Shoqata Sharri Switzerland

22/08/2026

Wittenbach, 21.08.2026

TELEGRAM NGUSHËLLIMI

Familjes Qazimi

Me pikëllim dhe keqardhje të thellë morëm lajmin për ndarjen nga jeta të Mirsades, bashkëshortes dhe nënës suaj të dashur, njëherazi edhe një anëtare e devotshme dhe e çmuar e Shoqatës Kulturore Shqiptare “Sharri”.

Mirsadja, me përkushtimin, vullnetin dhe kontributin e saj të çmuar, dha shumë për rritjen dhe zhvillimin e Shoqatës sonë. Kujtimi për të dhe veprat e saj do të mbeten gjithmonë pjesë e familjes së madhe të “Sharrit”.

E nderuara familje Qazimi,

Në këto çaste të rënda, ndajmë dhimbjen me ju dhe ju shprehim ngushëllimet tona më të sinqerta e të përzemërta, në emër të gjithë familjes së madhe të Shoqatës “Sharri”.

Zoti e mëshiroftë Mirsaden dhe e shpërbleftë me Parajsë, ndërsa familjes, bashkëshortit, fëmijëve dhe të gjithë të afërmve ua lehtësoftë dhimbjen dhe u dhëntë forcë për ta përballuar këtë humbje të madhe.

Kujtimi për Mirsaden do të mbetet gjithmonë i gjallë mes nesh.

Me respekt dhe dhembshuri,

Shoqata Kulturore Shqiptare “Sharri”
Veton Sermaxhaj
Kryetar

16/08/2026

🇦🇱 ME ELAN DHE ENERGJI FILLUAM USHTRIMET! ❤️🖤

Sot, pas pushimeve verore, lokalet e Shoqatës Kulturore Shqiptare “SHARRI” u mbushën përsëri me jetë, buzëqeshje, muzikë dhe hapa vallesh. 💃🕺

Me shumë elan, vullnet dhe energji, valltarët tanë iu rikthyen ushtrimeve, të gatshëm për të vazhduar aty ku e lamë dhe për të mësuar e ruajtur me krenari vallet dhe traditat tona shqiptare. 🇦🇱

Na gëzon veçanërisht entuziazmi i fëmijëve dhe të rinjve tanë, sepse tek ata jeton dhe vazhdon kultura jonë brez pas brezi.

👏 Faleminderit të gjithë valltarëve, prindërve, koreografëve dhe atyre që kontribuojnë që “Sharri” të jetë gjithmonë një vatër e kulturës, traditës dhe bashkimit shqiptar.

Mirë se u rikthyem!
Mirë se vini në familjen e madhe të SHARRIT! ❤️🖤

BASHKË RRISIM – BASHKË KRIJOJMË! 🇦🇱

14/08/2026

🇦🇱 SHARRI JU MIRËPRET! 🇦🇱

Të dashur valltarë, prindër, anëtarë dhe miq të Shoqatës Kulturore Shqiptare “SHARRI”,

Pas pushimeve verore, dyert e shoqatës sonë hapen përsëri! ❤️🖤

Është koha të rikthehemi në lokalet tona, pranë njëri-tjetrit, dhe të vazhdojmë aty ku e lamë – me valle, kulturë, traditë dhe dashuri për trashëgiminë tonë shqiptare. 💃🕺🇦🇱

📅 Të dielën, më 16.08.2026 nga Ora: 10.00, ju presim përsëri në familjen e madhe të SHARRIT.

Ejani me buzëqeshje, energji dhe dëshirë për të vallëzuar!
Sepse te SHARRI nuk mësojmë vetëm hapa valle – ruajmë dhe përcjellim traditën tonë brez pas brezi. ❤️

Mirësevini të gjithë!

🇦🇱 SHARRI – një familje, një pasion, një traditë!
Bashkë rrisim – bashkë krijojmë!

Per informata shtesë!

+41 79 887 58 78

18 vjet promovimi I kulturës mbarë Shqiptare.
Zakonet dhe traditat nga Dardania , Geg e Tosk bashk

12/08/2026

🇦🇱🇨🇭 SHOQATA “SHARRI” NË FESTIVALIN FOLKLORIK MBARËKOMBËTAR “DIASPORA JEHON”

Me krenari dhe kënaqësi njoftojmë se Shoqata Kulturore Shqiptare “Sharri” – St. Gallen do të jetë pjesëmarrëse në edicionin e dytë të Festivalit Folklorik Mbarëkombëtar “Diaspora Jehon”, i cili do të mbahet më 5 dhe 6 shtator 2026 në Renens të Zvicrës.

