02/07/2025
من أجمل الأحداث اللي حصلت لفريقنا السنة دي 💛✨
كان لينا شرف التعاون مع أكاديمية Smart Kids تحت رعاية الجميلة مس يارا والمبدعة مس نورا 🌟
اشتركنا سوا في إيفنت مميز جدًا لتعليم الأطفال الحرف اليدوية بشكل بسيط وممتع 🧩🎨
وكان هدفنا نوصل لهم فكرة إن الإبداع مش بس موهبة، لكنه كمان مهارة بتكبر بالتدريب والتجربة ❤️
علمناهم إزاي يستخدموا الخرز المائي لصنع أشكال صغيرة ولطيفة 🐻⭐
ودي كانت مقدمة جميلة ليهم لدخول عالم البيكسل آرت Pixel Art بطريقة بسيطة وممتعة.
💡 علمناهم كمان الخياطة بغرزة السراجة البسيطة عن طريق صناعة دمية صغيرة من الجوخ.
الأطفال اتبسطوا جدًا وهما بيحطوا كل تفاصيل لعبتهم بإيديهم 👧🧒
من أول ما خيطوها، لحد ما ركبوا العيون وتفاصيل الوجه والجلد… كانت لحظة جميلة شافوا فيها شغلهم بيتحول لحاجة حقيقية قدامهم 🧸✨
😍 المميز كمان إننا سيبنا للأطفال فرصة يبدعوا في اختيار الألوان براحتهم، ولما كانوا حابين، ساعدناهم يظبطوا الشكل ويطلعوه مضبوط.
ولقينا فيهم مواهب جميلة قوي… أطفال كتير اكتشفوا إن عندهم موهبة ماكنوش يعرفوها 🥰✨
حتى لو فيه طفل الشكل معاه مطلعش مضبوط جدًا، المهم إنه قضى وقت ممتع، اتبسط، واتعلم حاجة جديدة 💛
الورشة ساعدتهم يطوروا:
✔️ مهارة التركيز
✔️ الصبر والدقة
✔️ التناسق بين العين واليد
✔️ والإبداع في تنسيق الألوان
الحمدلله كان ايفنت ملهم ومليان ذكريات حلوة 🫶
شكرًا ليكم على الدعم الكبير، وشكرًا للأطفال الرائعين اللي نورونا بابتسامتهم وابتكارهم ✨
مين متحمس يشاركنا الورش الجاية؟ ✨
