Småbruket Moen

Småbruket Moen Kontaktinformasjon, kart og veibeskrivelse, kontaktskjema, åpningstider, tjenester, stjerner, bilder, videoer og kunngjøringer fra Småbruket Moen, Cateringfirma, Øvre Lårdal, Lardal.

No har det også kome *oppskore* lavkarbobrød (heilt utan mjøl og gjær) på Nøsteriet! Så lettvint, 'a gitt!
30/08/2025

No har det også kome *oppskore* lavkarbobrød (heilt utan mjøl og gjær) på Nøsteriet! Så lettvint, 'a gitt!

🧶🍧🧁 ISTIDA HELD FRAM – på Nøsteriet! 🍨🍦🧶Etter at sesongen på Lokalbui Tokke var over, fekk me fleire førespurnader frå f...
29/08/2025

🧶🍧🧁 ISTIDA HELD FRAM – på Nøsteriet! 🍨🍦🧶

Etter at sesongen på Lokalbui Tokke var over, fekk me fleire førespurnader frå folk på Dalen som lura på kvar dei skulle få tak i is, brød, kaker og diverse anna frå Småbruket Moen no?

Det vanlege svaret er naturlegvis REKO-ringen Vest-Telemark 🥕🥩. Men det passar ikkje for alle å handle der. Difor har me no ordna ein salskanal til på Dalen! Nemleg: Nøsteriet!

Ida Fosse Nykaas – eigaren av denne flotte garnbutikken i Dalen sentrum – har vore velvilja sjølv, og har no ommøblert bui slik at me fekk plass til ein frysar. Tusen takk til Ida for samarbeidet!

Dette er eit flett nytt tilbod, så det er framleis litt slunkent i disken fram til me kjem skikkeleg i gang! Førebels har me store isbeger (ikkje porsjonsbeger) med vanilje, plomme, cappuccino, mokka, sjokolade, mint, sitronmarengs og peanøttkaramell til sals der, i tillegg til lavkarbobrød og nøttebotnar. Etter kvart kjem det valnøttbrød, bollar og fylte horn i frysaren, og honningkaker i kjøleskåpet. Frå november vil det også kome litt jolebakst!

Det er også meininga at me skal køyre pop-up med fersk gjærbakst av og til. Me får sjå kva me får tid til! 😅

Me tek også i mot ynske! Kva kunne du tenkje deg å handle av Småbruket Moen sine varer på Nøsteriet? Me er lydhøyre!

Dette blir i fyrste omgang ei prøveordning fram til jol. Difor vonar me at alle som vil behalde tilbodet tek turen i denne perioden, så me ser at interessa er der!

Kanskje finn du samtidig garn til eit strikkeprosjekt? Ida har mykje fint frå House of Yarn, Garnstudio DROPS design, KnitNorway, Rauma Garn og KnitPro!

NB: Skal du handle is i stort beger, bør du ha kort veg heim, og helst ha med deg ein kjølebag med frosne kjøleelement. Is utan stabilisatorar (i form av e-stoff) er hardare enn butikk-is, men tinar også raskare.

Sesongen går mot slutten på Lokalbui Tokke, men du kan framleis rekkje å få tak i litt lokalprodusert iskrem og andre va...
13/08/2025

Sesongen går mot slutten på Lokalbui Tokke, men du kan framleis rekkje å få tak i litt lokalprodusert iskrem og andre varer frå Småbruket Moen før bui pakkar saman for i år. I dag har me sett ned nokre store beger iskrem i dei mest populære smakane: Vanilje, sjokolade og cappuccino, i tillegg til fleire gåveglas med te. I tillegg til det du ser på bileta er det også honningkake og honningsennep att!

Dessutan er det rikeleg med kjøtvarer og egg frå Skredtveit og kling frå Mo å få tak i, attåt handverksprodukt frå mange dyktige, lokale produsentar og bøker skrivne av lokale forfattarar!

Velkomen til Lokalbui på Dalen, vegg i vegg med turistinformasjonen!

Og rekk du ikkje innom, kan du sjekke ut kva me tilbyr i REKO-ringen Vest-Telemark 🥕🥩 utover hausten!

