28/08/2025
وهلأ صار فيني احكيلكن الحكاية مع احلى عروسين رانيا & صالح .. من بعد حفلتي الأولى باوتيل كواترو .. اتصل فيني العريس كأنه مداهمة... مدام ريم عنا حفلة عرس و بدنا نشوفك ضروري وفورا.. وطبعا انا خبرته انه فينا نلتقي بيوم تاني لانه كان عندي حفلة بالندوة ولهلأ مابنسى طريقته وإصراره انه يشوفني ..
(( مدام انزلي عالبوليفارد بقفا الندوة عشر دقايق مابنأخرك )) والنتيجة استنوني لخلصت حفلتي واستقبلتن بالندوة .. وكانت كلمة العروس
(( مدام ريم انا بدي سلمك حفلتي عالعمياني وانا مرتحتلك وواثقة فيكي ))
المكان الميريديان شهبا حلب التاريخ ١٥-٨
وللامانة العروس ماطلبت زينة نهائيا وطلبت اشياء بسيطة كتير كتير كان التوجه عندا فقط عالفعاليات ضمن الحفلة مو اكتر والديكور يكون جدا بسيط من هون حبيت اعمللها مفاجأة بيوم العرس وفعلا يكون في تناغم بين البساطة والفخامة لهيك كتير اصريت على فكرة الديكور وبنفس الوقت اعتنيت بالفعاليات التانية وسهرنا انا وهي طول الليالي عم نخطط وبليلة من الليالي طلعت براسي فكرة مجنونة وانا بشغلي بحب الجنون وهيه نه نعمل كاوتشات (( كنب)) متل حفلات أوروبا والخليج والكل كان مرعوب من الفكرة بس غامرت والنتيجة كانت وااااااو...والديكور طلع فوق الوصف...و الحفلة طلعت سحر متل ليالي الف ليلة وليلة... وكمان طلعت كأنها مهرجان بكلشي لوحات صممناها وكان كلشي جديد من موسيقى لرقصات للزينة وكانت من أرقى الحفلات .. والمعازيم لهلأ عم تحكي بالحفلة اديه فيها حميمية ...والعرسان صارو قطعة من روحي ويومياتي وحاليا كتير مشتقتلن ... الف مبروك لحبايب قلبي صلوحي ورانويتي وانشالله جازة الدهر يارب
وهيك كانت النتيجة النهائية وانتظروني بريل جديد من قلب الحفلة لكل الطقوس
الشكر الأكبر لمنفذ الديكور وصاحب الذوق الرائع واللي اتحمل نقّي مسيو جورج أزهار الميدان Gourges Makoukji
فريق ستارز دانس عاللوحات الراقصة الرائعة والجديدة بحبكن كتير فريقي المفضل Vrej Terzian Rita Kevork Basmajian
دي جي غرام .. عاشقة الموسيقى وافرفش صبية Gharam M Ghanem
غليتر شو .. الصبية القمر سالي Sally Albain l
اضاءة MG اسعد الغالي على قلبي كتير
شاشات انفينيتي عبودة الشب الرايق والودود Aboud Boudaka
شيخة الكار المصورة سمر الاسعد ضمن حفلة السيدات سمر الاسعد
المبدع يزن مصمم البرومو اللي عم تشوفوه حاليا Yazan Abdalla
حبيب قلبي الشب الطيب والطموح والمخلص احمد منشئ صفحة aleppo wedding والمسؤول عن كافة الألعاب النارية ضمن الحفلة Ahmad Adeb Zubaeda
واخيرا ودائما فريق التنظيم اللي اشتغل معي بنوتاتي الحلوات والفرفوشات والكدعات اللي معهن على مدى كم سنة وصلت لهون ابوسن
ومابنسى إدارة الفندق اللي اتعامل معنا بكل رقي الف شكر
