28/05/2026
දකුණු ආසියාවේ ලාබලතම පාතාල කල්ලි නායකයා චින්තක අමරසිංහ
1971 වසරේ අගෝස්තු 15 වෙනිදා උස්ලියනගේ චින්තක නලින් පෙරේරා නොහොත් චින්තක අමරසිංහ උපත ලබන්නේ UL පෙරේරා මහතාගේ සහ ගැලඩිස් අමරසිංහ දෙමව්පියෝ දෙන්නගේ වැඩිමහල් පුතා විදිහට. චින්තකගෙන් පස්සේ ඔහුට බාල මල්ලි වන ධම්මික සහ තවත් බාල සහෝදරියක් උපත ලබනවා. කෝට්ටේ ශාන්ත තෝමස් විදුහලෙන් සිප් සතර හදාරන චින්තක ක්රිකට් ක්රීඩාවට අති දක්ෂයෙක්. ඔහුගේ අනාගත බලාපොරොත්තුව වෙලා තිබුනේ කවදාහරි ශ්රී ලංකාවේ ක්රිකට් කණ්ඩායම නියෝජනය කරන්න නැත්නම් කතෝලික පුජකයෙක් වෙන එක. නමුත් ඔහුගේ මාමා වන නොයෙල් අමරසිංහගේ පාතාල ක්රියාකාරකම් එක්ක මේ පවුලට වෙන්නේ වෙනත් පාරක යන්න.
කිසිම දේකට සම්බන්ද නැති ඔහුගේ පියාව සොත්ති උපාලි ඇතුළු කල්ලිය විසින් ඝාතනය වෙද්දිත් ඔහු නිහඬව ඉන්නවා. පසුව ඔහුගේ පුංචි අම්මවත් කොටියගොඩ කල්ලිය විසින් ඝාතනය කරනු ලබනවා වගේම ඔහුගේ පවුලට වෙන අකටයුතුකම් ඉවසන්න බැරිම තැන 17 හැවිරිදි චින්තකට සිදුවෙනවා තම පවුල වෙනුවෙන් ආයුධ අතට ගන්න. එතැනින් ආරම්භ කරන ගමන නවතින්නේ කිහිපවාරයක් බන්ධනාගාර ගතවන චින්තක 1993 වසර වනවිට මාළු නිහාල් සහ චීනා ඝාතනය කරමින් පාතාල ලෝකයේ අංක එකට පැමිණීමෙන්. මේ වනවිට චින්තක එක්ක ලොකු කල්ලියක් එකතු වෙලා ඉන්නවා. හැබැයි චින්තක මත්ද්රව්ය වෙළඳාමට නම් එකතු වෙන්නේ නැහැ.
ඔහුගේ පාතල ලෝකය තුල නැගිටීම දරාගන්න බැරිවෙන ඔහුගේම ලඟින් සිටි කඩුවෙල කණ්ඩායම, නාවල නිහාල්, කළු අජිත් ඔහුව ඝාතනය කරන්න සැලසුම් කරනවා. අවසානයේදී 1996 වසරේ ජනවාරි මාසයේ 29 වෙනිදා ඔහුගේ ලඟින්ම හිටපු යාළුවා වුනු කළු අජිත් විසින් තොටළඟ පන්සල් වත්තෙදී චින්තකව වෙඩි තබා ඝාතනය කරනවා.
අවුරුදු 26 වත් සම්පුර්ණ නොකරන චින්තක ඝාතනය වෙනකොට ඝාතන 100 කට වඩා කරලා තිබුන කියලා තමයි කියන්නේ. නමුත් චින්තකට හැමෝම ආදරෙයි. මොකද ඔහු ආයුධ අතට ගන්නේ තමුන්ගේ පවුල වෙනුවෙන්, නැත්තම් චින්තක අද වෙනකොට දක්ෂ ක්රිකට් ක්රීඩකයෙක් නැත්නම් කතෝලික පුජකයෙක් විදිහට අපි අතර තාමත් ජීවත් වෙනවා.
චින්තකගේ කතාව හොයපු අපි අද චින්තක සුවසේ නිදන තොටළඟ මාදම්පිටිය කනත්තට ගියා චින්තකගේ සොහාන බලන්න. නමුත් අපි හරිම අමාරුවෙන් ඔහුගේ භූමදානය කරපු තැන හොයාගත්තෙ, මොකද එතන සොහනවත් බැඳල නැහැ. අද චින්තකව හැමෝටම අමතක වෙලා.