😱 IS–KRISE! 😱Det er no 100 % tomt for is frå Småbruket Moen på Lokalbui Tokke, og det er ikkje frivillig! Forklaringa er...
11/08/2025

😱 IS–KRISE! 😱

Det er no 100 % tomt for is frå Småbruket Moen på Lokalbui Tokke, og det er ikkje frivillig! Forklaringa er at leverandøren vår ikkje har kunna levere lokk til porsjonsboksar i heile sommar, og no er me heilt tomme sjølve òg. Me har prøvd å få tak i overalt, men nei ... Men me skal kome med fleire store boksar så snart me rekk 😊

🎂 KAKE PÅ 1, 2, 3! (4, 5, 6 ...) 🎂Når gjestene skriv at dei er 30 minutt unna, og du ikkje har hatt tid eller plass i ho...
08/08/2025

🎂 KAKE PÅ 1, 2, 3! (4, 5, 6 ...) 🎂

Når gjestene skriv at dei er 30 minutt unna, og du ikkje har hatt tid eller plass i hovudet til å tenkje på kake enno ...

Då kan du:

1: Gå i frysaren og hente ein ferdig mandelbotn og ein 200 g boks lemon curd frå Småbruket Moen

(Springe ut i hagen og hente all jordbæra du finn. Vaske, kutte og mose med stavmiksar. Spare nokre jordbær i bitar. Piske litt krem – kremfløte har du sjølvsagt på lur – og blande med jordbærmosen.)

2: Leggje mandelbotnen på fat og smørje på lemon curd. (Tinar fort!)

3: Plassere ei Festkrone (marengstopp/-botn) frå Småbruket Moen på toppen.

4: Knuse nokre marengstoppar/pikekyss frå Småbruket Moen. Blande desse inn i jordbærkremen og plaske heile sulamitten oppi Festkrona. Pynte med jordbær i bitar og bitar med knust marengs.

5: Ynskje gjestene velkomen!

6: Ta imot ståande ovasjonar for kaka, som blir oppeten i rekordfart!

(Beklagar dårleg bilete, ingen hadde tid til å ta eit skikkeleg eit!)

Delar til dette kake-byggjesettet får du kjøpt i REKO-ringen Vest-Telemark 🥕🥩 og på Lokalbui Tokke (berre Festkrone og marengstoppar)👍

PS: Heile denne kaka er utan kveitemjøl! 🥰

🍞 GJER LIVET LETTVINT! 🍞Visste du at det går an å bestille lavkarbobrødet vårt ferdig oppskore før frysing? Ein kunde sp...
05/08/2025

🍞 GJER LIVET LETTVINT! 🍞

Visste du at det går an å bestille lavkarbobrødet vårt ferdig oppskore før frysing? Ein kunde spurde nyleg etter akkurat dette. Ho var den einaste i husstanden som åt brød utan mjøl, og då var det jo kjekt å kunne ta ut eit par skiver om gongen frå frysaren.

Eg hadde jo tenkt på dette før, men har ikkje brødskjeremaskin, og då blei det for brysamt. Men no som eg fekk eit konkret ynske om 5 stk. måtte eg jo sjå kva eg kunne gjere. Så eg fekk låne ei maskin frå ei som har alt, og sette i gang.

Dersom fleire kunne vore interesserte i eit slikt produkt, kunne eg vurdert å investere i ei eiga maskin. Oppskore brød vil koste litt ekstra, men det er det kanskje verdt i ein travel kvardag, og særleg viss det reduserer matsvinn.

Forresten blei det ganske mykje smuler i maskina! Men dei fylgjer med i ein liten pose! Dei kan sikkert etast med yoghurt, omtrent som granola!

Smular er også brød! 😊👍

PS: Små, lokale produsentar er oftast meir fleksible enn store, sentrale! Der kan du kanskje få akkurat det du treng, tilpassa dine behov og ynske! Nok ein grunn til å handle hjå lokalmatprodusentar i nærmiljøet 😉

Endeleg påfyll! 😅Kombinasjonen leverandørsvikt, honningslynging, eit par doser sjukt barn og mange handlelystne kundar h...
05/08/2025

Endeleg påfyll! 😅

Kombinasjonen leverandørsvikt, honningslynging, eit par doser sjukt barn og mange handlelystne kundar hadde no ført til at hyllene til Småbruket Moen på Lokalbui Tokke var stusseleg slunkne!

