The Nikkāh Project

The Nikkāh Project A shariah-compliant Matrimonial platform and insights into Islamic marriage wisdom.

Missions

- မြန်မာမွတ်စ်လင်မ်လူငယ်များ၊ မိဘများနှင့် လူကြီးသူမများအား အစ္စလာမ့်တရားတော်နှင့်အညီလက်ထပ်ထိမ်းမြားခြင်း၏ အရေးကြီးပုံကို ပိုမိုသိရှိလာစေရန် အသိပညာမျှဝေခြင်း။

- မြန်မာမွတ်စ်လင်မ်လူငယ်များကြားတွင် Halal Relationship ပိုမိုအားကောင်းလာစေရန်နှင့် Haram Relationship များ လျော့နည်းသွားစေရန် အသိပညာဖြန့်ဝေခြင်း။

- To empower and educate Myanmar Muslim youth, parents, and elders worldwide about

the significance of Islamic marriage.

- To spread the knowledge to strengthen Halal Relationships and decrease Haram Relationships among Burmese Muslim youth. Visions

- အစ္စလာမ့်တရားတော်နှင့်အညီလက်ထပ်ထိမ်းမြားခြင်း၏ သဘောသဘာဝကို ပိုမိုနားလည်သဘောပေါက်လာနိုင်စေရန် အထောက်အပံ့ပေးနိုင်သည့် ပလက်ဖောင်းတစ်ခုဖြစ်ပေါ်လာစေခြင်း။

- အစ္စလာမ့်တရားတော်နှင့်အညီ အိမ်ထောင်ဖက်ရှာဖွေရာတွင် မိဘများနှင့် လူကြီးသူမများ၏ အားပေးထောက်ခံမှုနှင့်တကွ မြန်မာမွတ်စ်လင်မ်လူငယ်များ ခိုင်လုံသည့်ဆုံးဖြတ်ချက်ကောင်းများ ပြုလုပ်နိုင်ရန် ခွန်အား‌‌‌ပေးခြင်း။

- အစ္စလာမ့်တရားတော်နှင့်အညီ ကမ္ဘာတစ်ဝန်းလုံးရှိ မြန်မာမွတ်စ်လင်မ်များ အိမ်ထောင်ဖက်ရှာဖွေရာတွင် ပါဝင်ကူညီအားဖြည့်ပြီး အသိပညာမျှဝေမှု၊ ဆွေးနွေးမှုစကားဝိုင်းများမှတစ်ဆင့် မြန်မာမွတ်စ်လင်မ်အချင်းချင်း ရင်းနှီးချစ်ခင်အားကိုးစားမှု ပိုမိုခိုင်မာလာစေရန် ရည်ရွယ်ခြင်း။

- Our vision is to create a global platform of knowledge and guidance for Myanmar Muslims of all ages, fostering a culture where the importance of Islamic marriage is widely understood and embraced.

- We envision a community where youth are empowered with the wisdom and tools needed to make informed decisions about marriage, supported by the guidance and encouragement of their parents and elders.

- Through the power of education and open dialogue, we aspire to strengthen the foundations of Islamic marriages, thereby contributing to the overall well-being and harmony of the Myanmar Muslims.

🔸 လှပမှုနဲ့ ရုပ်ဆိုးမှုအစစ်အမှန် 🔸တစ်ခါက ဂျူးခေါင်းဆောင်တစ်ယောက် တမန်တော်မြတ်မုဟမ္မဒ် (ﷺ) ဆီကို လာပြီး “အက်စ်-စားမူ အလို...
05/07/2025

🔸 လှပမှုနဲ့ ရုပ်ဆိုးမှုအစစ်အမှန် 🔸

တစ်ခါက ဂျူးခေါင်းဆောင်တစ်ယောက် တမန်တော်မြတ်မုဟမ္မဒ် (ﷺ) ဆီကို လာပြီး “အက်စ်-စားမူ အလိုက်ကွန်မ်” လို့ ဆိုလိုက်တယ်။ ဒါက အစ္စလာမ့်မင်္ဂလာနှုတ်ဆက်စကား “အက်စ်-စလားမူ အလိုက်ကွန်မ်” နဲ့ စကားလုံးကစားပြီး ပြောလိုက်တာပါ။ အစ္စလာမ့်နှုတ်ဆက်စကားက “အသင့်အပေါ်မှာ ငြိမ်းချမ်းမှုကျရောက်ပါစေ” လို့ ဆိုလိုပြီး၊ သူပြောလိုက်တာက “အသင့်အပေါ်မှာ သေခြင်းတရားကျရောက်ပါစေ” လို့ ဆိုလိုတာဖြစ်ပါတယ်။

တမန်တော်မြတ်က သည်းခံပြီး ရိုးရိုးရှင်းရှင်းအေးအေးဆေးဆေးပဲ “ဝ အလိုက်ကွန်မ်” (အသင့်ကိုလည်း ထိုနည်းတူပါပဲ) လို့ပြန်ပြောလိုက်ပါတယ်။

ခင်ပွန်းသည် တမန်တော့်ကို ဒီတိုင်းကြီး လာကျိန်ဆဲတာကို ချစ်ဇနီး အာအီရှာသခင်မကတော့ အင်မတန်ဒေါသထွက်ပြီး - “အလ္လာဟ့်ထံက ကျိန်စာ သင့်အပေါ်ကျရောက်ပါစေ၊ အသင် ပျက်စီးပါစေ... တမန်တော်တစ်ပါးကို ဘာကြောင့် ဒီလိုပြောရဲတာလဲ” ဆိုပြီး ပြောဆိုအော်ဟစ်လိုက်ပါတယ်။

တမန်တော်မြတ်က - “စိတ်ငြိမ်ငြိမ်ထားပါ အို...အာအီရှာ၊ နူးညံ့သိမ်မွေ့မှုက လှပတယ်ဆိုတာ ရှင်မ မသိဘူးလား၊ နူးညံ့သိမ်မွေ့မှု ဘယ်အရာမှာရှိလဲ၊ အဲ့အရာကို လှပသွားစေတယ်။ ခက်ထန်ကြမ်းတမ်းမှု ဘယ်အရာမှာရှိလဲ၊ အဲ့အရာကို ရုပ်ဆိုးအကျည်းတန်သွားစေတယ်ကွဲ့" လို့ ဆုံးမလိုက်ပါတယ်။

Ref; Bukhārī, Şahih al-Bukhārī, pp. 1561-1562

ရဲမျိုးဇော်
✍🏻Content Contributor, TNP

قُلْ هَلْ يَسْتَوِى ٱلَّذِينَ يَعْلَمُونَ وَٱلَّذِينَ لَا يَعْلَمُونَကုရ်အာန် (၃၉:၉)39|9|အကြင်သူသည် ညပိုင်းများတွင် စဂျ်...
21/06/2025

قُلْ هَلْ يَسْتَوِى ٱلَّذِينَ يَعْلَمُونَ وَٱلَّذِينَ لَا يَعْلَمُونَ

ကုရ်အာန် (၃၉:၉)

39|9|အကြင်သူသည် ညပိုင်းများတွင် စဂျ်ဒဟ်ဦးချလျက်၊ မတ်တတ်ရပ်လျက် ဝတ်ပြုလျက် အမိန့်နာခံသည်။ အာခိရတ် တမလွန်ဘဝကိုလည်း စိုးရိမ်သည်။ သူ့အား ဖန်ဆင်းမွေးမြူတော်မူသောအရှင်မြတ်ဟ ရဟ်မသ် ကရုဏာကိုလည်း မျှော်လင့်သည်။ (ထိုသူသည် အထက်က မုရှ်ရိက်နှင့်တူသလော)။ (အို- တမန်တော်)အသင်ပြောလိုက်ပါ- သိသောသူနှင့် မသိသောသူသည် တူကြသလော။ (အမှန်စင်စစ်) ဉာဏ်ရှင်များပင် တရားရယူကြသည်။
-- ဆရာ ဟာရှင်မ်(ခ)တင်မြင့်

💛 နိကာဟ်ရဲ့ အနှစ်သာရဟာ အေးချမ်းမှု၊ နိကာဟ်ရဲ့ အသီးအပွင့်တွေဟာ ကလေးငယ်လေးတွေပါ။

🍀 အပင်တစ်ခု ရှင်သန်ပေါက်ရောက်နိုင်ဖို့ ရေနဲ့ အစာပေးဖို့ လိုအပ်တယ်။ အပင်ငယ်တစ်ခုအတွက် ရေပူလောင်းလို့ မရဘူး။ နေရောင်ခြည်အောက်မထားဘဲ အရိပ်ထဲမှာပဲဆို သူ့အတွက် မရှင်သန်နိုင်ဘူး။ ရေများများလောင်းပြန်ရင်လည်း မရ၊ အပင်ငယ်လေးလိုအပ်တဲ့ မြေဩဇာကိုလည်း အလျဥ်းသင့်သလို ထည့်ပေးရသေးတယ်။ အပင်တိုင်း ဒီအချိုးအစားနဲ့ သုံးလို့ရလားဆိုတော့ မရပြန်ဘူး။ အပင်စိုက်ပျိုးခြင်းနဲ့ ပတ်သက်တဲ့ ပညာရပ်တွေ သိသူနဲ့ မသိသူ တူနိုင်ပါ့မလား။ စိုက်တော့ စိုက်ထားလိုက်တာပဲ အချိန်တန် အသီးပေးမှာပဲဆိုတဲ့ ယုံကြည်မှုပဲ ထားပြီး အပင်လေးကို ရေမလောင်းဘဲ ထားလိုက်ရင် ဒီအပင်လေး ရှင်သန်ပါဦးမလား။

🧐 နှစ်ကိုယ်တူ ကြည်နူးသာယာပြီးတဲ့အခါ အလ္လာဟ်အရှင်မြတ်က သားသမီးရတနာကို ချီးမြှင့်ပေးလိုက်တယ်။ ဒီကလေးငယ်တွေကို ဘယ်လို ပြုစုပျိုးထောင်ရမလဲ။ ဒီကလေးငယ်တွေရဲ့ သဘောသဘာဝကို မလေ့လာမိ၊ ကလေးဟာ အချိန်တန် လူကြီးဖြစ်လာမှာပဲ။ သူ့ဖာသာသူ သိတတ်သွားလိမ့်မယ်။ သူ့ဖာသာသူ လိမ္မာသွားလိမ့်မယ်ဆိုပြီး ယုံကြည်မှုတွေ လွန်ကဲနေမိလား။

👩‍🏫 ကလေးပြုစုပျိုးထောင်ပေးဖို့ဆိုတာ မိဘတိုင်းအတွက် အလ္လာဟ်အရှင်မြတ်က ပေးထားတဲ့ တာဝန်တစ်ရပ်၊ ကလေးငယ်ဆိုတာ အလ္လာဟ်အရှင်မြတ်က အပ်နှံထားတဲ့ အမာနဟ်။ ကလေးငယ်ကို ကျောင်းသွားအပ်တဲ့အခါ ကျောင်းရဲ့ ပတ်ဝန်းကျင်၊ သင်ကြားပေးမယ့် ဆရာ၊ ဆရာမတွေရဲ့ စေတနာရှိမှု၊ ဘာသာရပ်တွေပေါ်မှာ ကျွမ်းကျင်ပိုင်နိုင်မှု ရှိမရှိ လေ့လာတယ်။ လုံခြုံတယ်လို့ ယူဆရရင် အဲ့ကျောင်းမှာ အပ်နှံလိုက်ကြတယ်။

