطان يوسوسله أكتر وأكتر ويغويه أكتر وأكتر..
ومن ناحية تانية دعوتك دي لو وافقت ساعة إستجابة وربنا حققها ، هتبقى سبب في أذية الشخص ده وتحقيق الخزي ليه
في موقف زي ده التصرف السليم هو إننا ندعي ليه مش عليه.. وده الي سيدنا النبي وصّانا بيه ف رواية تانية من نفس الحديث

03/02/2016

صباح جميل هادي :-)
صباح السعادة :-)
صباحكم سعي وطاعه للرحمن

03/02/2016

أرجوك لاتكن #ضُفدعاً =D
جرب كده تحط إناء على النار وفيه شوية ميه ... وحط فيها #ضفدع
هتلاحظ ف الأول إن #الضفدع هيحاول إنه يتكيف مع درجه الحراره
ولما بتقرب الميه من درجة الغليان بيفقد قدرته ع التكيف
ووقتها بيبقا عاجز عن القفز خارج الاناء وبيموت
#الضفدع ما ماتش من درجة غليان الميه ... #الضفدع مات عشان ما قدرش انه ياخد قرار القفز ف الوقت المناسب
الفكره كلها اننا بنسيب الظروف دايما تتحكم فينا لحد ما يستنزفونا كليا ولحد ما حيلنا بيتهد
ولما بنقرر ناخد موقف بتكون كل حاجه اتدمرت خلاص وبنستسلم ف النهايه للنتيجه المحتمله غصب عننا !
اتعود تاخد قرارك ف الوقت المناسب هتفرق معاك اووى

#اتحرك

31/01/2016

انتظروا أقوي مفاجأت فريق CYL :-) مين مستني يعرف ؟ هننزل مفاجأة لما الاقي عدد متابع ياشباب و يابنات :-)

31/01/2016

وبما أن احنا كمصرين كويسين اووي في الانجلش وبنحبه جبنالكم ماتريل تتعلموا منه 😂😂🙈🙈

تعليم اللغة الانجليزية ؛ 30 موقع وخدمة مجانية تساعدك لتعلم الانجليزية
شكرا صفحة هنساعدك تبدأ

1- شبكة اجتماعية لتعلم اللغة الانجليزية : iTalki
http://www.italki.com/
2- المساعدة المتبادلة لتعلم اللغة بواسطة موقع livemocha
http://livemocha.com/
3- تعلم اللغة الانجليزية من المجلس الثقافي البريطاني
http://learnenglish.britishcouncil.org/ar/
4- أساسيات الانجليزية للأطفال مع موقع starfall
http://www.starfall.com/
5- تعلم الانجليزية مع موقع ( انجلش بيبي )
http://www.englishbaby.com/
6- استمع وتكلم الانجليزية مع هذا الموقع
http://www.englishspeakingonline.com/
7-عرض معلومات شاملة عن مفردات اللغة الانجليزية
http://www.wordnik.com/
8- المساعدة في بناء الجملة
http://www.phraseup.com/
9- قاموس انجليزي انجليزي
http://dictionary.reference.com/
10- موقع: تعلم الانجليزية من المنزل
http://www.english-at-home.com/
11- موقع: To Learn English
http://www.tolearnenglish.com/
12- نادي اللغة الانجليزية
http://www.englishclub.com/
13- دروس صوتية من موقع Elllo
http://www.elllo.org/
14- تعرف على تصريفات الافعال
http://painintheenglish.com/
15- موقع : Using English
http://www.usingenglish.com/
16- موقع يقدم بعض الكورسات المفيدة
http://www.busuu.com/
17- تعلم الانجليزية من BBC
http://www.bbc.co.uk/worldservice/learningenglish/
18- موقع يفيدك في تطوير حفظ وفهم مفردات اللغة الانجليزية
http://www.vocabulary.com/
19- موقع فيه العديد من الكلمات الموضحة بالصور والصوت وهو موقع جميل يمكن اتخاذه كمرجع ومصدر يتم الاستعانة به عند الحاجة.
http://www.languageguide.org/english/
20- موقع به العديد من الاختبارات في اللغة الانجليزية ويمكن اختيار المستوى المناسب للمتدرب ومن ثم الاجابة على الأسئلة التي تنمي مهاراته اللغوية.
http://www.nonstopenglish.com/

Livemocha offers free online language learning, lessons, and other language learning activities. Our free language lessons are available in 35 languages.