01/09/2025
Սեպտեմբերի 27, 28 Yeraz Park / Երազ Այգի Մեղրատոն 2025
Հարգելի՛ մեղվամթերք արտադրողներ և մեղվաբուծության ոլորտի ներկայացուցիչներ (նյութերի, սարքավորումների մատակարարներ և այլն),
սիրով տեղեկացնում ենք, որ սեպտեմբերի 27-ին և 28-ին, Երևան քաղաքի Թբիլիսյան 1/8 հասցեում գտնվող «Երազ» այգում, կկայանա «Քաղցր օրեր Երևանում» խորագրով «ՄԵՂՐԱՏՈՆ» մեղվամթերքի ցուցահանդես-տոնավաճառը։
Միջոցառման հիմնական նպատակներն են․
• Մեղվաբույծների և ոլորտին առնչվող այլ կառույցների (նյութերի, պարագաների ու սարքավորումների մատակարարներ, արտահանողներ և այլն) միջև բիզնես հարաբերությունների հաստատում և ամրապնդում։
• ՀՀ սպառողների շրջանակում բազմազան մեղվամթերքի վերաբերյալ տեղեկացվածության մակարդակի բարձրացում և դրանց նկատմամբ պահանջարկի խթանում։
• Մեղրի որակի վերաբերյալ իրազեկվածության բարձրացում, բարձրորակ մեղրի վաճառքի խթանում և նոր հաճախորդների ներգրավում։
Միջոցառման մասնակցության վճարը կազմում է 50,000 ՀՀ դրամ, որը ներառում է․
• Տաղավարի վարձակալություն «Մեղրատոն» տոնավաճառի մասնակցության համար (սեպտեմբերի 27–28)։ Վարձակալությունը նախատեսված է 2 ամբողջական օրվա համար։ Տաղավարի փաթեթը ներառում է վրան, սեղան (110×100) և 2 աթոռ։
• Սպասարկող անձնակազմ, որը կհամակարգի այցելուների հոսքը, վարպետաց դասերը, տեղեկատվական և զվարճանքի միջոցառումները։
• Վարպետաց դասի հնարավորություն. «Մեղրատոն»-ի ընթացքում, նախապես գրանցվելով կազմակերպչական թիմի մոտ, յուրաքանչյուր մասնակից կարող է երկու օրվա ընթացքում առնվազն մեկ անգամ՝ 20 րոպե, ներկայացնել ոլորտում իր հետաքրքիր ձեռքբերումները և ամենահետաքրքիր արտադրանքը։
• Համերգային ծրագիր (գտնվում է քննարկման և հաստատման փուլում)։
Մասնակցելու համար անհրաժեշտ է մինչև ս.թ. սեպտեմբերի 12-ը ներառյալ լրացնել հայտը։
https://forms.gle/zyL3mRrNeChN4FqK7
