02/09/2026
يبقاو إلا الذكريات 🥺 آه يا لوكان نقدر نشارككم فرحتي و واش وصلت الحمد لله معليش على الأقل نحفزكم أي واحد عنده حلم يشد فيه ويخدم عليه و مايشاركه مع حتى واحد حتى أنا عندي ناس نحبهم نتمنى نشارك معاهم فرحتي و يومياتي و ناس حبو يطيحوني بدون إستثناء من من أقرب المقربين و من البراني و بكل الوسائل و كل الطرق الي ماتجيش في بالكم ماجملوش عليا تمنيت نوريلهم باش يشوفو بلي بإذن الله مادارو والو و مايديرو والو و كاين ناس حكيتلهم حلمي ضحكو عليا و هدرو فيا و قالو مسكينة راها تحلم تحل وزين هههههه تاع وجها بهاد الطريقة و سمعت الكلام بوذني و تلك الكلمات بنبرتها لم تفارق أذني حتى حليت الوزين المهم بينتلهم بلي الوزين تاع وجهي الحمد لله أمنت بروحي و ربي عطاني على حساب قلبي و نيتي و هكذا كان عوضي من الله عوض أجمل مما تمنيت هذا واش نقدر نقول في الوقت الحالي الباقي تقدرو تعرفوه مع الأيام مين العلامة تاعنا دير اسمها في السوق راكم تشرو منتوجاتنا و تاكلوها بصحتكم و معلايبالكمش تاعمن المهم الي في قلبه حاجة ربي يكمله لا يغرنكم عزيز كل شيء خلوه في السر و الكتمان لا يغرنكم عزيز تقول فلان يبغيني اياكم و الثقة اخدموا بالسكات و غيبوا عن العيون باش تبكو مكانش الي يشوفكم وطيحو مكانش الي يستشفا فيكم حتى توصلو و تخرجو بكل قوة بإذن الله هاذي سنتين كانت أكبر تحدي عشته في حياتي و أصعب إمتحان و نجحت فيه رغم أنف الجميع و وحدي درت واش ماقدروش جماعة يديروه التحالف على الشر فقط لويتحالف الناس على النجاح لكان الكل ناجح و السلام عليكم 🫡 الي يفرحلي من قلبه ويتمنالي النجاح نقوله و لك بالمثل