Men det blir jobba iherdig for å kome ajour att! I dag blei det fylt på med honningkaker, marengstoppar, honninggranola og ikkje minst to nyheiter: mokkamarengs med mandlar og nøtteruter med karamellostekrem! Om eit par dagar kjem det meir valnøttbrød og honning (framleis litt att).

Me har ein del store boksar iskrem til sals no (passar fint å dele for to eller ein familie 🥰), og framleis nokre små. Diverre veit me ikkje når det kan kome fleire små boksar, sidan leverandøren ikkje greier å skaffe lokk til isboksane, og me er heilt tomme! Det same gjeld sjokoladeflaka me brukar i isen. Det er heilt tomt både her og der!

Sidan me no berre disponerer to hyller i fryseskåpet vil me diverre òg måtte gå ned på utvalet av smakar. Har du ein smak du saknar? Skriv det her, så prioriterer me den så fort me får det me treng i hus!

02/08/2025

Paul demonstrerer honninglausnaren, som gjer lynghonningen flytande nok til å kunne slyngjast. Kvar einaste tavle må gjennom denne prosedyren. Les meir om honninglausnaren i førre innlegg 🌸🐝🍯

SÅ GJØR VI SÅ NÅR ...me slyngjer lynghonning 🌸🐝🍯Fyrst må ein kontrollere om honningen er klar til å slyngjast med eit re...
02/08/2025

SÅ GJØR VI SÅ NÅR ...

me slyngjer lynghonning 🌸🐝🍯

Fyrst må ein kontrollere om honningen er klar til å slyngjast med eit refraktometer. Det er ein liten dings som målar vassprosenten. Er denne for høg kan honningen gjære, så då må han stå til tørk i rammene ei stund til.

Er vassinnhaldet slik det skal, må overflatevoksen på tavlene skrellast av med ein spesiell gaffel. Deretter må kvar tavle få ein runde i honninglausnaren, som er eit blytungt apparatur som stikk små pinnar inn i tavlene. Dette blir gjort fordi lynghonning er så tjuktflytande, men samtidig tiksotropisk. Det betyr at han blir meir flytande ved røring. Og det nålene i honninglausnaren gjer tilsvarar røring. Til sommarhonning trengst ikkje dette trinnet.

Deretter går tavlene inn i slynga, fire om gongen. Lynghonning må slyngjast nokså kraftig og lenge. For at voksen i tavlene skal tole dette, passar birøktaren på å setje inn mørke vokstavler i kubane før lyngtrekket. Mørk voks er nemleg meir solid enn ljos.

Honningen må passere gjennom fleire sett siler, frå grove til fine, for å filtrere vekk bitar av voks. Honningen brukar timar og dagar på å kome gjennom den finaste. Og det blir mange tunge lyft for birøktaren. All voksen som blir skrelt eller silt frå, går attende til bikubane, så sparer biene energi på å lage ny. Krinsløp! 💞

Til slutt ventar røring i fleire dagar, tapping på glas og påsetjing av etikettar. Tappinga tek lang tid, fordi lynghonning renn så seint. (Me har ikkje pumpe eller fyllemaskin. Dette er svært kostbart utstyr.)

På Småbruket Moen er det så langt Paul som gjer dei fleste av desse operasjonane, men meininga er at Gunn skal ta over fleire av dei. Det passar jo bra, sidan mykje av dette går føre seg om natta, og nattarbeid er ein mikrobakar og iskremprodusent godt van med! 💪

Men det dumme er at Gunn ikkje kan bake eller lage is på same produksjonskjøken i dei periodane slynginga går føre seg, for å unngå at honningen trekk til seg lukt eller får spor av gluten.

Dette er litt av grunnen til at Paul jobbar intensivt om natta, så perioden blir kortast råd.

02/08/2025

🌸🐝 LYNGHONNING 🌸 🐝

Den er det mange som ventar på! Så Paul har vore oppe og slynga i omtrent heile natt! 👏 Det er ein tidkrevjande prosess, for honningen er frå naturens side nokså tjukk og seig. Så aaaalt gåååår saaaakte. Om nokre dagar er honningen klar for sal!

Adresse

Øvre Lårdal
Lårdal
3891HØYDALSMO

Nettsted

Varslinger

Vær den første som vet og la oss sende deg en e-post når Småbruket Moen legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.

Kontakt Bedriften

Send en melding til Småbruket Moen:

Snarveier

Del

Type