28/09/2025
🔴توضيح
⚠️⚠️من اليوم مانقبل حتى خدمة كان ب avance مهما كانت قرابتي للشخص⚠️⚠️
في إطار تشجيع المشاريع الصغرى
تعالوا نحكيلكم على بنت بلادي كيفاش شجعتني باش نطول عليكم شوي اما بجاه ربي اقروا للأخر و اعطوني رايكم خاصة لي عندهم مشاريع في البلاد
ايا سيدي كلمتني وحدة بنت البلاد باش تعدي كومند متع pack naissance ورتني المودال و الألوان انا بحكم المودال هذا اول مرة باش نخدمه ماحبيتش ناخذ risque قلت خلي نخدم échantillon و نوريهولها مشيت نجري و نطيح كيف الحاذقة بحكم جتني في وقت قصير الحاصل خدمته بعثتلها و عجبها و تفاهمنا على كل شئ و انا بحكم نعرفها الطفلة ماهزيتش عليها avance قلت بنت بلاد و زيد عندها بيبي زايد كهو حضرت كل شي و هي كل يوم تطليعلي بطلعة جديدة و كل يوم تزيد حاجة منين كانت باش تخدم مودال واحد ولت pack كاملة و كل يوم تكلمني تزيد في quantité في بالها بروحها خلود معلى الحاصل قلت ميسالش و انا نجري بين القطار و قفصة بحكم مودال جديد باش نخدمه و ألوان جديدة و انا والله نحضر فيهم و فرحانة خاطر عجبتني commande و شايخة عليها حتى التعب ما حسيتش به الحاصل حضرت كل شي مزال حاجة بسيطة متع خدمة اليدين كهو اي سيدي كلمتني قبل بنهار من تسليم commande قاتلي أميمة قداش جت الحسبة قلتلها كذا كذا قاتلي بديتي تخدمي قلتلها اي presque كل شي حاضر قاتلي حبسي راني بطلت 🙄🙄 بقيت مصدووووومة قلتلها علاه قاتلي باش نسافر المهم موش تندخل في التفاصيل الشخصية قلتها باهي و الكومند كيفاش عملنا فيها و انا خدمت كل شي و زيد personnalisé باش تبقى ضميدة على راسي قاتلي المرة الأول تو نجي نهزها قلت باهي بعد كلمتني قاتلي ياسر عليا ما عندي ما نعمل بها قلتها حتى انا ماعندي ما نعمل بها قاتلي لا لا تو تتباعلك تو بجاه ربي قولولي حاجة personnalisé كيفاش باش تتباع هذا الكل و انا موسعة بالي و قاعدة كيف البوهلية نلقى في حلول كلمتني قاتلي تنجي نهز كل vinyle لي فيهم إسم البيبي و كهو قلتلها انا لا فما article انا شريته بالذمة ليك انتي و مايخرجليش نعرف خدمتي قلتلها تعالي اشريهم و الباقي ميسالش خليفتي على ربي تو نحسب روحي راس مال شريت به سلعة و كهو بقت انا نبعث في المساجات و تحقر فيا تنرفزت على الآخر في بالها انا نساسي فيها ولا نطلب بعثتلها مساج قلتلها خدمتلك خدمة تعالي خلصيني في تعبي و هزي الكومند متاعك قاتلي باهي تو نجي العشية نهزها الحاصل هي سافرت و الكومند هاي قعدت ضميدة على راسي حبيت نقلها انا موش غايضتني الفلوس يعوض ربي انا غايضتني روحي و الفازة لي عملتهالي كيفاش انا كبرت بها و قلت بنت بلاد و ماهزيتش عليها avance و هي شنوة عملت هاني نقلك يا X
حسبي الله و نعم الوكيل
حسبي الله ونعم الوكيل
حسبي الله ونعم الوكيل
مانيش مسامحة ليوم الدين
الواحد يخدم و عامل جو و عامل كيف تجي وحدة كيف هكا طيرله كيفه و الله خدمت معا كعبات منعرفهمش و موش من قفصة و بعثتلهم الكومند متاعهم و صارتليش حتى مشكل و خدمت معا بنات البلاد كيف كيف الحمدالله بجاه ربي لي تعامل معايا يخليلي كومنتار
