17/01/2026
Մի քանի փաստ իմ մասին ❤️🫧
❤️ Կրթություն
Սովորել եմ Միջազգային հարաբերություններ և դիվանագիտություն բաժնում. ինձ միշտ հետաքրքրել է, թե ինչպես են երկրները շփվում, համագործակցում ու կառուցում կապեր։
❤️ Հոբբիներ և հետաքրքրություններ
Ճանապարհորդություն և տարբեր երկրների մշակույթի ուսումնասիրություն․ ամեն երկիր ինձ համար նոր պատմություն ու ներշնչում է։
Վերջերս սկսել եմ հետաքրքրվել միջոցառումների սեղանի դեկորացիայով. նոր թրենդներով ու տարբեր երկրների ոճերով։
Շատ եմ սիրում հավաքել անտիկ արձանիկներ և իրեր․ յուրաքանչյուրն իր էներգիան ու պատմությունն ունի։
❤️ Ինչն է ինձ բնորոշ
Իրական, անկեղծ ու մանրուքների նկատմամբ ուշադիր մարդ եմ։
❤️ Իմ մոտիվացիան
Սիրում եմ սովորել, բացահայտել ու իմ աշխարհը գեղեցկացնել թե՛ գաղափարներով, թե՛ էսթետիկայով:
❤️Ո՞րն է եղել «Արտ Վայն»-ը հիմնադրելու պատճառը
«Արտ Վայն»-ը հիմնեցի Հայաստանում՝ 2018 թվականին, որովհետև շատ եմ սիրում իմ քաղաքը և հասկացա, որ մեր քաղաքին անհրաժեշտ է ժամանցի նոր, այլընտրանքային ձև։ Ցանկացա գույներ ավելացնել քաղաքի մշակութային կյանքին՝ արվեստի և գինու համադրությամբ ստեղծելով մի միջավայր, որտեղ մարդիկ կարող են ոչ միայն հանգստանալ, այլև ստեղծագործել։
❤️«Արտ Վայն»-ի 3 հիմնական սկզբունքները, որոնք երբեք չեն փոխվել
«Արտ Վայն»-ը հիմնադրվել է ոչ թե բիզնեսի դասական սկզբունքներով, այլ մեծ սիրով և առաջնային որակի գաղափարով՝ ամեն մանրուքում։ Մինչ օրս, երբ «Արտ Վայն»-ը արդեն կայացած բրենդ է, վստահ կարող եմ ասել, որ դրա հաջողության հիմքում իմ սերն է, իմ թիմի նվիրումն ու այն հազարավոր մարդիկ, ովքեր մասնակցել են և դեռ շարունակելու են մասնակցել մեր միջոցառումներին։
❤️3 բան, որոնք չեմ կարողանում տանել
Սուտը, երկերեսանի մարդկանց, անպատասպանատու և ոչ պունկտուալ մարդկանց:
✨Ուրախ եմ, որ մեզ հետ եք և գնահատում եք գեղեցիկը 🫶🏻
Սիրով ՝ .meri