❤️‍🩹 နှစ်ကိုယ်တူ ဘဝလေးထဲကို အလ္လာဟ်အရှင်မြတ်က ယုံယုံကြည်ကြည် အပ်နှံပေးလိုက်တဲ့ ဒီအမာနဟ်လေးအတွက် ကိုယ်ဟာ စိတ်ချလုံခြုံရရဲ့လား။ ဒီကလေးငယ်တွေရဲ့ သဘောသဘာဝကို မသိဘဲ ပျိုးထောင်မိနေတာလား။ အေးမြတဲ့ မေတ္တာထက် ပူလောင်စူးရှတဲ့ အတ္တတွေ ပေးနေမိတာလား။

📣📣📣 ဒီလိုတွေ မိမိကိုယ်ကိုမိမိ ဆန်းစစ်နိုင်အောင်၊ ကလေးငယ်တို့ကို နည်းမှန်လမ်းမှန် ပျိုးထောင်ရင်း သာယာအေးချမ်းတဲ့ မိသားစုဘဝလေးတွေ ရရှိပိုင်ဆိုင်ကြပါစေဆိုတဲ့ နိယာသ်တွေနဲ့ “Islamic Child Psychology and Parenting: Master class” အတန်းလေးကို “Islamic Institute of Burma” နဲ့ “ The Nikkah Project” တို့ ပူးပေါင်းပြီး ဖွင့်လှစ်လိုက်ပါပြီ။

✍✍✍ စိတ်ဝင်စားလို့ ပိုမိုလေ့လာချင်တယ်ဆိုရင်တော့ အောက်က လင့်ခ်ကနေ တစ်ဆင့် ဝင်ရောက်စာရင်းသွင်း အပ်နှံနိုင်ပါပြီရှင်

🔗စာရင်းပေးသွင်းရန်။။ https://shorturl.at/uIAmd

အစ္စလာမ်သာသနာသည် ငြိမ်းချမ်းသော သာသနာ၊ စံထားလောက်စရာ တမန်တော်မုဟမ္မဒ်(ဆွ)သည် ကရုဏာတော်ရှင်၊ဒီလို နူးညံ့သိမ်မွေ့မှုများစွ...
18/06/2025

အစ္စလာမ်သာသနာသည် ငြိမ်းချမ်းသော သာသနာ၊

စံထားလောက်စရာ တမန်တော်မုဟမ္မဒ်(ဆွ)သည် ကရုဏာတော်ရှင်၊

ဒီလို နူးညံ့သိမ်မွေ့မှုများစွာကို သင်ကြားပြသထားတဲ့ သာသနာမှာ နုနယ်လှတဲ့ ကလေးငယ်တို့အတွက် ပြုစုပျိုးထောင်ခြင်းမှာ ခက်ခဲကြမ်းတမ်းမလား။ နူးညံ့သိမ်မွေ့မှုရှိမလား။

အသားနာမှ စာတတ်တာလား၊ အကြောက်တရားရှိမှ ကလေးက လိုက်နာတတ်တာလား။

ဒီလိုနည်းလမ်းတွေဟာ လူသားလေးတွေကို ပြုစုပျိုးထောင်တာလား။

ဒါမှမဟုတ် ………….

အစရှိတဲ့ အကြောင်းအရာတွေကို ပိုပြီး သိချင်တယ်၊ လေ့လာချင်တယ်ဆိုရင်တော့

📣 ကျွန်မတို့ ‘The Nikkāh Project’ ကနေ Islamic Institute of Burma နှင့်အတူ ပူးပေါင်းပြီး စတင်ဖွင့်လှစ်လိုက်တဲ့ ‘Islamic Child Psychology and Parenting’ Course လေးမှာ TNP ရဲ့ Main Content Contributor ဖြစ်တဲ့ Ustadah “Teacher Nandi” နှင့်အတူ သင်ယူလေ့လာနိုင်မှာဖြစ်လို့ အောက်က Link လေးမှာ ယခုပဲ စာရင်းပေးသွင်းလိုက်ကြရအောင်နော်။

🔗 https://docs.google.com/forms/d/e/1FAIpQLScTar3wQhmMRFR89hEtVIKykvkknTdej0Fscu-_aWQpIn-6yA/viewform?fbclid=IwY2xjawK_njNleHRuA2FlbQIxMABicmlkETFJc3NZRG8ySVpXeTM3cHdVAR745J_TTwQ6fI5lrru10Ua-N1lSjoPHLF8n4DyUd_UawpHBXTH9HWkd8GPpkA_aem_gbE4QRB2Hqilu9LKz6sqyg

🤰Islamic Child Psychology and Parenting | ကလေးစိတ်ပညာနှင့် ပြုစုပျိုးထောင်နည်း👧ယခု Islamic Child Psychology and Parenti...
18/06/2025

🤰Islamic Child Psychology and Parenting | ကလေးစိတ်ပညာနှင့် ပြုစုပျိုးထောင်နည်း

👧ယခု Islamic Child Psychology and Parenting Course ကိုဘယ်သူတွေတက်သင့်တာလဲ?

ဘာတွေသင်ယူလို့ရနိုင်မှာလဲ?

☪️July ၁၀ ရက်နေ့မှာ စတင်ဖွင့်လှစ်မဲ့ အစ္စလာမ့်ကလေး စိတ်ပညာနှင့် မိဘအုပ်ထိန်းမှု သင်တန်းလေးကတော့

ကလေးတွေကိုပြုစုစောင့်ရှောက်ပေးနေတဲ့ မိဘတွေ၊ ဘိုးဘိုးဘွားဘွားတွေ၊ ဦးဦးဒေါ်ဒေါ်တွေအပါအဝင် ဆရာ၊ဆရာမတို့ပါတက်ရောက်သင့်တဲ့ သင်တန်းတစ်ခုပဲဖြစ်ပါတယ်🤍

ဒီသင်တန်းတက်ဖို့အတွက် အခြေခံသင်တန်းတစ်ခုခုအကြိုတက်ထားဖို့လည်း မလိုအပ်ပါဘူးနော်

💁🏻‍♀️Ustada သင်တာကိုနားထောင်ရုံသတ်သတ်မဟုတ်ဘဲ ဆွေးနွေးရင်း အိမ်စာလေးတွေလုပ်ရင်း တက်တက်ကြွကြွစိတ်ဝင်စားဖွယ်သင်ကြားသွားမဲ့သင်တန်းလေးပဲဖြစ်ပါတယ်ရှင့်

📚ဒီသင်တန်းမှာကလေးငယ်တို့ရဲ့ စိတ်ပိုင်းဆိုင်ရာ အသိပညာပိုင်းဆိုင်ရာဖွံ့ဖြိုးတိုးတက်မှုအဆင့်ဆင့်နှင့် မိဘအုပ်ထိန်းမှုပုံစံတို့ကို အနောက်တိုင်းပညာရပ်ရှုထောင့်ဖြင့်သာမက အစ္စလာမ့်သွန်သင်ဆုံးမမှုများ အမြင်များနှင့် ဘက်စုံဆွေးနွေးတင်ပြပေးသွားမှာဖြစ်လို့

ယနေ့ခေတ် ကလေးငယ်များကို ထိန်းသိမ်းစောင့်ရှောက်သူများတွေ့ကြုံနေရတဲ့ အခက်အခဲများကို ဖြေရှင်းနိုင်မဲ့ နည်းလမ်းများစွာကို သိမြင်တတ်မြောက်လာမှာပဲဖြစ်ပါတယ်🧒

🧠ယခုလိုခေတ်အခါမှာ သိပ္ပံနည်းကျ အချက်အလက်များကို သိနားလည်ဖို့ အရေးကြီးလာသလို သာသနာဓလေ့ထုံးတမ်းများနဲ့ မကင်းကွာဘဲနေ့စဉ်ဘဝမှာ သုံးတတ်ဖို့ အရေးကြီးတာမို့ ဘက်စုံလွှမ်းခြုံနိုင်အောင် ပြင်ဆင်ထားတဲ့

ဒီသင်တန်းလေးကတော့ မဖြစ်မနေတက်ရောက်သင့်တဲ့ သင်တန်းလေးပဲ ဖြစ်ပါတော့တယ်👩‍👧

📌စိတ်ဝင်စားတယ်၊ ပိုသိချင်တယ်ဆိုရင်တော့ ယနေ့ ဇွန်လ ၁၈ ရက်နေ့မှာ စဖွင့်မဲ့ အတန်းအပ်လက်ခံခြင်း Form လေးမှာ ဝင်ရောက်စာရင်းပေးသွင်းလို့ရသလို

💬သင်တန်းနဲ့ပတ်သက်ပြီး သိချင်တဲ့မေးခွန်းလေးတွေကိုလည်း comment box မှာမေးလို့ရကြောင်း သတင်းကောင်းပါးအပ်ရင်း သင်တန်းမှာ ပြန်လည်ဆုံဆည်းကြပါစို့ရှင် 😇

Application form:

https://docs.google.com/forms/d/e/1FAIpQLScTar3wQhmMRFR89hEtVIKykvkknTdej0Fscu-_aWQpIn-6yA/viewform?usp=sharing&ouid=113946602831134861571

❗️Form ဖြည့်ပြီးပါက IIB ရဲ့ FB Messenger မှာ ဖောင်ပြည့်ပြီးကြောင်းလေးကို “applied” ဆိုပြီ message လေးပို့ထားပေးခဲ့ပါဦးနော် 📥

သင်တန်းအသေးစိတ်အကြောင်းအရာများ -

📅သင်တန်းစတင်ရက် - July 10 | Thursday and Friday

⏰ သင်တန်းအချိန် - ည ၉ နာရီ မှ ၁၀ နာရီအထိ။

📍သင်တန်းနေရာ - Zoom Meeting

🧾သင်တန်ကြေး - ၇၀,၀၀၀ ကျပ်
သင်တန်းကြေးအား ၂ ကြိမ် အရစ်ကျ ခွဲသွင်းနိုင်ပါသည်။

“ဖတ်မှတ် လေ့လာ ကျင့်သုံးပါ၊ အစ္စလာမ့်အသိပညာ” ~ ISLAMIC INSTITUTE OF BURMA 🌙

‎السلام عليكم و رحمة الله و بركاته📢 “The Nikkāh Project” Page မှ content များကို အစဉ်တစိုက် အားပေးနေကြသော စာဖတ်ပရိသတ်မျာ...
16/06/2025

‎السلام عليكم و رحمة الله و بركاته

📢 “The Nikkāh Project” Page မှ content များကို အစဉ်တစိုက် အားပေးနေကြသော စာဖတ်ပရိသတ်များရှင်...

