16/10/2019
-
طيب بكتبها مرة اخرى ..
تحذير : ما ستقرأه الان هو حقائق ذو قيمة عالية لن تجدها بأي كتاب
وللمعلومية .. الكتب لاتعلمك كل شيء
خلني ابدأ من شكوى صديقي لي عن عمله .. يقولي لي سبع سنوات اؤدي عملي ب أخلاص في شركة وانتاجية كبيرة ولم تتم ترقيتي .. واللي يقهرك ان فيه موظفين وسخين بالاخلاق وتتم ترقيتهم خلال عدة شهور .. ماادري انا افكر اقدم استقالتي ..
انا جذبتني كلمة وسخين وترقو .. فقلت اتعمق معه فيها .. قلت بالاول علمني
انت كيف طريقتك بعملك .. قال حالي حال نفسي وانتاجي عالي ومبيعاتي عالية منضبط ومتعاون واساعد حتى زميلي بعمله .. قلت تمام موظف مثالي
الان ابي اسئلك عن هالوسخين كيف طريقتهم بالعمل ..
قالي من ناحية الانتاجية متدنية لكن منضبطين واخلاقهم زفت معنا وملقوفين ويتأمرون عليك وهم بنفس مستواك الوظيفي .. مايتعاونون معنا بالعكس يبلغون عننا اي خطأ .. الخطأ هذا كنز عندهم يدورونه طوال اليوم ..
قلت له الحل طوال هالسنوات كان امامك وماركزت فيه .. ف حبيت اوضحها له اكثر قلت هل قد تصاحبت مع ( هالوسخين ) وطلعتو طلعه مرة .. قال ايه واحد .. قلت كيف تعامله معك برا الدوام .. قال شخصية ثانية والله عسول وتحبه بس من بكرا بالدوام يتغير ويقلب نفسية شكله ..
لا مو نفسية ياصاحبي هذا شخص ذكي جدا وعرف كيف يطلع نفسه وعرف كيف يزبط مستقبله بالشركة ..
كيف ؟
انا اعلمك اول سنة الشركة بترميك في اوسخ قسم لانه اختبار لك ولهم يبين الوظيفة المناسبة لك .. مايهم انتاجك ولا نشاطك ولا تعاونك نعم مرغوب لكن بنسبة بسيط.. يهمهم شي واحد فقط هل هذا الشخص قيادي او لا .. هل شخصيته قوية او لا ..
ف يراقبون الشكاوى اكثر من انتاجية الموظف .. ف الوسخ يبدأ يصنع شخصية قوية متحكمة متعرجفة سليطة وتتسلط ع مهامك الوظيفية .. ف يبدون الموظفين برفع الشكاوى .. وهنا تفرح الادارة انها حصلت الشخص اللي ماضرب للموظفين اي اعتبار وفارض نفسه عليهم .. فيقولون هو انسب شخص يقدر يسيطر ع قسمه بدون تردد .. هذا مكانه مو بينهم هذا مكانه مديرهم ..
انت الان كشخص متعاون طيب وسجلك نظيف من الشكاوي .. تتوقع ان الادارة تشوفك تقدر تنظم انضباط قسمك كمدير .. لا .. لانك طيب ومتسامح والموظفين مابيخافون منك .. والدعوة بتصير فله وتسيب واهمال .. مديرنا طيب وحبيب بيمشيها ..
تابع الكومنت لتكملة البقية ..
#تصميمي #تصوير
