Was ist die Webseite?

SiFA - Sirnacher Fasnacht

Startseite
Schweiz
Sirnach
SiFA - Sirnacher Fasnacht

SiFA, die schönscht Fasnacht i dä Ostschwiz.

17/02/2026

Samstig Obig: Nochem Umzug isch de Betrieb i de SiFA Beiz wieder i vollem Gange gsi. De .sax1 hät für top Unterhaltig gsorgt und sogar sis australische Didgeridoo uspackt. Im Zelt häts zerscht t'Prämierig vo de schönste Umzugswägä geh.

Ahschlüssend T'Rasslätä ahgfange und hät s'Zelt zum bebä brocht! Quer durch alli Musiggenres händ die junge Östricher üs begeisteret.

De Abschluss hät nocher de .ch gmacht und üs au nomel fiire loh.

A dem Obig sind t'Verchleidige und t'Stimmig a de Spitze ahglangt gsi.

Skål!

17/02/2026

Umzugsfötteli Teil 3: Trotz schlechtem Wetter hämmers gnosse und es isch en wahnsinig schöne Umzug gsi!

Skål und Zapfe, zapf-zapf!

Meh Fötteli gits bald uf üsere Website

17/02/2026

Umzugsfötteli Teil 2: Under ganz vielne Gruppe hät natürli au üsi Muschelfee Dahlia viel Freud und no viel meh Schleckmuschle verteilt.

17/02/2026

Umzugsfotos Teil 1: T'Tor noch Valhalla sind göffnet worde. Somit isch dene 45 Gruppe, Gugge und Fasnachtswägä nüt meh im Weg gstande uf ihrem Weg durch üsi Strosse.

Allne vorah natürlich wie immer t'Trychler vom Ischeller Neckertal dicht gfolgt vo de Sirnacher Fasnächtler.

17/02/2026

SiFA-Beiz am Friitig Obig:

Parallel zur Hardstyle-Night isch au i de SiFA-Beiz im Drütannesaal volle Betrieb gsi. Üses Barteam höt üsi Gest Top versorget und die beide DJ's .ch und .ch händ im Lokal für die perfekti Stimmig und geili Musig gsorget.

17/02/2026

Hardstyle-Night - SiFA 2026:

Gester hämmer üsi allererst Hardstyle-Night a de Sirnacher Fasnacht gha. Es hät ordentlich kracht und t'Stimmig isch de Hammer gsi! Mit mne Top Line-Up und coole Lüt isch die Nacht legänder worde!

17/02/2026

Eröffnung Teil 2: Begleitet isch üsi Eröffnig vo vier Gugge worde wo alli abglieferet händ und natürli denn alli zemme au üses Monsterkonzert gspielt händ.

17/02/2026

Eröffnig Teil 1: Gester hämmer t'Fasnacht eröffnet, t'Gmeind übernoh und Valhalla noch Sirnach gholt.

Mit Life-Music und em grosse Monsterkonzert isch die 5. Johresziit ihglütet worde und t'Muschelfee Dahlia hät s'Zepter it Hand gno.

Üsi Füürbäsä händ de Ihzug gmacht und üsi Präsidentin isch uf ihrem Vikingerschiff ihgfahre.

Noch de Eröffnigsfiir isch i de altbekannte SiFA-Beiz ordentlich gfiiret worde.

Me Fötteli gits im 2. Teil.

17/02/2026

Am Sunntig isch üsi Flotte wiiterzoche uf Lenggewil.

Üsen Barwage Allne vorus, als allererste vor Ort. Vlt. Sogar vor Lenggewil...
So händs Ziit gha zum alles Vorbereite für durstigi und hungrigi Umzugsteilnehmer.

Üsi Muschelfee hät denn de Feewage und s'Barwägeli durch t'Strosse gführt und de Lüt e Freud gmacht.
Näbed en Huufe Konfetti häts natürli au Schleckmuschle gregnet.

Als nöchsts gots in Sirnach los. Noch de Eröffnig am 12.02.2026 begrüessemer zum grosse Umzug am 14.02.2026 in Sirnach über 40 Teilnehmendi Gruppe.

Am Obig wird denn no gfiiret:
📍Zelt - EtziwieseRasslätä, Rasslätä
📍SiFA-Beiz - 3 Tannen

17/02/2026

Am Samstig Obig simmer loszoche und händ üs am Nachtumzug Bütschwil dörfe präsentiere. Üsi Muschelfee Dahlia hät üs vo ihrere Muschle us durch t'Strosse gführt und somit t'Umzugssaison für t'SiFA eröffnet.

Bald heissts au in Sirnach wieder, Leine los und Segel setze! Wenn mer denn am 14.02.2026 de grossi Fasnachtsumzug in Sirnach starte lönd.

Adresse

Sirnach
8370

Webseite

https://www.sifa.ch/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von SiFA - Sirnacher Fasnacht erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.