အစ္စလာမ့်နည်းကျထိမ်းမြားလက်ထပ်ခြင်းနှင့် ပတ်သက်ပြီး သိသင့်သိထိုက်သည့် ဗဟုသုတများကို မျှဝေလာခဲ့တာ ယခုဆိုရင် အချိန်ကာလအားဖြင့် တစ်နှစ်ကျော်ကြာမြင့်ခဲ့ပြီးဖြစ်ပါတယ်။ ⏳

ယခုအခါမှာတော့ ကျွန်မတို့ရဲ့ TNP (The Nikkah Project) Team ၏ အဓိက Content Contributor ဖြစ်သူ Ustadah NuuR @ T. Nandi မှ ဦးစီးသင်ကြားပေးသွားမည့် “Islamic Child Psychology and Parenting” (အစ္စလာမ့်ကလေးစိတ်ပညာနှင့် မိဘအုပ်ထိန်းမှု) ဆိုတဲ့ ၂ လတာ သင်တန်းတစ်ခုကို Islamic Institute of Burma (IIB) နှင့်အတူ ပူးပေါင်းပြီး စတင်ဖွင့်လှစ်တော့မှာဖြစ်ကြောင်း ဝမ်းမြောက်စွာဖြင့် အသိပေးအပ်ချင်ပါတယ်ရှင်။ 👏

📆 သင်တန်းအချိန်ကာလကတော့ အပတ်စဉ် ကြာသပတေးနှင့် သောကြာ ည ၉ နာရီမှ ၁၀ နာရီ၊ တစ်နေ့လျင် တစ်နာရီ၊ တစ်ပတ်လျင် ၂ ချိန်ဖြင့် စုစုပေါင်း ၂ လတာ ကြာမြင့်မှာဖြစ်ပါတယ်။

💻မြန်မာနိုင်ငံအနှံ့အပြားမှသာမက ကမ္ဘာတစ်ဝန်းလုံးရှိ မြန်မာမွတ်စ်လင်မ်တို့ တက်ရောက်နိုင်ဖို့အတွက် အွန်လိုင်းမှ Zoom platform ကို အသုံးပြုပြီး သင်ကြားပို့ချပေးသွားမှာဖြစ်ပါတယ်။

💵သင်တန်းစဖွင့်မည့်ရက်ကတော့ ဂျူလှိုင်လ ၁၀ ရက်နေ့ဖြစ်ပြီးတော့ သင်တန်းကြေးကတော့ စုစုပေါင်း ၇၀,၀၀၀ ကျပ် (ခုနှစ်သောင်းကျပ်) တိတိဖြစ်ပါတယ်ရှင်။

😇သင်တန်းကြေးကိုလည်းတစ်လချင်းစီ လအစမှာ ခွဲသွင်းလို့ရမှာဖြစ်လို့ စိတ်ဝင်စားတယ်ဆိုရင်တော့ လာမဲ့ ဇွန်လ ၁၈ရက်နေ့မှာ ဖွင့်မဲ့ သင်တန်းဝင်ခွင့် Form မှာ စာရင်းပေးသွင်းနိုင်ပြီဖြစ်ကြောင်း သတင်းကောင်းပါးချင်ပါတယ်ရှင်။

👩‍🏫သင်တန်းကို အဓိက သင်ကြားပေးမဲ့ Ustada ဆရာမ T.Nandi ရဲ့ စိတ်ဝင်စားဖွယ်နောက်ခံကိုလည်း နောက်လာမဲ့ Post တွေမှာ ဖော်ပြပေးသွားမှာဖြစ်လို့ စောင့်ကြည့်အားပေးကြပါဦးနော်။

💛 ငယ်ရွယ်နုပျိုတဲ့ သက်တမ်းဟာ နှစ်ခါပြန်မရနိုင် 💛အစ္စလာမ်သာသနာအမြင်ဖြင့် လိင်မှုပညာပေးခြင်း| အပိုင်း (၁၀)----------------...
16/06/2025

💛 ငယ်ရွယ်နုပျိုတဲ့ သက်တမ်းဟာ နှစ်ခါပြန်မရနိုင် 💛
အစ္စလာမ်သာသနာအမြင်ဖြင့် လိင်မှုပညာပေးခြင်း| အပိုင်း (၁၀)
-------------------------------------------------------
ကျွန်တော့်ခေါင်းထဲ ဇေနာဟ်ရဲ့ အန္တရယ်သိပြီးတဲ့နောက် ဒီလိုတွေကနေ ရှောင်ရှားဖို့ နိကာဟ်စောစောလုပ်ရမှာလားဆိုပြီး အတွေးဝင်လာပြီး မေးမိတော့ ဆရာက ပြုံးတယ်။

“ဘယ်ဟုတ်ဦးမလဲ ငါ့ကောင်တို့ရ၊ နိကာဟ်လုပ်ဖို့ မတတ်စွမ်းနိုင်သေးရင် ဆောင်မ် ဥပုသ်စောင့်ထိန်းကြရမယ်။ ဆွလာဟ်ကို တိကျမှန်ကန်အောင် ဆောက်တည်ကြရမယ်။ ဒီလိုမျိုးနည်းစနစ်ကျကျ အစ္စလာမ့်အဆုံးအမတွေနဲ့ Sexual desire တွေကို ထိန်းကြရမယ်”

أَخْبَرَنَا مُحَمَّدُ بْنُ مَنْصُورٍ، قَالَ حَدَّثَنَا سُفْيَانُ، عَنِ الأَعْمَشِ، عَنْ عُمَارَةَ بْنِ عُمَيْرٍ، عَنْ عَبْدِ الرَّحْمَنِ بْنِ يَزِيدَ، عَنْ عَبْدِ اللَّهِ، قَالَ قَالَ لَنَا رَسُولُ اللَّهِ صلى الله عليه وسلم ‏ "‏ يَا مَعْشَرَ الشَّبَابِ مَنِ اسْتَطَاعَ مِنْكُمُ الْبَاءَةَ فَلْيَنْكِحْ فَإِنَّهُ أَغَضُّ لِلْبَصَرِ وَأَحْصَنُ لِلْفَرْجِ وَمَنْ لاَ فَلْيَصُمْ فَإِنَّ الصَّوْمَ لَهُ وِجَاءٌ ‏"‏ ‏.‏

Narrated 'Abdullah: It was narrated that 'Abdullah said: "The Messenger of Allah said to us: 'O young men, whoever among you can afford it, let him get married, for it is more effective in lowering the gaze and guarding chastity, and whoever cannot then he should fast, for it will be a restraint (wija') for him.'"

Sunan an-Nasa'i 3209
https://sunnah.com/nasai:3209

ٱتْلُ مَآ أُوحِىَ إِلَيْكَ مِنَ ٱلْكِتَٰبِ وَأَقِمِ ٱلصَّلَوٰةَ ۖ إِنَّ ٱلصَّلَوٰةَ تَنْهَىٰ عَنِ ٱلْفَحْشَآءِ وَٱلْمُنكَرِ ۗ وَلَذِكْرُ ٱللَّهِ أَكْبَرُ ۗ وَٱللَّهُ يَعْلَمُ مَا تَصْنَعُونَ

ကုရ်အာန် (၂၉:၄၅)
29|45|အသင်(တမန်တော်)သည် အသင်၏ထံသို့ ပို့ချခြင်းခံရသော ကျမ်းတော်မြတ်(ကုရ်အာန်)ကိုရွတ်ဖတ်ပါ။* ထို့ပြင် အသင်သည် စွလာသ်ဝတ်ပြုမှုကို ဆောက်တည်ပါ။ အမှန်စင်စစ် စွလာသ်ဝတ်ပြုမှုသည် အလွန်စက်ဆုပ်ဖွယ်ရာ အမှုကိစ္စများနှင့် မဖွယ်မရာ ညစ်ညမ်းသောကိစ္စများမှ ကာကွယ်မှုပြုပေးသည်။* ထို့ပြင် အမှန်စင်စစ် အလ္လာဟ်အရှင်မြတ်အား သတိရတသခြင်းသည် အကြီးကျယ်ဆုံး(အမြင့်မြတ်ဆုံး)ဖြစ်သည်။* ထို့ပြင် အလ္လာဟ်အရှင်မြတ်သည် အသင်တို့ ပြုလုပ်သမျှအား သိရှိတော်မူသည်။
-- ဆရာ ဟာရှင်မ်(ခ)တင်မြင့်

“ဆရာ ကျွန်တော်တစ်ခုလောက်မေးချင်လို့၊ ဆရာရော ဘယ်တော့လောက် နိကာဟ်လုပ်မယ်လို့ တွေးထားလဲ”

ဆရာ ကျွန်တော်မေးခွန်းကြားပြီး ပြုံးပြီး ပြန်ဖြေတယ်။

“သိပ်မကြာခင်ပေါ့ကွာ”

“ဟာ ဆရာ ဘယ်တော့တုန်း”

“The Nikah Training အတန်း တက်ပြီးရင်ပေါ့ကွာ”

“အဲ့အတန်းက ကျွန်တော်တို့ရော တက်လို့ရလား”

“ရတာပေါ့၊ အရွယ်ရောက်ပြီး မည်သူမဆို တက်ထားသင့်တဲ့ သင်တန်းတစ်ခုပေါ့”

“ဒီအတန်းတက်ပြီးမှ နိကာဟ်လုပ်ချင်လာရင်ရော ဆရာ” ပြီတီတီရုပ်နဲ့ ကျော်ကြီးတစ်ယောက် ဆရာ့ကို အရွှန်းဖောက်မေးလိုက်တယ်။

“မင်းတို့ အဲလို နိယာသ်ရှိလာလည်း ဒီသင်တန်းကနေ အမျိုးသားရဲ့ တာဝန်ဝတ္တရားတွေကို သိခွင့်ရလာမှာ ဖြစ်တဲ့အတွက် မင်းတို့ နိကာဟ်ကို မျက်ကန်းအချစ်တစ်ခုထဲနဲ့ လုပ်ဖြစ်ကြမှာ မဟုတ်ဘူးလို့ ငါယုံကြည်တယ်”

“ဆရာ့ကို ကျေးဇူးအများကြီး တင်ပါတယ်ဗျာ၊ ကျွန်တော်တို့ စိတ်ထဲ တော်တော်လေး ရှင်းလင်းသွားတယ်”

“မင်းတို့ ဒီလိုသိချင်စိတ်တွေ မေးလာလို့သာ ငါက ဖြေခွင့်ရတာပေါ့ကွာ၊ မင်းတို့ ဆောင်ရန် ရှောင်ရန် သိသွားကြပြီဆိုတော့ ဘာလုပ်ကြမှာလဲ”

“ကျွန်တော်ကတော့ ပညာရေးကိုပဲ အာရုံစိုက်မယ်၊ ဆရာ့အရွယ်လောက်ရောက်မှပဲ နိကာဟ်လုပ်ဖို့ စိတ်ကူးတော့မယ်”

“ကျွန်တော်လည်း မောင်မောင်လိုပါပဲ ဆရာ”

“ဟုတ်ပါပြီကွာ။ မင်းတို့ကို အကောင်းဆုံး ဒုအာတစ်ပုဒ် သင်ပေးမယ်၊ တမန်တော်မူဆာ(အ)တောင်းခဲ့တဲ့ ဒုအာ၊ ”

رَبِّ إِنِّى لِمَآ أَنزَلْتَ إِلَىَّ مِنْ خَيْرٍ فَقِيرٌ

ကုရ်အာန် (၂၈:၂၄)
အို- ကျွန်ုပ်အား ဖန်ဆင်းမွေးမြူတော်မူသောအရှင်မြတ်၊ အမှန်စင်စစ် ကျွန်ုပ်သည် အရှင်မြတ် ကျွန်ုပ်အား ချပေးသနားတော်မူမည့် မည်သည့်ကောင်းမြတ်သည့်အရာကိုမဆို လိုလားတောင့်တသူ ဖြစ်ပါသည်။“
-- ဆရာ ဟာရှင်မ်(ခ)တင်မြင့်

