18/05/2026
💥 လူမသိသူမသိ တောရကျောင်းလေးကနေ ဘတ် ၁၂ သန်း ကံထူးရှင်ကြီး ဖြစ်လာတဲ့ တောရကျောင်း ဆရာတော်
"ထီဆိုတာ ကံရှိရင် ပေါက်တာပဲ" ဆိုတဲ့ စကားကို သက်သေပြလိုက်သလို ရင်ခုန်စရာ သတင်းတစ်ပုဒ်က ထိုင်းအွန်လိုင်းလောကမှာ ရေပန်းစားနေပါတယ်။
ဒါကတော့ ခွန်ကန်ခရိုင် (Khon Kaen) ရဲ့ လူသူအရောက်အပေါက်နည်းတဲ့ "ဝပ်ပါနောင်ဒူးဓမ္မာရာမ်" တောရကျောင်းက ဘုန်းတော်ကြီး "ဗြဟ္မာ့ခရူး အမ်နွယ်" ပြီးခဲ့တဲ့ မေလ ၁၆ ရက်နေ့ ထီဖွင့်ပွဲမှာ ပထမဆုကြီးကို ဆွတ်ခူးသွားခဲ့တဲ့ ဖြစ်စဉ်ပဲ ဖြစ်ပါတယ်။
🎯 ကံထူးစေခဲ့တဲ့ ဂဏန်းခြောက်လုံး "၁၀၇၃၈၇"
ဆရာတော်ဟာ ပထမဆုကြီး သတ်မှတ်ချက်ဖြစ်တဲ့ "၁၀၇၃၈၇" ဆိုတဲ့ နံပါတ်ပါ ထီလက်မှတ်ဖြင့် (၂) စောင်တွဲကို ဆွတ်ခူးရရှိခဲ့တာ ဖြစ်ပါတယ်။
ဆုငွေတန်ဖိုးကတော့ နည်းနည်းနောနော မဟုတ်ပါဘူး.. စုစုပေါင်း ဘတ် ၁၂ သန်း (မြန်မာငွေ သိန်းပေါင်းများစွာ) တောင် ရှိတာမို့ သန်းကြွယ် ကံထူးရှင်ကြီး ဖြစ်သွားခဲ့တာပါ။
အွန်လိုင်းပေါ်မှာ ပျံ့နှံ့နေတဲ့ ဓာတ်ပုံထဲမှာလည်း ဆရာတော်ဟာ ထီလက်မှတ်လေးကို ကိုင်ပြီး အတိုင်းထက်အလွန် ကြည်နူးပီတိဖြစ်နေတဲ့ အပြုံးမျက်နှာနဲ့ တွေ့ရပါတယ်။
👮 ဥပဒေအရ စိတ်ချရအောင် ရဲစခန်းမှာ မှတ်တမ်းတင်ပြီးပြီ
ဆရာတော်ဟာ ဆုငွေတွေကို အန္တရာ ယ်ကင်းကင်းနဲ့ အဆင်ပြေပြေ ထုတ်ယူနိုင်ဖို့အတွက် ထီပေါက်ပြီးတာနဲ့ ဝမ်နွိုင်းရဲစခန်း (สภ.แวงน้อย) ကို ကိုယ်တိုင်ကြွရောက်လို့ ရဲစခန်းနေ့စဉ်မှတ်တမ်းမှာ အထောက်အထားအဖြစ် တရားဝင် သွားရောက် မှတ်တမ်းတင်ထားပြီးပြီ ဖြစ်ပါတယ်။
ဒီသတင်းဟာ အွန်လိုင်းပေါ် ရောက်လာတာနဲ့ တပြိုင်နက် ခွန်ကန်မြို့ခံတွေ တင်မကဘဲ ပြည်သူအများအပြားကပါ အံ့ဩဝမ်းသာဖြစ်ခဲ့ကြရပါတယ်။
အွန်လိုင်း Comment တွေမှာလည်း "ဆရာတော်အတွက် ဝမ်းမြောက်ပါတယ်" ဆိုပြီး "သာဓု" (สาธุ) ခေါ်သံတွေ မပြတ်တမ်း လျှံထွက်နေသလို၊ အချို့ကလည်း "နောက်တစ်ကြိမ်တော့ ငါ့အလှည့် ဖြစ်ပါစေ" ဆိုပြီး ကံစမ်းဖို့ မျှော်လင့်ချက်အသစ်တွေနဲ့ ရင်ခုန်နေကြသလို
ကံထူးရှင်ဆရာတော်ထံမှာ ထီဆုကြီး ထပ်တူ ကံထူးနိုင်ဖို့ ဆုတောင်းဆုပန်နေကြလျှက် ရှိတာကြောင့် တောရကျောင်းဆရာတော် ထီကံထူးတဲ့ သတင်းဟာ လက်ရှိ ထိုင်းလူမှုကွန်ရက်မှာ အစည်ကားဆုံး သတင်းတစ်ပုဒ် ဖြစ်နေပါတယ်။
The Mask Empire
#ထိုင်းသတင်း #ခွန်ကန်ထီပေါက်သူ #ထိုင်းထီ #ပထမဆုကြီး #ဘတ်၁၂သန်း #ထိုင်းရောက်မြန်မာ
