08/05/2024
Vdekja e Alma Arrazit dhe fëmijëve të saj është dhe duhet të jetë një këmbanë alarmi për gjithë shoqërinë.
Nuk mjafton përmirësimi i kuadrit ligjor për të garantuar jetën e grave dhe vajzave tona. Duhet shumë më shumë se kaq!!!
Sot, ndodhemi përballë pasojave fatale të asaj çfarë shoqëria jonë ka prodhuar në këto 30 vite, "4 viktima".
Ne nuk arritëm të ndalonim këtë tragjedi, po ashtu nuk arrijmë dot të identifikojmë edhe sa gra të tjera si Alma ndodhen në këtë udhëkryq nëse ne do të vazhdojmë të heshtim, të gjykojmë dhe paragjykojmë.
Vdekja e Almes dhe e fëmijëve të saj nuk mundet të jetë pergjegjësi e vetëm një personi, ajo është dhe duhet të jetë përgjegjësi e secilit prej nesh.
Nuk mjafton të merremi vetëm me pasojën, duhet patjetër të punojmë me shkakun dhe shkaktarin sepse ndryshe, do të kemi shumë nëna dhe femijë të tjerë jeta e të cilëve do te sakrifikohet për hir të mosfunksionimit të sistemit, shoqërisë patriarkale, kushteve ekonomike e shumë e shumë shkaqeve të tjera etj.
Duhet që gratë dhe vajzat tona të ndihen të sigurta dhe të mbrojtura nga institucionet kur ato vendosin të reagojnë, ndryshe kemi dështuar të gjithë.
Ne, si shoqatë që punojmë për të drejtat e grave do jemi në krah të së drejtës për të zbuluar më shumë rreth asaj çfarë e shtyu Almen për të marrë një vendim të tillë për veten dhe fëmijët e saj.
Një nënë nuk mund të sakrifikojë fëmijët e saj që i ka sjellur në jetë dhe i ka rritur me shumë sakrifica për asnjë arsye, sado e fortë të paraqitet ajo.
Unë nuk do e bëja, ti nuk do e bëje, ateherë, as Alma nuk do e bënte!!!!!!
Nënat, gratë dhe vajzat duhet të mbështeten për t'a thënë të vërteten!!!