Në mesin e shumë grupeve, ansambleve, këngëtarëve e artistëve shqiptarë nga Zvicra, Gjermania, Austria, Italia dhe trojet shqiptare, edhe valltarët e “Sharrit” do të ngjiten në skenë për të prezantuar me dinjitet vallen, kostumet, traditën dhe kulturën tonë kombëtare.

Për ne, pjesëmarrja në këtë festival është më shumë se një paraqitje artistike. Është një mundësi për të dëshmuar se edhe larg atdheut, kultura shqiptare jeton, ruhet dhe përcillet nga një brez te tjetri. ❤️🖤

Veçanërisht na gëzon fakti që festivali ka karakter garues, duke sjellë në një skenë grupe nga shumë vende dhe duke krijuar një festë të vërtetë të folklorit mbarëshqiptar.

Shoqata “Sharri” do të paraqitet në natën e parë, të shtunën më 5 shtator, së bashku me grupet e tjera pjesëmarrëse. Festivali vazhdon edhe të dielën, më 6 shtator, me natën finale.

U dëshirojmë shumë suksese valltarëve tanë dhe të gjitha grupeve pjesëmarrëse! Falënderojmë organizatorët e festivalit për ftesën dhe për punën e tyre në bashkimin e shqiptarëve përmes artit, folklorit dhe traditës.

📍 Renens – Zvicër
📅 5–6 shtator 2026

Aty ku vallja shqiptare bashkon duart, bashkohen edhe zemrat.
“Sharri” vazhdon me krenari misionin e tij: ta ruajmë kulturën, ta kultivojmë traditën dhe t’ua përcjellim brezave identitetin tonë kombëtar! 🇦🇱🇽🇰🇨🇭

Suksese, “Sharri”! Mirupafshim në Renens! 👏❤️

11/08/2026

🇦🇱 Mirënjohje dhe falënderim për familjen e Islam Sadikit & Sabrije Sadikit.🇦🇱🇦🇱🇦🇱

Me shumë respekt, mirënjohje dhe dashamirësi, dëshirojmë t’i shprehim një falënderim të veçantë familjes Sadiki, për përkushtimin, angazhimin dhe punën e palodhshme që vazhdimisht japin për Shoqatën tonë SHARRI dhe për komunitetin shqiptar.

Kontributi juaj nuk është thjesht një ndihmë apo një angazhim i zakonshëm. Është një dëshmi e dashurisë dhe respektit që keni për kulturën, gjuhën, traditat dhe identitetin tonë shqiptar. Me punën dhe përkushtimin tuaj, ju jeni bërë pjesë e rëndësishme e përpjekjeve tona të përbashkëta për të ruajtur dhe përcjellë brez pas brezi vlerat që na lidhin me prejardhjen dhe rrënjët tona.

Në një kohë kur jetojmë larg vendlindjes dhe ku brezat e rinj rriten në një mjedis me kultura dhe gjuhë të ndryshme, ruajtja e traditave tona shqiptare është një përgjegjësi e madhe. Pikërisht për këtë arsye, çdo aktivitet, çdo orë e kushtuar, çdo përpjekje dhe çdo sakrificë e bërë në kuadër të shoqatës sonë ka një rëndësi të veçantë.

Familja SADIKI ka treguar se traditat nuk ruhen vetëm me fjalë, por me punë, përkushtim dhe shembull të mirë. Angazhimi juaj është një frymëzim për të gjithë ne dhe një mesazh i bukur për fëmijët dhe të rinjtë tanë: që të mos i harrojnë rrënjët e tyre, të jenë krenarë për prejardhjen e tyre dhe ta duan gjuhën, kulturën dhe traditat shqiptare.

Ne besojmë se një shoqatë e fortë ndërtohet pikërisht nga njerëz të përkushtuar, të cilët japin nga koha, energjia dhe zemra e tyre pa kërkuar asgjë në këmbim. Familja Sadiki është një shembull i mirë i vullnetit, bashkëpunimit dhe dashurisë për komunitetin.

Një falenderim të veçantë kemi edhe për vajzat:
Alketa Sadiki dhe Alissa Sadiki,të cilat me talentin e lindur që kan vazhdojne te vallzojnë në mesin e 92 valltarëve që i numron Shoqata Sharri.

Për çdo kontribut tuajin, për çdo aktivitet ku keni qenë të pranishëm, për çdo ide, ndihmë dhe përpjekje që keni dhënë, ju shprehim mirënjohjen tonë më të sinqertë. Falë njerëzve si ju, ne mund të vazhdojmë të organizojmë aktivitete, të mbajmë gjallë traditat tona dhe t’ua përcjellim brezave të ardhshëm atë trashëgimi të çmuar që kemi marrë nga të parët tanë.

