27/08/2025
Happy Fiesta Basak Pardo!
Una sa tanan, among pasalamatan ang Labawng Makagagahum sa paghatag kanamo og higayon nga makasinati og kalipay sa pista.
Kami sa Pundok sa mga Batan-ong Bayot- Basak Pardo Pbb-Bp Organization 2017 dugay na nga nagdamgo nga makabuhat og usa ka kalihukan nga pista nga makapahimulos ang tanan, parehas sa kasadya nga ilang masinati sa Brgy. Tisa, Brgy. Poblacion Pardo, ug uban pang mga barangay. Kini usa sa mga plataporma nga gidala ni Queen Jonella Bordaje panahon sa eleksyon. Apan masubo man isulti, wala kini natuman tungod kay napilde ta sa eleksyon.
Apan karon, puno kami sa kalipay ug dakong pagpasalamat sa pahibalo nga gipangulohan sa atong pinalanggang Brgy. Captain Kap Jun Tumulak, uban sa mga opisyal sa simbahan sa Holy Cross Parish, nga mobalik na gyud ang pista sa Basak Pardo! Usa kini ka dakong kalampusan ug kalingawan nga gihulat-hulat sa katawhan.
Nagalaom kami nga daghan pa untang kalihukan ang umaabot alang sa kalambuan ug kalingawan sa atong barangay.
Ginaimbitahan namo ang tanan, dili lang ang mga taga-Basak Pardo, nga moapil ug mokuyog kanamo karong umaabot nga Setyembre 5 hangtod 14 sa atong tinuig nga Fiesta Celebration! Dungan ta nga magsaulog sa kalipay, kultura, ug panaghiusa.
Kita-kits ninyo tanan!
Dili man kini ang pinaka-prayoridad, pero usa kini sa mga importante kay kini kalipay, pagkahiusa, ug garbo sa atong komunidad.
Alang sa dugang kasayuran, gidayeg kamo sa pagduaw sa buhatan sa atong Kapitan o sa Barangay Hall.
Dalaygon ang Diyos!
Basak Pardo, Ipasigarbo!
