09/08/2026
Të nderuar miq, dashamirës dhe klientë,
Kemi kënaqësinë t’ju njoftojmë se faza e parë e projektit “Arbes Grand Palace” tashmë ka përfunduar!
Me shumë përkushtim dhe dashuri, kemi hapur sallën e vogël të eventeve, me një kapacitet deri në 200 persona.
Dy eventet e para tashmë janë zhvilluar dhe për ne kanë qenë një emocion i veçantë të rikthehemi sërish pranë jush në një ambient të ri.
Nga sot, salla e vogël është e hapur për rezervime!
Por ky është vetëm fillimi…
Punimet vijojnë për fazën e dytë të projektit, e cila do të sjellë sallën e madhe të eventeve – një hapësirë madhështore, me arkitekturë moderne dhe një koncept tërësisht të ri.
Më pas do të vijë faza e tretë: një restorant ditor, ku tradita do të takohet me modernen, duke krijuar një eksperiencë të veçantë për çdo vizitor.
Dhe në përfundim, faza e katërt do të sjellë njësinë akomoduese – hotelin, duke kompletuar të gjithë projektin “Arbes Grand Palace”.
Ky projekt është një ëndërr që po merr formë hap pas hapi, dhe asgjë nga kjo nuk do të kishte të njëjtin kuptim pa mbështetjen tuaj.
Ju falënderojmë nga zemra të gjithëve që na keni përkrahur gjatë kësaj periudhe të vështirë, veçanërisht pas shkëputjes nga restoranti i vjetër.
Sot, me shumë krenari, nisim një kapitull të ri.
Lokacioni është i ri, ambienti është i ri, por pasioni, dëshira dhe serioziteti për t’ju shërbyer janë po ata të dikurshmit.
Mezi presim t’ju mirëpresim në shtëpinë tonë të re.
Mirë se vini në “Arbes Grand Palace