ကျွန်တော်တို့ နှစ်ယောက်လုံး ဆရာတိုင်ပေးတဲ့ ဒုအာကို သံပြိုင်လိုက်ဆိုမိတယ်။

ဒုအာလောက် ကောင်းတဲ့ လက်နက် ရှိပါဦးမလားနော်။ ကျွန်တော်တို့ရဲ့ တန်ဖိုးရှိလှတဲ့ ငယ်ရွယ်နုပျိုတဲ့ ဘဝသက်တမ်းကို မှားယွင်းတဲ့ လမ်းကြောင်းပေါ် လျှောက်ရင်း မကုန်ဆုံးဖို့ ဆရာက လမ်းညွှန်ပေးလိုက်ပြီ။ ကျွန်တော်တို့ ကျင့်သုံးနိုင်ဖို့ နေ့စဥ◌် နဖ်စ်နဲ့ တိုက်ပွဲ ဝင်ရဦးမယ်၊ ကျွန်တော်ကတော့ အမြဲနိုင်မှာပဲလို့ ယုံကြည်မိတယ်။ အဆိုးအပြစ် မသိခင်ကဆိုရင် နဖ်စ်စိတ်ရိုင်းရဲ့ အလိုကို လိုက်မိမှာပဲ။ ခုက သိသွားပြီဆိုတော့ ဆောင်သင့်တာ ဆောင်ပြီး ရှောင်သင့်တာတွေ ရှောင်မယ်ဆိုရင် အလ္လာဟ်အရှင်မြတ်နဲ့ နီးစပ်မှုရရှိပြီး နှစ်ဘဝနှစ်ဌာနစလုံး အောင်မြင်မှုကို ရကြမှာ မလွဲဧကန်ပါပဲ။

ကျွန်တော်ကတော့ လက်တွေ့အကောင်အထည်ဖို့ အဆင်သင့်ပဲ။ ခုဖတ်နေတဲ့ သူတွေကရော ဘယ်တော့မှ ပြင်မှာလဲ။

✍ NuuR

ဇေနာဟ်ရဲ့ အန္တရာယ်အစ္စလာမ်သာသနာအမြင်ဖြင့် လိင်မှုပညာပေးခြင်း| အပိုင်း (၉)-----------------------------------------------...
13/06/2025

ဇေနာဟ်ရဲ့ အန္တရာယ်
အစ္စလာမ်သာသနာအမြင်ဖြင့် လိင်မှုပညာပေးခြင်း| အပိုင်း (၉)
-------------------------------------------------------

🔶 ဟရာမ်ပက်သက်ဆက်နွယ်မှုမှာတင် ဆိုးကျိုးရှိတာ မဟုတ်ဘဲ တစ်ယောက်တည်း ဘယ်သူမှ မသိပါဘူးလေဆိုပြီး ကျူးလွန်မိတာတွေကလည်း အပြစ်လည်းထိုက်သလို ဆိုးကျိုးတွေများသား၊ အလ္လာဟ်အရှင်မြတ် တားမြစ်ပြီဆိုရင် ဒါဟာ ငါတို့အတွက် အကျိုးမရှိတာပဲဆိုတာ သံသယမရှိကို ယုံကြည်ကြရမှာပဲ။ 🔶
-------------------------------------------------------
စာမေးပွဲတွေလည်းပြီး ကျောင်းတွေလည်း ပိတ်တော့ ကျွန်တော်တို့ သူငယ်ချင်းတွေ မက်သဗ်ကျောင်းလေးကို လုပ်အားပေးသွားကြတယ်။ ကျွန်တော်တို့ ကျောင်းလေးက သင်္ကြန်ပိတ်ရက်တိုင်း ကလေးတွေကို မနက်ကနေ ညနေထိ မနက်စာ နေ့လည်စာ သရေစာတွေကို တာဝန်ယူပြီး ကျွေးမွေးသလို စာသင်ပေးတယ်။ ကျွန်တော်တို့က ထမင်းကျွေးတဲ့အချိန် ဝိုင်းပြီး ကူပေးကြတယ်။ ဒီနေ့ သင်္ကြန်အကြိုနေ့။

ဒီမနက် ကျောင်းမှာ မုန့်ဟင်းခါး၊ နေ့လည်စာက ပဲထမင်းနဲ့ ကြက်သားဟင်း၊ ညနေသရေစာက ရေခဲမုန့်တဲ့ဗျာ။ ရှယ်ပဲ ခေသ်မဟ်လုပ်ရင်း ကျွန်တော်တို့လည်း ဗိုက်အပြည့်ပဲ စားလိုက်ကြတာ။

ညနေအစရ်ပြီးရင်တော့ ကလေးတွေ ပြန်ကြပြီ။

ကလေးတွေ ညနေပြန်သွားပြီးတာနဲ့ ကျွန်တော်နဲ့ ကျော်ကြီးက ဆရာ့နားကပ်ကာ သိချင်တာတွေ တစ်သီကြီး မေးပါတော့တယ်။

“ဆရာ”

“ဟေ”

“ကျွန်တော်တို့ ဆရာ့ကို မေးစရာရှိလို့ပါ”

“အေး မေးကွာ”

“ ဆရာ အလ္လာဟ်က ဇေနာဟ်ရဲ့ အနား ဘာလို့ မကပ်ခိုင်းတာလဲ ဆရာ”

> အေး ဒီအာယဟ်လေးကို နားထောင်ကြည့်”
قُل لِّلْمُؤْمِنِينَ يَغُضُّوا۟ مِنْ أَبْصَٰرِهِمْ وَيَحْفَظُوا۟ فُرُوجَهُمْ ۚ ذَٰلِكَ أَزْكَىٰ لَهُمْ ۗ إِنَّ ٱللَّهَ خَبِيرٌۢ بِمَا يَصْنَعُونَ
>

ကုရ်အာန် (၂၄:၃၀)
24|30|(အို- တမန်တော်)အသင်သည် အီမာန်ယုံကြည်သူများကို သူတို့၏မျက်စိများကို နှိမ့်ချထားရန်နှင့် သူတို့၏အရှက်အင်္ဂါများကို ထိန်းသိမ်းကြရန် ပြောကြားပါ။ ဤသည် သူတို့အတွက် အစင်ကြယ်ဆုံးပင်ဖြစ်သည်။ အမှန်စင်စစ် အလ္လာဟ်အရှင်မြတ်သည် သူတို့ပြုလုပ်သမျှကို အကြွင်းမဲ့သိတော်မူသောအရှင်မြတ်ပင် ဖြစ်တော်မူသည်။
-- ဆရာ ဟာရှင်မ်(ခ)တင်မြင့်

“ဒီအာယဟ်လေးဟာ မင်းတို့အတွက် အဖြေပဲ”

“ဟုတ်ဆရာ”

“သူစိမ်း အမျိုးသားနဲ့ အမျိုးသမီး နှစ်ဦးကြား နိကာဟ်ဆိုတဲ့ ချည်နှောင်မှုလေးဟာ တမန်တော်မြတ် (ဆွ)ရဲ့ စွန္နသ်တော် ဖြစ်တယ်။ ဟလာလ်ဖြစ်သွားတဲ့ ပက်သက်မှုမှာ မုန့်လေးခွံ့ကျွေးတာ၊ တစ်ယောက်နဲ့ တစ်ယောက် ကြည်နူးမှုနဲ့ ကြည့်တာတွေကအစ စဝါးဗ်ရတယ်”

“ဟ မိုက်တယ်၊ ဆရာ” ကျော်ကြီး သဘောတွေ ကျနေတာ။

“ဒါပေမယ့် ဟရာမ်ပက်သက်မှုတိုင်းကတော့ ဂုနာဟ်တွေပေါ့ကွာ။ ဂုနာဟ်ရဲ့ နောက်ဆက်တွဲဆိုးကျိုးတွေ အများကြီးထဲကမှ အကြီးမားဆုံး ဆုံးရှုံးမှုကြီးက အလ္လာဟ်နဲ့ တဖြည်းဖြည်း ဝေးကွာသွားတော့တာပဲ”

“ဟုတ်ဆရာ” ကျွန်တော်ရော ကျော်ကြီးရော နှစ်ယောက်လုံး ပြိုင်တူ ပြောမိလိုက်ကြတယ်။

“အရွယ်ရောက်လာတဲ့သူတိုင်း Sexual desireတွေ ပေါ်လာတတ်ကြတယ်။ ဒီလို ပေါ်လာတဲ့အခါ ပြေပျောက်အောင် ဆိုပြီး တစ်ချို့က ခန္ဓာကိုယ်ရင်းနှီးပြီး လုပ်ကိုင်စားသောက်နေကြတဲ့ အမျိုးသမီးတွေဆီ သွားပြီး ဖြေဖျောက်ကြတယ်။ ဒါဟာ မွတ်စ်လင်မ်တစ်ယောက်အနေနဲ့ပဲ ဖြစ်ဖြစ်၊ လူသားတစ်ယောက်အနေနဲ့ပဲ ဖြစ်ဖြစ် မပြုလုပ်သင့်ဘူး။ ကျန်းမာရေး၊ ပညာရေး ၊ စီးပွားရေး အဖက်ဖက်ကနေ အားလုံး ဆုံးရှုံးသွားနိုင်ရုံသာမက နောင်အာခိရဟ်မှာလည်း ပြင်းပြနာကျင်ဖွယ်ရာကောင်းတဲ့ အဇားဗ်တွေကို ခံကြရမှာ”

“ကျွန်တော်တို့ ဆရာစောနက ပြောပြတဲ့ ဖြေသိမ့်နည်းတော့ မလုပ်ပါဘူးဆရာရယ်” ကျော်ကြီးက မလုံမလဲနဲ့ အတင်းကာပြီး ပြောနေတယ်။

“ဟေ့ကောင်ရ၊ ခုမလုပ်ဖြစ်ဘဲ နောက်ရေလျှံလာတဲ့အခါမှ ရောက်သွားမှာ စိုးလို့ ငါက ကြိုပြောပြထားတာ”

ဆရာအဲလို ဖြေတော့မှ ကျော်ကြီးတစ်ယောက် ရှက်ကိုးရှက်ကန်းတွေ ဖြစ်၊ ရုပ်က စပ်ဖြဲဖြဲနဲ့။

“ဒါပေမယ့် မင်းတို့ လုပ်ဖြစ်လောက်မဲ့ နှစ်ခုကို ပြောပြမယ်။ လုပ်ဖြစ်နေတယ်ဆိုရင် ငါ့ကို ဝန်ခံစရာမလိုဘူး။ အလ္လာဟ်အရှင့်ထံတော်မှာ ဝန်ချတောင်းခံပြီး နောင်မလုပ်ဖို့ ဆုံးဖြတ်ကြရမယ်။ မလုပ်ဖြစ်ဘူးဆိုရင်တော့ မာရှာအလ္လာဟ်ပေါ့ကွာ။ ဒီလိုမျိုး ကိုယ့်ရဲ့ အကြည့်၊ ကိုယ့်ရဲ့ အပြုအမူတွေကို ထိန်းသိမ်းဖို့ အလ္လာဟ့်ဆီမှာ ခိုလှုံကြတာပေါ့။”

“ဆရာ ကျွန်တော်တို့အရွယ် လုပ်ဖြစ်လောက်တဲ့ ဖြေသိမ့်နည်းတွေက ဘာလဲ”

“P**n video တွေ ကြည့်တာ၊ တစ်ကိုယ်ရည် အာသာဖြေတာ၊ ဒီလိုမျိူး ဖြေသိမ့်တဲ့နည်းလမ်းတွေ လုပ်တတ်ကြတယ်။ အစ္စလာမ်ကတော့ ဒီလိုဖြေသိမ့်မှုတွေ အားလုံးကို တားမြစ်ထားတယ်။ ဟရာမ်အဖြစ် သတ်မှတ်ထားတဲ့အတွက် အစ္စလာမ်ဘာသာဝင်တွေအနေနဲ့ ရှောင်ကြဥ◌်သင့်တယ်။ တကယ်တော့ အဲလိုပြုလုပ်ခြင်းဟာ လူကို စွဲလန်းစေတတ်တယ်။ မူးယစ်ဆေးလိုပဲ၊ လူကို အန္တရယ်ပေးတယ်။ “

