Angkol Markos TV

Angkol Markos TV Ikaw nay bahala pag sabot.

FIGHTER JET NGA NAHAGSA SA MT. KALATUNGAN RANGE DINHI SA BUKIDNON, NAKIT-AN NA; DUHA KA MGA PILOTO, PATAY!Nakit-an na sa...
05/03/2025

FIGHTER JET NGA NAHAGSA SA MT. KALATUNGAN RANGE DINHI SA BUKIDNON, NAKIT-AN NA; DUHA KA MGA PILOTO, PATAY!

Nakit-an na sa mga kasundaluan ang FA-50 #002 fighter jet nga gikatahong nahagsa sa Mt. Kalatungan Range dinhi sa probinsya sa Bukidnon apan nakabsan na sumala pa sa kinabuhi ang duha ka mga piloto nga sakay niini.

Atol sa usa ka Press Conference, gibutyag ni Lt.Col. Salvacion Evangelista, Spokesperson sa Eastern Mindanao Command sa Armed Forces of the Philippines (AFP), nga ang maong Fighter Jet nakit-an sa Barangay Miarayon, Talakag, Bukidnon lakip na usab ang mga patay’ng lawas sa duha ka mga piloto nga giilang silang Cpt. Salang Oy ug Lt. Dadulla.

Dugang pa ni Lt.Col. Evangelista anaa lang sa dool sa gisakyang aircraft ang mga piloto.

Padayon pa ang imbestigasyon sa mga otoridad sa insidente.

Via-RMN Malaybalay FB Page



4TH ID, PHILIPPINE ARMY, GIKOMPIRMA ANG NAHITABONG ENGKWENTRO TALI SA MILITAR UG REBELDENG NPA SA LUNGSOD SA CABANGLASAN...
05/03/2025

4TH ID, PHILIPPINE ARMY, GIKOMPIRMA ANG NAHITABONG ENGKWENTRO TALI SA MILITAR UG REBELDENG NPA SA LUNGSOD SA CABANGLASAN

Gikompirma sa 4th Infantry Division (ID), Philippine Army ang nahitabong engkwentro tali sa militar ug sa grupo sa rebeldeng New People’s Army (NPA) partikular sa Barangay Iba, Cabanglasan, Bukidnon kagahapon sa kadlawon.

Sa interview sa RMN Malaybalay ug 95.3 iFM News Bukidnon Matik ngadto kang Lt.Col. Francisco Garello Jr., Chief sa Division Public Affairs Office (DPAO) sa 4th ID, PA, gikataho niini nga nagpadayong ang ginahimong operasyon sa kasundaluan sa area paglakag sa mga nakatakas nga miyembro sa NPA nga nakaengkwentro sa militar.

Matud niya nga gahulat pa sila sa opisyal nga update gikan sa 403rd Brigade nga nakabasi dinhi sa siyudad sa Malaybalay kabahin sa mga posibleng casualties o di ba kaha samaron sa duha ka grupo.

Una na nga gikabutyag ni Cabanglasan Vice Mayor Reynante Inocando, nga dili sakop sa area sa lungsod ang nahitaboan sa engkwentro ug didto natigayon sa probinsya sa Agusan Del Sur.
Apan, giklaro ni Lt.Col. Garello nga ang taho gikan sa 403rd Brigade nga maoy nag-operar sa maong area.

Sa pikas nga bahin, nagpadayon usab ang Search and Rescue Operations sa mga otoridad pagpangita sa gikaingong Fighter Jet nga mihagsa dinhi sa probinsya sa dihang mihimo og bomb mission sa nahitabong engkwentro sa lungsod sa Cabanglasan.

Matud ni Col. Ma. Consuelo Castillo, Spokesperson sa Philippine Air Force (PAF) nga nagpadayon ang ilang pagpangita sa maong FA-50 #002 Fighter Jet nga gikatahong nawagtang pipila ka minuto sa wala pa kaabot sa mission area.

Malaumon ang PAF nga makit-an pa ang maong aircraft ug luwas ra ang duha ka mga piloto nga sakay niini.




Via-RMN Malaybalay FB Page

Address

Purok 2, San Jose
Malaybalay
8700

Website

Alerts

Be the first to know and let us send you an email when Angkol Markos TV posts news and promotions. Your email address will not be used for any other purpose, and you can unsubscribe at any time.

Shortcuts

Share