11/04/2023
Sa pangunguna ng Pambansang Komisyon para sa Kultura at mga Sining (NCCA), Komisyon sa Wikang Filipino (KWF); at Pambansang Lupon para sa Pagpapaunlad ng Aklat (National Book Development Board - Philippines), isinasagawa tuwing buwan ng Abril ang Buwan ng Panitikan alinsunod sa Proklamasyon Bilang 968 na nilagdaan noong 2015.
Ngayong taon, ipagdiriwang natin ang Buwan ng Panitikan na may temang “Kultura ng Pagkakaisa: Pagsisiyasat ng Pagkakaisa sa Pamamagitan ng Panitikan” na may layuning tuklasin ang pagkakaisa ng bawat Pilipino na gumagabay sa pagbuo ng isang bayan. Abangan ang mga kapana-panabik na aktibidad na inihanda ng NCCA kasama ang iba pang katuwang na ahensya at institusyon mula sa iba’t ibang parte ng Pilipinas sa official NCCA page ngayong darating na Abril.
Halina’t tuklasin ang kultura ng pagkakaisa sa pamamagitan ng panitikan!