Ju falënderojmë që jeni pjesë e rrugëtimit tonë dhe që me punën tuaj dëshmoni se dashuria për atdheun dhe kombin nuk njeh distancë. Edhe pse larg trojeve shqiptare, zemrat tona mbeten të lidhura me vendin, gjuhën, kulturën dhe traditat tona.

Familjes SADIKI i shprehim respektin dhe mirënjohjen tonë të thellë!
Urojmë që shembulli dhe përkushtimi juaj të vazhdojnë të jenë frymëzim për shumë familje të tjera që së bashku të kontribuojmë në ruajtjen e vlerave tona kombëtare.

Sepse vetëm duke qenë të bashkuar, duke punuar së bashku dhe duke ua mësuar brezave të rinj atë që kemi trashëguar nga të parët tanë, mund ta mbajmë të gjallë gjuhën, kulturën, zakonet dhe traditat tona shqiptare.

Faleminderit familjes SADIKI për gjithçka që bëni për shoqatën tonë dhe për komunitetin shqiptar!

Me respekt, krenari dhe mirënjohje,
Shoqata Kulturore Shqiptare SHARRI 🇦🇱❤️

Rrënjët tona janë identiteti ynë.
Traditat tona janë pasuria jonë.
Bashkimi ynë është forca jonë! 🇦🇱

01/08/2026

🇨🇭 Urime 1 Gushti – Dita Kombëtare e Zvicrës! 🇨🇭

Shoqata Kulturore Shqiptare “Sharri” u uron të gjithë qytetarëve të Zvicrës, miqve tanë zviceranë dhe mbarë komunitetit shqiptar që jeton e vepron në këtë vend, Gëzuar 1 Gushtin – Ditën Kombëtare të Konfederatës Zvicerane!

Me mirënjohje për mikpritjen, lirinë, sigurinë dhe mundësitë që Zvicra u ka ofruar brezave të shqiptarëve, shprehim respektin tonë për vlerat e demokracisë, bashkëjetesës dhe solidaritetit.

Qoftë kjo ditë një festë e unitetit, paqes dhe mirëkuptimit mes të gjithë qytetarëve.

Gëzuar 1 Gushtin! 🇨🇭

Shoqata Kulturore Shqiptare “Sharri”
Waldkirch – St. Gallen

31/07/2026

Familja “Sharri” dëshmoi edhe një herë se është një familje e madhe

Mbrëmjen e 30 korrikut 2026, Shoqata Kulturore Shqiptare “Sharri” dëshmoi edhe një herë se nuk është vetëm një shoqatë, por një familje e madhe që qëndron pranë anëtarëve të saj në çdo moment gëzimi.

Edhe pse në sezon pushimesh, me angazhime të shumta dhe kohë të kufizuar, një pjesë e Kryesisë gjeti kohë për të qenë pranë Familjes Elshani, një familje e cila prej vitesh është ndër shtyllat e shoqatës sonë dhe ka të angazhuar më shumë se gjysmën e anëtarëve të saj në aktivitetet e “Sharrit”.

Për të ndarë gëzimin me këtë familje të respektuar dhe për ta bërë edhe më të veçantë këtë mbrëmje festive, Kryesia, në bashkëpunim me koreografin Kreshnik Sadikaj, kishte përgatitur një befasi të bukur.

Kreshniku, së bashku me një grup valltarësh, të cilët gjithashtu ndodheshin në pushime, hynë në sallë të veshur me kostume kombëtare, duke sjellë atmosferën e veçantë që vetëm vallet dhe tradita e “Sharrit” dinë ta krijojnë. Tingujt e muzikës dhe vallet shqiptare ngritën në këmbë të gjithë të pranishmit, të cilët u bashkuan në valle, duke ndarë emocione, buzëqeshje dhe momente që do të mbeten gjatë në kujtesë.

Familjes Elshani i urojmë nga zemra shëndet, lumturi dhe sa më shumë gëzime në jetë. U takofshim gjithmonë në festa e në momente të bukura!

Me respekt,

Kryesia e Shoqatës Kulturore Shqiptare “Sharri”

10/07/2026

SHOQATA KULTURORE SHQIPTARE „SHARRI“

PUSHIME TË MBARA

DHE VERË TË KËNDSHME!

Shijoni ditët e verës, bukuritë e vendlindjes dhe çastet e paharrueshme pranë njerëzve tuaj më të dashur!