ကျွန်တော်အံ့ဩတုန်လှုပ်မိသွားသလို အလ္လာဟ်အရှင်မြတ်ရဲ့ ကရုဏာတော်နဲ့ ဗန္ဓာဟ်တွေပေါ် ချစ်တတ်မှုကြီးကို ခံစားမိလိုက်တယ်။ ***ဟရာမ်ပက်သက်ဆက်နွယ်မှုမှာတင် ဆိုးကျိုးရှိတာ မဟုတ်ဘဲ တစ်ယောက်တည်း ဘယ်သူမှ မသိပါဘူးလေဆိုပြီး ကျူးလွန်မိတာတွေကလည်း အပြစ်လည်းထိုက်သလို ဆိုးကျိုးတွေများသား၊ အလ္လာဟ်အရှင်မြတ် တားမြစ်ပြီဆိုရင် ဒါဟာ ငါတို့အတွက် အကျိုးမရှိတာပဲဆိုတာ သံသယမရှိကို ယုံကြည်ကြရမှာပဲ။*** ချစ်တတ်လိုက်တာ အလ္လာဟ်ရယ်။

❓ “ဒါဆို ကျွန်တော်တို့အရွယ်လေးနဲ့ နိကာဟ်လုပ်ကြရမယ်လို့ ဆိုလိုတာလား”


◼️ (၁) ရုပ်ပိုင်းဆိုင်ရာ ဆိုးကျိုးများ

- လိင်မှတစ်ဆင့် ကူးစက်သော ရောဂါများ (STDs/STIs)
(HIV/AIDS, ဆီးပူညောင်းကျ၊ လိင်အင်္ဂါကြွက်နို့၊ ရေယုန်၊ ဂနို၊ ဆစ်ဖလစ် စသည်)
- မလိုလားအပ်သော ကိုယ်ဝန်ရရှိခြင်း (အချိန်မတိုင်မီ ကိုယ်ဝန်ဖျက်ချရခြင်း၊ လူမှုရေးနှင့် စီးပွားရေး အခက်အခဲများ)
- မူးယစ်ဆေးဝါးနှင့် အရက်သေစာ အလွန်အကျွံသုံးစွဲမိခြင်း

◼️ (၂) စိတ်ပိုင်းဆိုင်ရာ ထိခိုက်မှုများ

- စိတ်ကျန်းမာရေး ထိခိုက်ခြင်း (စိုးရိမ်စိတ်၊ စိတ်ဓာတ်ကျခြင်း၊ ကိုယ့်ကိုယ်ကို တန်ဖိုးထားမှုနည်းလာခြင်း)
- အပျော်အပါးနှင့် လိင်မှုကိစ္စအပေါ် စွဲလမ်းမှုဖြစ်လာခြင်း
- မိသားစု၊ လူမှုပတ်ဝန်းကျင်နှင့် ဆက်ဆံရေး ပျက်စီးခြင်း

◼️ (၃) လူမှုရေးနှင့် စီးပွားရေး ဆိုးကျိုးများ

- ဂုဏ်သိက္ခာနှင့် လူမှုရေးရာ ထိခိုက်ခြင်း
- ငွေကြေးဆုံးရှုံးမှုများ (အပျော်အပါးအတွက် အလွန်အကျွံသုံးစွဲရခြင်း၊ ကျန်းမာရေးကုသစရိတ်)
- ဥပဒေနှင့် ထိပ်တိုက်တွေ့နိုင်ခြင်း (မှုခင်းဆိုင်ရာ အရေးယူမှုများ)

◼️ (၄) ဘဝတစ်ခုလုံးအပေါ် သက်ရောက်မှု

- ပညာရေး၊ အလုပ်အကိုင်နှင့် အနာဂတ် အခွင့်အလမ်းများ ဆုံးရှုံးခြင်း
- မိမိကိုယ်ကို ယုံကြည်မှုနှင့် အတ္တသိက္ခာ ကျဆင်းလာခြင်း

◼️ (P**n video) ကြည့်ခြင်းရဲ့ ရုပ်ပိုင်းဆိုင်ရာ ဆိုးကျိုးများ

1. အိပ်စက်ခြင်းပြဿနာများ – ညဘက် ပုံမှန်ထက် ပိုကြည့်မိပါက အိပ်ရေးပျက်ခြင်း၊ အိပ်စက်ချိန် နည်းပါးခြင်းတို့ ဖြစ်စေနိုင်သည်။
2. စွဲလမ်းမှုများ – ဦးနှောက်ကို လှုံ့ဆော်မှုများစွာပေးသောကြောင့် စွဲလမ်းလာနိုင်ပြီး ပုံမှန်လိင်မှုကိစ္စထက် ပိုမိုပြင်းထန်သော အကြောင်းအရာများကို ရှာဖွေလာနိုင်သည်။

◼စိတ်ပိုင်းဆိုင်ရာ ဆိုးကျိုးများ

1. လိင်ပိုင်းဆိုင်ရာ စိတ်ကျေနပ်မှု လျော့နည်းခြင်း – အချိန်ကြာလာသည်နှင့်အမျှ လက်တွေ့ဘဝတွင် လိင်ဆက်ဆံရာတွင် စိတ်မပါခြင်း၊ စိတ်ကျေနပ်မှု နည်းပါးလာနိုင်သည်။
2. စိတ်ကျန်းမာရေး ထိခိုက်ခြင်း – အထီးကျန်မှု၊ စိုးရိမ်ပူပန်မှုနှင့် စိတ်ဓာတ်ကျခြင်းတို့ ဖြစ်စေနိုင်သည်။
3. အမြင်မှားယွင်းလာခြင်း – လိင်ဆက်ဆံမှုနှင့်ပတ်သက်ပြီး မှားယွင်းသော အတွေးအမြင်များ ဖြစ်ပေါ်လာနိုင်သည်။

◼️ တစ်ကိုယ်ရည်အာသာဖြေခြင်း (Ma********on) ၏ ဆိုးကျိုးများ

◼ ရုပ်ပိုင်းဆိုင်ရာ ဆိုးကျိုးများ

1. လိင်စွမ်းဆောင်ရည် ယာယီကျဆင်းခြင်း
- အလွန်အကျွံပြုလုပ်ပါက လိင်တံနာကျင်ခြင်း၊ သုတ်လွှတ်နှောင့်နှေးခြင်း (Delayed Ej*******on) သို့မဟုတ် လိင်တက်ကြွမှုနည်းခြင်း (Erectile Dysfunction) ဖြစ်စေနိုင်သည်။
2. အာရုံစူးစိုက်မှု လျော့နည်းခြင်း
- မကြာခဏ အာသာဖြေပါက ခန္ဓာကိုယ်မှ ဒိုပါမင်း (Dopamine) အလွန်အမင်းထွက်ရှိပြီး ပင်ပန်းနွမ်းနယ်ကာ အာရုံစိုက်ရခက်ခြင်းကို ဖြစ်စေနိုင်သည်။
3. အိပ်စက်ခြင်းကို ထိခိုက်စေခြင်း
- ညဘက်တွင် အလွန်အကျွံပြုလုပ်ပါက အိပ်စက်ချိန် နည်းပါးခြင်း၊ အိပ်ရေးမဝခြင်းတို့ ဖြစ်စေနိုင်သည်။

---

◼ စိတ်ပိုင်းဆိုင်ရာ ဆိုးကျိုးများ

1. စိတ်ကျန်းမာရေး ထိခိုက်ခြင်း
- အပြစ်ရှိသည်ဟု ခံစားရခြင်း (Guilt)၊ စိတ်ဓာတ်ကျခြင်း၊ ကိုယ့်ကိုယ်ကို ယုံကြည်မှုနည်းခြင်းတို့ ဖြစ်စေနိုင်သည်။
2. စွဲလမ်းမှု ဖြစ်လာခြင်း
- စိတ်ဖိစီးမှုကို ဖြေဖျောက်ရန် အလွန်အကျွံအားကိုးလာပါက လိင်စွဲလမ်းမှု (Sexual Addiction) ဖြစ်လာနိုင်သည်။
3. လက်တွေ့လိင်ဆက်ဆံရေးကို စိတ်မဝင်စားခြင်း
- တစ်ကိုယ်ရည်အာသာဖြေခြင်းကို အလွန်အကျွံပြုလုပ်ပါက လက်တွဲဖော်နှင့် လိင်ဆက်ဆံရာတွင် စိတ်ပါဝင်စားမှု လျော့နည်းလာနိုင်သည်။

✍ NuuR

အရွယ်ရောက်သူတို့နဲ့ ပရ်ဒဟ်ရဲ့ အမိန့် အစ္စလာမ်သာသနာအမြင်ဖြင့် လိင်မှုပညာပေးခြင်း| အပိုင်း (၈)----------------------------...
11/06/2025

အရွယ်ရောက်သူတို့နဲ့ ပရ်ဒဟ်ရဲ့ အမိန့်
အစ္စလာမ်သာသနာအမြင်ဖြင့် လိင်မှုပညာပေးခြင်း| အပိုင်း (၈)
-------------------------------------------------------
အေးအေး သူမ မဖြစ်ချင်တဲ့ ရာသီလာတယ်ဆိုတဲ့ ကိစ္စအကြောင်းကို ဒေါ်ပွင့်ဖြူက သေချာရှင်းပြဖို့ ဟန်ပြင်လိုက်တယ်။

“သမီးတို့ အပျိုဖော်ဝင်လာပြီဆိုရင် ရုပ်ပိုင်းဆိုင်ရာရော စိတ်ပိုင်းဆိုင်ရာမှာပါ အပြောင်းအလဲတွေ ရှိလာကြလိမ့်မယ်”

“သိသာထင်ရှားလာတာက ရင်သားကြီးထွားလာခြင်း (Breast Development)နဲ့ တင်ပါး၊ ခါးတစ်ဝိုက်ပြန့်ကားလာခြင်းပဲ။ ရင်သားဖွံ့ဖြိုးလာတဲ့အခါ ရင်သားတင်းတာကြောင့် နာကျင်မှုတွေ အနည်းငယ်ဖြစ်တတ်တယ်။ သမီးတို့ ရင်သားနဲ့ တင်ပါး ဖွံ့ဖြိုးလာပြီ ဖြစ်တဲ့အတွက် အပြင်ထွက်ကြတဲ့အခါ မိမိတို့ ရင်သားနဲ့ တင်ရဲ့ ပုံပန်းသဏ္ဍန်ကို သိသာထင်ရှားစေနိုင်တဲ့ ကျပ်ထုတ်နေတဲ့ အဝတ်အစားမျိုး မဝတ်ကြရဘူး။ ***ခေါင်းပေါ်က ဆံပင်ကို ဖုံးအုပ်ဖို့ရာလည်း ဖရဿွ်ဖြစ်သွားပြီ။ မိမိရင်သားထိ ဖုံးအုပ်တဲ့ ပုဝါမျိုးကို ဆောင်းကြရမယ်။***

