Bacha Photographe

01/01/2026

#

30/12/2025

30/12/2025

تصويرنا لمحل روائح

28/12/2025

( عقد زواج )
افـــراح عائـلة أبودية
السلطان : علي
- ألف ألف مبروك للعريس
_ بعد غياب عن الصفحة دام عدة أشهر ، اليوم رجعنالكم من بلاد أخرى و خدمة أخرى و تحدي جديد من ليبيا تحديدا من طرابلس نبداو رحلة جديدة نحوى القمة .. تفاعلوا مع هذا الفيديو بالتعليقات و القلوب خلي ترجع الصفحة لأيامها و نروبلوها حتى في ليبيا 😂😂 ( ونمتعوكم لايڢات) _ العمل كان مشترك مع عبد المهيمن الإنسان الطيب.
وفي التعليقات راح نخليلكم رابط صفحتنا الليبية لي كل عمل رايح نحطوه ثما و من بعد نحطوه في هذه الصفحة نتمنى تعملوا عليها هجوم بر جو بحر.
___________________________

رقم الواتساپ: 0696 84 49 92
رقم ليبيا: 0947178208

17/12/2025

تصوير مقهى طرابلس ليبيا الدبلوماسي مول.

08/12/2025

قهوة مع كيكة على الطريقة المصرية
_______________________

21/11/2025

نيڢو هابط غير يعول
عاونوه تشو بلاك يتكوون
شبيه الملوون غير يروون تعرفني عندي إيڨو تع فرعون 😎
أيا قود 👇🏽
_________________________

02/11/2025

كفاك طلبا للرزق واذهب لطلب يدها فالعالم في خطر يا صاحبي 😂
__________________________

19/10/2025

لازم بسيف عليك تتقبل حقيقة أنك "زوالي"..
ماشي كمعايرة.. وماشي تقليل من قيمتك.. بل كوصف لواقع اجتماعي نعيشه كل يوم...

ماشي الجميع يكونو في نفس النقطة.. وماشي الكل عندهم نفس الفرصة ..
لكن كره الكلمة و محاولة الفرض على الآخرين تقبلك.. و الهروب من الحقيقة ماراحش يبدل وضعك.. أبقى أهرب طول حياتك ماراح يتبدل والو ...

المجتمع اليوم حبيت ولا كرهت يقيسك بما تملك...
عندك دورو تسوى دورو.. ماعندك والو تسوى والو ..

هذا ظلم؟ طبعا ظلم من باب الدين والعرف..
لكن هذا هو الواقع.. و لي يعيش في خيالو ويڨولك "الدراهم مايهموش ووسخ الدنيا" هذا راه يغش في نفسو ويدير في إبر مهدئة لضميرو..

الفقر ماشي عيب.. لكن أنك ترفض تشوف موقعك الحقيقي هو المشكل...

ماشي لازم تحب كونك زوالي.. لكن لازم تتقبله باش تقدر تغيرو...
تقبل الواقع ماشي ضعف.. ولا استسلام.. بل هو أول خطوة للفعل والتوازن النفسي وحتى المادي..

وما تلومش غيرك لأنهم ما تقبلوكش كزوالي.. وتبقى دايرلهم محاكمات أخلاقية في مخك ولا في المنشورات من هنا و هناك..

المجتمع يتعامل مع الظاهر.. والواقع هكا راه ماشي... إيه أنت زوالي وفحل وفيك كل الصفات لملاح وبارك الله فيك.. بصح المجتمع ماعندوش أشعة كشف الصفات.. عندو زوز عينين يشوف ظاهرك..

ماشي كل واحد رح يفهمك.. وماشي كل واحد رح يقدرك..
لكن هذا ما يعطيكش الحق تلومهم ولا تحقد عليهم...

تقبل واقعك المفروض وتعايش بسلم بلا مرارة ولا كره...

الدنيا دار إمتحان.. وكل واحد عنده ورقته... واحد رزقو واسع.. وواحد رزقه قليل .
لكن العدالة الحقيقية ما تكونش هنا بل في دار الآخرة.. عند ربٍّ لا يظلم عنده أحد ( مثقال ذرة)...
والعدل هذاك يكون بناءً على إجاباتك وكيف تصرفت في ورقة الإمتحان تلك..

عيش واقعي.. احلم بعقل.. و اخدم بصبر.
كونك زوالي اليوم لا يعني راح تبقى هكذا غدوة... و حتى إذا بقيت زوالي عيشها بواقعية.. هذا المطلوب منك كعبد لرب لا يظلم عنده أحد.

البداية تكون من الصراحة مع نفسك.. لا من لوم غيرك...
#هاشطاڨ تصالح مع روحك و داوي روحك بروحك.
_______________________________

06/10/2025

أخطر حاجة ماشي وجود الكذب.. بل سرعة إنتشاره وتصديقه..

الأشخاص بطبيعتهم يميلون لما يوافق عاطفتهم ماشي واش يوافق العقل والمنطق.. على هذا تلڨاهم يصدقو أي إشاعة وتنتشر بسرعة.. والحقيقة تمشي عرجاء وقليييل لي يصدق بلي حقيقة..
.علاش نصدقوا الكذب؟

لأن عقولنا تحب الراحة والتكسال أكثر من البحث لي راح يتعبها... فالكذبة الجاهزة أوضح وأسهل من حقيقة تحتاج إلى تفكير... و إلى تدقيق وتأكد...

لأن العاطفة تعمي... أيا نخيرو مايثير أحاسيسنا... لا ما يتطلب إستخدام عقلنا..

أيا و إعادة الكلام كالببغاء أسهل من البحث والتفكير... فتلقاهم يعاودو في كلام والله ثلاثا ماعلبالهم بصحته من عدمه..

و هكذا يولي العقل سهل التلاعب به.. مجرد قفلة تضغط عليها بالعاطفة أو الإيحاء الجماعي فيتحول صاحبه إلى ببغاء لما يسمع دون وعي... وساهمت هذه المواقع فإنتاج الببغاوات.. مثقفي زوز دورو.. لي المعلومة يستقبلها ويتقياها وين جات دون تأكد...

والنتيجة؟
- وشوف كمية الجهل والأكاذيب لي راهم مآمنين بيها ومصدقينها في هذه المواقع.

الوعي ليس أن تعرف الحقيقة فقط.. بل أن تملك القدرة
في الشك في كل مايقال والبحث عنه والتأكد منه.

#هاشطاڤ الحماقة تنتشر
_______________________________