19/03/2025
Boeremeisie Kos is gebore uit die kosbaarste herinneringe van my kinderjare op die plaas—die reuk van varsgebakte boerekos wat die kombuis vul, en my ma se swart A4-resepteboek vol handgeskrewe resepte wat sy met soveel liefde geskep het. Haar passie vir kook en haar vermoë om mense rondom 'n tafel bymekaar te bring, het 'n diep indruk op my gelaat.
In haar nagedagtenis het ek Boeremeisie Kos geskep, waar ek haar gunstelinggeregte weer tot lewe bring, insluitend my bekende knoffelbrood. Elke gereg wat ek maak, dra haar liefde en nalatenskap voort—'n viering van tradisie, geselligheid en egte boerekos, gemaak met hart en siel.