> وَقُل لِّلْمُؤْمِنَٰتِ يَغْضُضْنَ مِنْ أَبْصَٰرِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ ءَابَآئِهِنَّ أَوْ ءَابَآءِ بُعُولَتِهِنَّ أَوْ أَبْنَآئِهِنَّ أَوْ أَبْنَآءِ بُعُولَتِهِنَّ أَوْ إِخْوَٰنِهِنَّ أَوْ بَنِىٓ إِخْوَٰنِهِنَّ أَوْ بَنِىٓ أَخَوَٰتِهِنَّ أَوْ نِسَآئِهِنَّ أَوْ مَا مَلَكَتْ أَيْمَٰنُهُنَّ أَوِ ٱلتَّٰبِعِينَ غَيْرِ أُو۟لِى ٱلْإِرْبَةِ مِنَ ٱلرِّجَالِ أَوِ ٱلطِّفْلِ ٱلَّذِينَ لَمْ يَظْهَرُوا۟ عَلَىٰ عَوْرَٰتِ ٱلنِّسَآءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ ۚ وَتُوبُوٓا۟ إِلَى ٱللَّهِ جَمِيعًا أَيُّهَ ٱلْمُؤْمِنُونَ لَعَلَّكُمْ تُفْلِحُونَ
>

> ကုရ်အာန် (၂၄:၃၁)
24|31|ထို့ပြင် (အို- တမန်တော်)အသင်သည် အီမာန်ယုံကြည်သူအမျိုးသမီးများကို ပြောလိုက်ပါ၊ သူမတို့သည် သူမတို့၏မျက်စိများကို အောက်ကိုနှိမ့်ချ ထားကြရမည်။ ထို့ပြင် သူမတို့သည် သူမတို့၏အရှက်အင်္ဂါများကို (တရားမဝင် ကာမကျူးလွန်ခြင်းမှ)ထိန်းသိမ်းကြရမည်။ ထို့ပြင် သူမတို့သည် (မလွှဲမရှောင်သာ)ပေါ်သော သူမတို့၏အလှအပမှလွဲ၍* ကျန်အလှအပများကို မဖော်ကြရပေ။ ထို့ပြင် သူမတို့သည် သူမတို့၏အပေါ်ရုံ(ပဝါ)များကို သူမတို့၏ရင်ဘတ်များပေါ်သို့ ချထားကြရမည်။ ထို့ပြင် သူမတို့သည် သူမတို့၏အလှအပကို သူမတို့၏ လင်ယောက်ျားများ သို့မဟုတ် သူမတို့၏ဖခင်များ သို့မဟုတ် သူမတို့၏လင်ယောက်ျား၏ဖခင်များ သို့မဟုတ် သူမတို့၏သားများ သို့မဟုတ် သူမတို့၏လင်ပါသားများ သို့မဟုတ် သူမတို့၏အစ်ကိုများ သို့မဟုတ် သူမတို့၏အစ်ကို၊မောင်များ၏သားများ သို့မဟုတ် သူမတို့၏အစ်မ၊ညီမများ၏သားများ သို့မဟုတ် သူမတို့၏မိန်းမအချင်းချင်းများ သို့မဟုတ် သူမတို့၏လက်ယာလက်များက ပိုင်ဆိုင်သည့်ကျွန်များ သို့မဟုတ် ယောက်ျားများထဲမှ (မိန်းမများကို) အလိုမရှိသော (သူမတို့၏)လက်အောက်ခံနောက်လိုက်များ သို့မဟုတ် မိန်းမများ၏အတွင်းရေးလျှို့ဝှက်ချက်များကို မသိနားမလည်ကြသေးသော ကလေးသူငယ်များ (ထိုသူများ)၏ရှေ့မှလွဲ၍ အခြားမည်သူ့ရှေ့၌မှ မဖော်ကြရပေ။* ထို့ပြင် သူမတို့သည် သူမတို့လျှို့ဝှက်ထားကြသော လက်ဝတ်တန်ဆာများကို (သူများ)သိရှိရန် သူမတို့၏ခြေများကို ဆောင့်မနင်းကြရပေ။ ထို့ပြင် အို- အီမာန်ယုံကြည်သူအပေါင်းတို့၊ အသင်တို့သည် အသင်တို့ အောင်မြင်မှုရရှိရန်အတွက် အသင်တို့အားလုံးသည် အလ္လာဟ်အရှင်မြတ်၏ရှေ့တော်တွင် ဝန်ချတောင်းပန်ကြပါ။
-- ဆရာ ဟာရှင်မ်(ခ)တင်မြင့်

“မမြင်ရတဲ့ ခန္ဓာကိုယ်ပြင်ပ ပြောင်းလဲမှုကတော့ ချိုင်းနဲ့ ပေါင်ခြံတွေမှာ မွှေးညှင်းလေးတွေ ပေါက်လာတာ”

“ဟုတ်တယ် ဟုတ်တယ် အန်တီ” အေးအေးက ထောက်ခံနေတယ်။

“ဒီချိုင်းမွှေးတွေကိုတော့ တစ်ပတ်တစ်ခါ သန့်ရှင်းရတယ်။ နှုတ်တာက အကောင်းဆုံးပေါ့ သမီးတို့ရယ်။ ချက်အောက်မွှေးတွေကိုတော့ ရက်၄၀ ကျော်တဲ့အထိထားမယ်ဆိုရင် အပြစ်ထိုက်တယ်”

“ဟုတ်ကဲ့ပါ အန်တီ”

“အမွှေးအမျှင် ရှင်းလင်းတဲ့အခါ နှုတ်တာ၊ ကျွတ်ဆေးအသုံးပြုတာရယ် wax သုံးပြီး ဖယ်ရှားတာ ကိုယ်နဲ့ သင့်တော်တဲ့ နည်းလမ်းကို အသုံးပြုနိုင်တယ်၊ ဒါ့အပြင် သမီးတို့ရဲ့ ချွေးနံ့တွေဟာလည်း ပြင်းလာပြီ။ ဒီလို အနံ့အသက်တွေကို လျော့ပါးစေဖို့ သန့်သန့်ရှင်းရှင်းနေရမယ်”

“ရုပ်ပိုင်းဆိုင်ရာ ပြောင်းလဲမှုတွေကို သတိပြုမိကြလား သမီးတို့”

“ဟုတ်ကဲ့ အန်တီ၊ သမီးတို့ အန်တီပြောတဲ့အတိုင်းတွေ ပြောင်းလဲလာပြီ”

“ခုက စိတ်ပိုင်းဆိုင်ရာ ပြောင်းလဲလာတာတွေကိုလည်း ပြောပြပေးမယ်၊ အန်တီ မပြောခင် သမီးတို့ စဥ◌်းစားကြည့်ပါဦး”

“သမီး သတိထားကြည့်နေတာ သမီး ဒီရက်ပိုင်း အရမ်းစိတ်ဆတ်တယ်။ မေမေဆူလိုက်ရင်လည်း တအားဝမ်းနည်းတာ၊ မျက်ရည်က အရင်ကျတာ။ ပြီးတော့ သမီး အထီးကျန်ဆန်လာပြီး ဘယ်သူမှ ငါ့ကို မချစ်ဘူးဆိုပြီး ဒရာမာတွေ တအားချိုးလာတာ” သူဇာက သူ့ပြောင်းလဲလာတာတွေရဲ့ အဖြေကို နားမလည်သလိုနဲ့ ဖွင့်ဟလာတယ်။

“ကျွန်တော်ကတော့ ဒေါသအိုးဖြစ်လာတာ” ဒေါသအိုးလေး အေးအေးကလည်း ဖြည့်စွက်ပြီး သူ့ခံစားချက်တွေ ပြောပြလာတယ်။

“မူယာကတော့ ကိုးရီးယားကားထဲကအတိုင်း စိတ်ကူးတွေ ယဥ်နေမိတာ”

“ဟား ဟား ဟား” မူယာစကားကြားပြီး အားလုံး ထရယ်ကြပါလေရော။

“ဟယ် နင်တို့ ဘာရယ်တာလဲ၊ နင်တို့လည်း စိတ်ကူးမယဥ◌်တဲ့အတိုင်းပဲ”

“မူယာ သမီးပြောတာလည်း မှန်တာပေါ့၊ ဟော်မုန်း အပြောင်းအလဲတွေကြောင့် ကိုယ်နဲ့ မတူတဲ့ ဆန့်ကျင်ဘက် လိင်အပေါ် စိတ်ဝင်စားမယ်၊ လိင်စိတ်တွေလည်း နိုးကြွလာတတ်တယ်။ စောနက သမီးအေးအေးနဲ့ သူဇာတို့ ပြောသလိုပဲ mood swing တွေလည်း ဖြစ်လာတတ်တယ်၊ အခုငိုချင် အခုရယ်ချင်လာတာမျိုးတွေပေါ့ သမီးတို့ရယ်”

“စကားတွေ ပြောကောင်းနေကြတာ လ္ဘက်သုတ်လေး စားကြဦးလေ သမီးတို့”

“ဟီး အန်တီပြောပြတာတွေက စိတ်ဝင်စားဖို့ ကောင်းတယ်။ သမီးတို့ ထပ်သိချင်သေးတယ်”

“သမီးတို့အတွက် အန်တီ The Nikkah Training အတန်းလေး အပ်ပေးချင်တယ်။ အဲ့သင်တန်းမှာ သမီးတို့ သိထားသင့်တဲ့ အကြောင်းအရာတွေသာမက အိမ်ထောင်ဖက်ကို ဘယ်လိုရွေးချယ်ရမလဲဆိုတာကိုပါ သင်ကြားပေးလိမ့်မယ်၊ သမီးတို့ရဲ့ မိဘတွေကို အန်တီ ဒီသင်တန်းလေးတက်ခွင့်ရဖို့ လိုက်ပြောပေးမယ်နော်”

“ဟုတ် အန်တီရေ၊ အန်တီ လိုက်ပြောပေးမှ ရမှာ၊ နို့မို့ဆို သမီးတို့ကို နင်တို့ ယောကျ်ားယူကြတော့မှာလားဆိုပြီး မေးမေးပြီး ဆော်ကြမှာ” မူယာက သူ့မိဘတွေ သူ့အပေါ် နားမလည်ပေးနိုင်လောက်ဘူး ထင်နေပုံရတယ်။

ကိုယ့်ကလေးရဲ့ ဖွံ့ဖြိုးလာမှုအပေါ် မှန်ကန်တဲ့ ဆုံးမနည်းတွေနဲ့သာ ဆုံးမသင့်တယ်လို့ ဒေါ်ပွင့်ဖြူတစ်ယောက် တွေးမိလိုက်သည်။ ငယ်ငယ်တုန်းက သူမရဲ့ သူငယ်ချင်းမိခင်ရဲ့ အိမ်ထောင်ကျသွားတဲ့ ဇာတ်လမ်းကိုပါ ပြန်အမှတ်ရစေလိုက်တယ်။ ၇ တန်းအရွယ်သာ ရှိသေးတဲ့ ကျောင်းသူမလေးကို စာလိုက်ပေးလို့ သမီးဖြစ်သူက အမေကို စာလိုက်ပေးခံရကြောင်း ပြောပြတဲ့အခါ အမေရော အဖေရော နှစ်ယောက်ပေါင်းပြီး သူမကို တံမျက်စည်းနဲ့ ရိုက်လို့ ထွက်ပြေးရင်း သူ့ကို ရည်းစားစာလိုက်ပေးတဲ့ လူနောက် အရွဲ့တိုက်ပြီး လိုက်သွားခဲ့တဲ့အကြောင်း သူငယ်ချင်းက ပြောပြတာ တွေးရင်း ငယ်ဘဝကိုပါ တွေးမိ ဆွေးမိနေလေရဲ့။ ပြီးတော့မှ သတိဝင်လာရင်း