Me përfundimin e sezonit të aktiviteteve kulturore dhe ardhjen e pushimeve verore, Shoqata Kulturore Shqiptare „Sharri“ u përcjell urimet më të përzemërta të gjithë anëtarëve, familjeve të tyre dhe bashkatdhetarëve tanë kudo që ndodhen.

Ju dëshirojmë një verë të qetë, të bukur dhe plot gëzim. Shijoni detin, natyrën dhe bukuritë e trojeve tona, duke krijuar kujtime të paharrueshme me familjarët dhe miqtë tuaj.

Gjatë këtyre pushimeve, gjeni kohë edhe për vendlindjen. Vizitoni të afërmit, rikthehuni në vendet ku keni kujtimet më të bukura dhe përcillni te brezat e rinj dashurinë për gjuhën, kulturën, traditat dhe rrënjët tona.

Pushimet janë një mundësi e çmuar për t’u çlodhur, për të kaluar më shumë kohë me njerëzit e zemrës dhe për t’u rikthyer me shëndet, energji dhe motivim të ri.

Shoqata „Sharri“ ju dëshiron nga zemra pushime të mbara, udhëtim të mbarë dhe një verë të paharrueshme!

Ju mirëpresim pas pushimeve me energji, entuziazëm dhe elan të ri për aktivitetet tona të përbashkëta!

Me respekt,
Kryesia e Shoqatës Kulturore Shqiptare „Sharri“

28/06/2026

Shoqata Kulturore Shqiptare “Sharri” përmbylli sezonin me një piknik familjar

Sot, Kryesia e Shoqatës Kulturore Shqiptare “Sharri” organizoi një piknik familjar për të gjithë anëtarësinë, si shenjë mirënjohjeje dhe falënderimi për përkushtimin, punën vullnetare dhe kontributin e dhënë gjatë gjithë sezonit.

Pikniku u mbajt në parkun e bukur Parplatz Laui në St. Johann, Toggenburg, ku në një atmosferë të ngrohtë e miqësore kaluam një ditë të mrekullueshme së bashku. Me grill, ushqime dhe pije të sponsorizuara nga Shoqata, pati shumë buzëqeshje, biseda të këndshme dhe momente që do të mbeten gjatë në kujtesën tonë.

Falënderojmë nga zemra të gjithë anëtarët, vullnetarët, sponsorët dhe miqtë e Shoqatës për mbështetjen dhe angazhimin e tyre të vazhdueshëm. Pa ju, suksesi i aktiviteteve tona nuk do të ishte i mundur.

Ju urojmë të gjithëve pushime të këndshme verore, shëndet, lumturi dhe shumë çaste të bukura me familjet tuaja.

Mirë u pafshim pas pushimeve, të rikthyer me energji të reja, ide të freskëta dhe vullnet edhe më të madh për aktivitete të reja!

Me respekt,
Kryesia e Shoqatës Kulturore Shqiptare “Sharri”

25/06/2026

Me ftesë të z. Vigan Berisha, Konsull i Përgjithshëm i Republikës së Kosovës në Cyrih, një delegacion nga Kryesia e Shoqatës Kulturore Shqiptare “Sharri” pati nderin të marrë pjesë në koncertin autorial të kompozitores së mirënjohur Dafina Zeqiri Nushi, të organizuar nga Konsullata e Përgjithshme e Republikës së Kosovës në Cyrih. Koncerti u mbajt më 23 qershor 2026 në Zollikon dhe solli para publikut një mbrëmje të veçantë artistike kushtuar muzikës së kultivuar shqiptare.

Ishte një mbrëmje e mbushur me emocione, kulturë dhe vlera kombëtare, ku muzika u bë ura më e bukur që bashkoi artin, poezinë dhe identitetin tonë. Interpretimi brilant i mezzosopranos Sanije Matoshi dhe pianistes Florita Raifi Ajdini i dha jetë veprave të kompozitores, duke lënë mbresa të veçanta te të gjithë të pranishmit.

Shoqata Kulturore Shqiptare “Sharri” shpreh mirënjohjen e saj për ftesën dhe falënderon z. Vigan Berisha për angazhimin e vazhdueshëm në promovimin e kulturës shqiptare në diasporë. Ngjarje të tilla dëshmojnë se arti dhe kultura janë ambasadorët më të denjë të kombit tonë dhe forcojnë lidhjet mes bashkatdhetarëve kudo që jetojnë.

Urime organizatorëve dhe veçanërisht kompozitores Dafina Zeqiri Nushi për këtë mbrëmje të jashtëzakonshme artistike, e cila do të mbetet gjatë në kujtesën e të gjithë pjesëmarrësve.