“ဒီလိုတော့လည်း ဘယ်ဟုတ်မလဲ၊ အရွယ်ရောက်ပြီးသူတိုင်း သိထားသင့်တဲ့ အကြောင်းအရာတွေကို သိထားရင် ကိုယ့်အတွက် ပြင်ဆင်လို့ရတယ်။ အဲလိုမှ မဟုတ်ရင် လင့်တစ်မျက်နှာ တစ်ရွာထင်ပြီး လိုက်သွားကြမှ ငါးပါးတွေ မှောက်ကုန်မှာပေါ့”

“ဟုတ်တယ် ၊ ဟုတ်တယ် အန်တီ၊ အရွယ်ရောက်လာရင် လူတိုင်းက မင်္ဂလာဆောင်ချင်ကြတာကြီးပဲ”

အေးအေး အပြောကို သဘောကျပြီး တစ်ဖွဲ့လုံး ရယ်မိကြသည်။

ဒေါ်ပွင့်ဖြူတစ်ယောက် ဖူးပွင့်စ ပန်းပွင့်လေးတွေလို နူးညံ့ပြီး လှပနေတဲ့ သူမ သမီးနဲ့ သူငယ်ချင်းတွေကို ကြည့်ရင်း သူတို့လေးတွေ လမ်းမှားကို မလျှောက်မိဖို့ ပြောခွင့်ရလိုက်လာတကို ကျေနပ်ပီတိဖြစ်မိရင်း သူယုတ်မာတွေ ရန်ကနေ လွတ်ကင်းဖို့လည်း ဒုအာတောင်းဆုပြုနေလေရဲ့။

✍🏼 NuuR

Eid Al-Adha Mubarak!ကျွန်တော်မျိုးမတို့အပေါ် အလ္လာဟ်အရှင်မြတ်၏ သနားကြင်နာမှုများကျရောက်တော်မူပြီး စိတ်ရောကိုယ်ပါ ကျန်းမာ...
06/06/2025

Eid Al-Adha Mubarak!

ကျွန်တော်မျိုးမတို့အပေါ် အလ္လာဟ်အရှင်မြတ်၏ သနားကြင်နာမှုများကျရောက်တော်မူပြီး စိတ်ရောကိုယ်ပါ ကျန်းမာချမ်းသာနိုင်စွမ်းကိုပေးသနားတော်မူပါ၊ ဟဂျ်မပြုလုပ်ရသေးသည့် အွမ္မဟ်တို့ကိုလည်း ဟဂျ်ပြုလုပ်နိုင်ခွင့်က်ိုပေးသနားတော်မူပါ၊ အာမီန်း။ 🤲🏼

LGBT နဲ့ အစ္စလာမ် မည်သို့မျှ မသက်ဆိုင် အစ္စလာမ်သာသနာအမြင်ဖြင့် လိင်မှုပညာပေးခြင်း |အပိုင်း (၇)--------------------------...
31/05/2025

LGBT နဲ့ အစ္စလာမ် မည်သို့မျှ မသက်ဆိုင်
အစ္စလာမ်သာသနာအမြင်ဖြင့် လိင်မှုပညာပေးခြင်း |အပိုင်း (၇)
-------------------------------------------------------
ပိုးဖြူစင်အမေတစ်ယောက် သူဇာ့ရဲ့ အဖြစ်အပျက် ကြားပြီး ဒီကလေးမတွေကို ပညာပေးပြောပြဖို့ ဆုံးဖြတ်လိုက်တယ်။

သူဇာရဲ့ ပုခုံးကို ဖက်ရင်း အခန်းထဲ ပြန်ဝင်လာခဲ့တယ်။

“သမီးတို့ရေ အချိန်ရကြလား၊ အန်တီ သမီးတို့နဲ့ ဆွေးနွေးစရာ ရှိတယ်”

“ဟုတ်ကဲ့ အန်တီ သမီးတို့ အချိန်ရကြပါတယ်”

ဒေါ်ပွင့်ဖြူလည်း နီးစပ်ရာ ခုံတစ်လုံးကို ယူပြီး ထိုင်လိုက်တယ်။ကောင်မလေးတွေကလည်း စိတ်ဝင်တစားနဲ့ နားထောင်ဖို့ ပြင်ဆင်လိုက်ကြတယ်။

“သမီးတို့ ခုအရွယ်ရောက်လာကြပြီ၊ မိန်းကလေးတို့ အရွယ်ရောက်လာတယ်ဆိုတာ အပျိုဖော်ဝင်လာတာကို ပြောတာပေါ့ သမီးတို့ရယ်၊ သာသနာအရ ပြောရရင် ဟိုက်ဇ်ဖြစ်တယ်လို့ ခေါ်တယ်”

“ဟုတ် အန်တီ”

အဲ့အချိန် အေးအေးက လက်ထောင်လိုက်သည်။

“သမီး မေးစရာ ရှိလို့လား”

“ဟုတ် ကျွန်တော် အဲလိုဖြစ်နေတာကို မကြိုက်ဘူး အန်တီ၊ အဲလို ဖြစ်ရင် ဗိုက်ကလည်း အောင့်သေး၊ ပြီးဘောင်းဘီတွေလည်း စွန်း၊ သွားရလာရတာလည်း မလွတ်လပ်နဲ့ တအားစိတ်ရှုပ်ဖို့ ကောင်းတာပဲ အန်တီ၊ အဲဒါကြီးမလာအောင် တားလို့မရဘူးလားဟင်”

ဒေါ်ပွင့်ဖြူတစ်ယောက် ရယ်မိလိုက်သည်။ အေးအေးက ယောကျ်ားလျှာမလေးလေ။ ငယ်ငယ်ကတည်းက ခုထိ ယောက်ျားလေးလိုပဲ နေလာခဲ့တဲ့ သူမပေါ့။

“သမီးကို အန်တီ ဟဒီးဆ်တစ်ပုဒ်ပြောပြမယ်”

حَدَّثَنَا مَحْمُودُ بْنُ غَيْلاَنَ، حَدَّثَنَا أَبُو دَاوُدَ الطَّيَالِسِيُّ، حَدَّثَنَا شُعْبَةُ، وَهَمَّامٌ، عَنْ قَتَادَةَ، عَنْ عِكْرِمَةَ، عَنِ ابْنِ عَبَّاسٍ، قَالَ لَعَنَ رَسُولُ اللَّهِ صلى الله عليه وسلم الْمُتَشَبِّهَاتِ بِالرِّجَالِ مِنَ النِّسَاءِ وَالْمُتَشَبِّهِينَ بِالنِّسَاءِ مِنَ الرِّجَالِ ‏.‏ قَالَ أَبُو عِيسَى هَذَا حَدِيثٌ حَسَنٌ صَحِيحٌ ‏.‏

Narrated Ibn 'Abbas: "The Messenger of Allah (ﷺ) cursed the women who imitate men and the men who imitate women."

Jami` at-Tirmidhi 2784
https://sunnah.com/tirmidhi:2784

“ယောက်ျားက မိန်းမလိုနေတာ၊ မိန်းမက ယောက်ျားလိုနေတာ အဲလိုနေတဲ့သူတွေကို အလ္လာဟ်က လအ်နဟ်ပို့တော်မူတယ်တဲ့ လအ်နဟ်ဆိုတာက အလ္လာဟ်အရှင်ရဲ့ သနားကြင်နာမှု ထိုသူအပေါ်ကနေ ကင်းမဲ့သွားတာ သမီးရဲ့”

အေးအေး မျက်နှာလေးမဲ့သွားတယ်။

“အန်တီ ကျွန်တော်က ငယ်ငယ်ကတည်းက ယောကျာ်းလေးဖြစ်ချင်ခဲ့တာ၊ ဒါဆို LGBT ကို အစ္စလာမ်က လက်မခံဘူးပေါ့နော်”

“ဟုတ်တယ် သမီး၊ အများက လက်ခံတိုင်း အစ္စလာမ်ဘာသာဝင် တစ်ယောက်အနေနဲ့ ရောယောင်ပြီး လက်ခံလို့ မရဘူး။ အလ္လာဟ်အရှင်မြတ်က ယောကျ်ားနဲ့ မိန်းမ နှစ်မျိုးကို စုံလိုက် ဖန်ဆင်းထားခဲ့တာ”

“ဟုတ်ကဲ့ပါ အန်တီ၊ ကျွန်တော် ပြင်ဆင်ပါ့မယ်။ အလ္လာဟ်ရဲ့ စိတ်ဆိုးခြင်းကို မခံယူရဲဘူး ကြောက်တယ်။ အလ္လာဟ်ချစ်အောင် ဘယ်လို နေရမလဲ ပြောပြပေးပါဦး အန်တီ”

ကလေးတွေရဲ့ သိချင်စိတ်ပြင်းပြနေမှုကို ကြားရတော့ ဒေါ်ပွင့်ဖြူတစ်ယောက် ပီတိဖြစ်မိသည်။

“ပြောပြပေးမှာပေါ့ ကလေးတို့ရယ်”

✍🏼 NuuR

မရှ်ဝရာဟ် ဘယ်လောက် အရေးကြီးသလဲ ❓အစ္စလာမ်သာသနာအမြင်ဖြင့် လိင်မှုပညာပေးခြင်း |အပိုင်း (၆)---------------------------------...
22/05/2025

မရှ်ဝရာဟ် ဘယ်လောက် အရေးကြီးသလဲ ❓
အစ္စလာမ်သာသနာအမြင်ဖြင့် လိင်မှုပညာပေးခြင်း |အပိုင်း (၆)
-------------------------------------------------------

“အန်တီကို ဖွင့်ပြောလိုက်လို့ အန်တီ ငါ့ကို နားလည်ပေးပါ့မလား၊ အန်တီ ငါ့ကို ဆူမှာလား၊ ငါ့အမေကို တိုင်ပြောလိုက်မှာလား” ဒေါ်ပွင့်ဖြူရဲ့ ကျောပြင်ကို ငေးရင်း သူဇာတစ်ယောက် အတွေးတွေ ယောက်ယက်ခတ်နေလေပြီ။

“ငါ့ရဲ့ ကိစ္စကို ဘယ်သူကိုမှ အသိမပေးဘဲ ကိုယ့်နည်းကိုယ့်ဟန်နဲ့ ဖြေရှင်းရမှာလား၊ ကိုယ့်နည်းကိုယ့်ဟန်လို့သာ ပြောတာ၊ သူပြောသမျှ တောင်းဆိုရုံအပြင် ဘာမှ မစဥ◌်းစားတတ်တဲ့ ငါက ဖြေရှင်းနိုင်ပါ့မလား၊ ငါဘာလုပ်ရပါ့မလဲ” လက်သည်းလေး ကိုက်ရင်း မျက်ရည်စတို့ပါ ဝဲတက်လာနေပြီ။ “ ငါဘာလုပ်ရမလဲ၊ ငါဘာလုပ်ရမလဲ၊ ဘာပဲ ဖြစ်ဖြစ်လေ အန်တီက လူငယ်တွေ သဘောသဘာဝကို နားလည်ပေးနိုင်တယ်။ စောနက မူယာကိုတောင် မဆူဘဲ နားဝင်အောင် ပြောပြပေးတာပဲ။ ငါလည်း မသိလို့ မှားမိတာပဲလေ၊ ငါ့ကိုလည်း သူအကောင်းဆုံး လမ်းပြပေးနိုင်မှာပါ”

နောက်ဆုံးတော့ သူဇာတစ်ယောက် ရှိသမျှ သတ္တိတွေ ထုတ်ပြီး သူတွေ့ကြုံနေတဲ့ အဖြစ်အပျက်တွေကို ဒေါ်ပွင့်ဖြူအား ပြောပြဖို့ ဆုံးဖြတ်လိုက်တယ်။

💬“အန်တီ”

နောက်လှည့်ကြည့်မိတော့ သူဇာ

“သမီးဘာလိုချင်လို့လဲ” ဒေါ်ပွင့်ဖြူရဲ့ အပြုံးတွေက သူဇာ့ကို အနည်းငယ်သက်သာရာရစေလိုက်တယ်။

💬“သမီး အန်တီနဲ့ တိုင်ပင်ချင်လို့ပါ”

“ပြောလေ၊ သမီး” ဒေါ်ပွင့်ဖြူရဲ့ နွေးထွေးပျူငှာတဲ့ အကြည့်တွေဟာ သူမကို ထွေးပွေ့လိုက်သလို ခံစားရစေတယ်။

သူဇာဟာ သက်ပြင်းရှည်ကြီး ရှိုက်လိုက်ပြီး

💬“သမီးလေ အပြင်က ကောင်လေးတစ်ယောက်နဲ့ တွဲနေတာ၊ သူခေါ်တိုင်း သမီးသွားမိတယ်။ သူကတော့ ချစ်လွန်းလို့ မတွေ့ရင် မနေနိုင်လောက်အောင်ကို လွမ်းလို့၊ သူ့ကို ချစ်ရင် လာတွေ့ဆိုပြီး ခေါ်တာ။ သမီးတို့ အွန်လိုင်းကနေ ပြောရင်လည်း အန်တီစောစောက ပြောသလို ညစ်ညမ်းတာတွေလည်း ပြောမိတယ်။ သူတောင်းသမျှ သမီးရဲ့ ပုံတွေကိုလည်း ပို့မိတယ် အန်တီရယ်။ ခုလည်း ပိုးဖြူစင်ဆီ အဝင်ပြပြီး သူ့ဆီ လာခဲ့ဖို့ ခေါ်တာ၊ သမီးက မလာတော့ဘူး ငြင်းလိုက်တယ်။ အဲဒါ ခု သူက သမီးကို ခြိမ်းခြောက်နေတယ်။ သမီး ဓာတ်ပုံတွေကို လိုင်းပေါ်တင်မယ်ဆိုပြီး လုပ်နေတယ်။ သမီး ဘာလုပ်ရမလဲ” ဆိုပြီး ဖုန်းထဲက message တွေကို ပြတယ်။

ပိုးဖြူစင်အမေတစ်ယောက် ခေါင်းကြီးသွားပြီ။

သူဇာပြတဲ့ messages တွေကို ဖတ်ရင်း ဒီကောင်လေးပေါ် ဒေါသလည်း ဖြစ်မိတယ်။ နှမမရှိလို့ မစာနာတတ်ရင်တောင် မွေးထားတဲ့ အမေတော့ ရှိမှာပဲလေ။

💬“သမီးလေ သူစပြီး ဖွင့်ပြောတော့ ဘယ်သူ့ကိုမှ မတိုင်ပင်ဘဲ အဖြေပေးမိလိုက်တာ၊ သူကလည်း သမီးကြိုက်တဲ့ ပုံစံလေး ဆိုတော့ ဒီလို ယုတ်မာလိမ့်မယ်လို့ မထင်ခဲ့မိတာလည်း ပါတယ်”

“သမီးလေး ဒီလို ဖွင့်ပြောလာတာ တော်လိုက်တာ၊ ဒီလို ကိစ္စတွေဆိုတာ တစ်ယောက်တည်း ကျိတ်ပြီး ဖြေရှင်းလေ၊ မိန်းကလေးဖက်က နစ်နာလေပဲ၊*** ဒီတော့ ကောင်လေးနဲ့ သူ့မိဘတွေနာမည်တွေကို အန်တီကို ပြောပြ၊ အန်တီ ဖြေရှင်းပေးနိုင်အောင် ကြိုးစားပေးမယ်။ သမီးကလည်း နောက်ဒီလိုမျိုး အယုံ မလွယ်ဖို့ အန်တီ့ကို ကတိပေးနိုင်မလား”

“သမီးမသိခဲ့လို့သာ ဒီလို လုပ်မိတာပါ။ ခုဒီလို အခြိမ်းခြောက်ခံထိတော့ သမီး ဒီလမ်းကို ဘယ်တော့မှ မလျှောက်ဖို့ ဆုံးဖြတ်လိုက်ပါပြီ။ နောက်တစ်ခါ ဒီလိုမျိုး မဖြစ်ဖို့ ကတိပေးပါတယ်”

⚖️ မိန်းကလေးတိုင်း သိထားသင့်သော ဥပဒေများ ⚖️

မြန်မာနိုင်ငံတွင် အွန်လိုင်းခြိမ်းခြောက်မှု၊ မဖွယ်မရာပိုင်းဆိုင်ရာ အကြမ်းဖက်ခြိမ်းခြောက်မှုနှင့် ကိုယ်ရေးကိုယ်တာအချက်အလက်များ အလွဲသုံးစားပြုမှုတို့ကို တားဆီးထိန်းချုပ်သည့် ဥပဒေများရှိပါသည်။ သင့်အနေဖြင့် ခြိမ်းခြောက်ခံရပါက အောက်ပါဥပဒေများနှင့် အခြေခံ၍ တရားစွဲနိုင်ပါသည်။

---

1️⃣ အိုင်စီတီဥပဒေ (၂၀၀၄) – ICT Law

ပုဒ်မ ၃၃(က)

- အင်တာနက်ပေါ်တွင် အခြားသူကို ထိခိုက်စေမည့် အချက်အလက်များ ဖြန့်ဝေခြင်း (ဥပမာ - မဖွယ်မရာဓာတ်ပုံများ၊ ခြိမ်းခြောက်စာတို) ပြုလုပ်ပါက ထောင်ဒဏ် (၇) နှစ်အထိ ချမှတ်နိုင်သည်။

ပုဒ်မ ၃၄

- အခြားသူ၏ ကိုယ်ရေးကိုယ်တာအချက်အလက်များ (ဓာတ်ပုံ၊ ဗီဒီယို၊ စာပို့ခြင်း) ကို ခွင့်ပြုချက်မရှိဘဲ ဖြန့်ခြင်း (Revenge P**n) ပါက ထောင်ဒဏ် (၃) နှစ်အထိ ကျခံနိုင်သည်။

---

2️⃣ သူ့ကျွန်မဖြစ်ရဥပဒေ (၂၀၁၈) – Anti-Online Harassment

ပုဒ်မ ၇၉(က)

- အွန်လိုင်းပေါ်တွင် ခြိမ်းခြောက်ခြင်း၊ အသရေဖျက်ခြင်း သို့မဟုတ် လိင်ပိုင်းဆိုင်ရာ အကြမ်းဖက်ခြိမ်းခြောက်မှု (Sextortion) ပြုလုပ်ပါက ထောင်ဒဏ် (၂) နှစ်အထိ သို့မဟုတ် ဒဏ်ကြေးငွေ ချမှတ်နိုင်သည်။

---

3️⃣ ရာဇသတ်ကြီးဥပဒေ (Penal Code)

ပုဒ်မ ၅၀၇

- အသရေဖျက်စာများ ပေးပို့ခြင်း (သို့) အခြားသူကို ကြောက်ရွံ့အောင်ခြိမ်းခြောက်ခြင်း ပြုလုပ်ပါက ထောင်ဒဏ် (၂) နှစ်အထိ ကျခံရနိုင်သည်။

ပုဒ်မ ၃၈၃

- လိမ်လည်ခြိမ်းခြောက်၍ ငွေကြေးသို့မဟုတ် အကျိုးအမြတ်ရယူခြင်း (Sextortion) ပါက ထောင်ဒဏ် (၃) နှစ်အထိ ချမှတ်နိုင်သည်။

---

4️⃣ အမျိုးသမီးအကြမ်းဖက်မှုကာကွယ်ရေးဥပဒေ (၂၀၁၉)

- အကယ်၍ ခြိမ်းခြောက်မှုသည် လိင်ပိုင်းဆိုင်ရာ အကြမ်းဖက်မှု (Revenge P**n, Sextortion) ဖြစ်ပါက ဤဥပဒေအရ ထောင်ဒဏ် (၅) နှစ်အထိ ပြစ်ဒဏ်ချမှတ်နိုင်သည်။

---

# # # အစ္စလာမ့်မိဘများအတွက် သတိထားစရာ အန္တရယ်

ခေတ်ကာလ တိုးတက်လာတာနဲ့အမျှ နည်းပညာတွေ အားကောင်းလာတာနဲ့အမျှ လွဲမှားစွာ အသုံးချခြင်း မဖြစ်နိုင်ဖို့ မိမိတို့ သမီးများကို သေချာစွာ စောင့်ကြည့်နေဖို့ လိုပါတယ်။ သမီးများက မိမိကို ပွင့်ပွင့်လင်းလင်း ရင်ဖွင့် တိုင်ပင်နိုင်အောင် လမ်းဖွင့်ပေးထားပါ၊ မဖြစ်ခင်က ကြိုတင်ကာကွယ်ခြင်းက အကောင်းဆုံးဖြစ်ပေမယ့် ဖြစ်လာခဲ့ပြီဆိုရင်လည်း အပြစ်တင်ဆူပူနေခြင်းထက် လုပ်သင့်လုပ်ထိုက်သော အရေးယူမှုများကို ပြုလုပ်ပေးသင့်ပါတယ်။ victim ဖြစ်သွားရရှာတဲ့ ကိုယ့်ရဲ့ ရင်သွေးအား အစွမ်းကုန် ကာကွယ်ပေးဖို့ လိုအပ်သလို စိတ်ဓာတ်ခွန်အားကိုပါ မပြိုလဲသွားစေဖို့ အားပေးနှစ်သိမ့်ပေးသင့်ပါတယ်။

သားရှင်များအနေနှင့်လည်း မိမိတို့ သားရဲ့ အရွယ်ရောက်စဥ◌် ဖြစ်ပေါ်တတ်သော စိတ်ခံစားချက်များကို ထိန်းချုပ်နိုင်ဖို့ အကြောင်း ပညာပေး ပြောပြထားသင့်ပါတယ်။ မိမိတို့ စိတ်ဆန္ဒ အာသာဖြေဖို့ တစ်ဖက် အမျိုးသမီးလေးများရဲ့ ဘဝတွေကို မဖျက်ဆီးဘဲ ဖြေဖျောက်တတ်ဖို့လည်း လေ့ကျင့်ပေးထားသင့်ပါတယ်။

ဘယ်မိဘကမှ ကိုယ့်သားကို ဇွာလင်မ်အဖြစ် မမြင်စေချင်သလို ဘယ်မိဘကမှ ကိုယ့်သမီးကို ကျူးလွန်ခံရသူအဖြစ် မမြင်စေချင်ကြတာ မြေကြီးလက်ခတ်မလွဲသော အမှန်တရားပဲ မဟုတ်ပါလား။ ကလေးတို့ရဲ့ ဖွံ့ဖြိုးတိုးတက်မှုတိုင်းကို စောင့်ကြည့်လေ့လာပြီး လိုအပ်တဲ့ သင်ကြားမှုများကိုပါ ကလေးတို့ကို အသိပေး သင်ကြားထားသင့်ကြောင်း အကြံပေး တင်ပြလိုက်ပါတယ်။

Address

Dubai

Telephone

+66952363933

Website

Alerts

Be the first to know and let us send you an email when The Nikkāh Project posts news and promotions. Your email address will not be used for any other purpose, and you can unsubscribe at any time.

Shortcuts

Share

Category