12/11/2025
Төслийн удирдагч Э.Боргил: За нэг зүйл хэлэхгүй бол болохгүй нь ..
Өчигдөрийн дугаараас болоод Хандсүрэнг яагаад оруулсан юм, арын хаалгаар оруулсан уу? гэх мэт урам хугалмаар мсжүүд их ирж байна, Хандаа руу маань ч дайралт их байх шиг байна. 😔
Спортод ялах нэгэн байхад, ялагдах нэгэн байдаг нь спортын жам юм шүү дээ! Ер нь аливаа спортод ялангуяа багийн спортод амжилт үзүүлэхэд зөвхөн талбай дээр гарч тоглохоос гадна олон зүйлсээс хамаардаг. Ялсан ч ялагдсан ч нэг нэгэндээ итгэж, бие биенээ үргэлж дэмжиж, үргэлж урмаар тэтгэж, нэг хүсэл нэг зорилго дор нэгдэж байж амжилт гаргадаг. Хандаа маань яг л тийм хүн юу ч тохиолдсон үргэлж “бид чаднаа” 🙆♂️ гээд бусдыгаа тултал дэмжиж, “Дайчид” багийг нэгтгэж, дотоод уур амьсгалыг гэрэлтүүлж явдаг манай багийн амин сүнс гээд хэлчихэд нээх буруудахгүй байх!
Та бүхний зарим нь мэдэхгүй байх, тэгэхдээ Хандсүрэн маань волейболын Монголын анхны легионер тоглогч, Монголынхоо нэр хүндийг аль хэдийн өөрийн чаддаг зүйлээрээ өндөрт өргөж яваа хүн! 🏐🇲🇳Одоо хүртэл Япон Улсын дээд лигт маш амжилттай тоглож явна, энэ хүн бидэнд ямар ч өргүй шүү, харин ч бид эцсээ хүртэл тэмцэж, гэмтсэн ч гэсэн гүрийж гүйлтээ дуусгасанд нь, Монголынхоо нэрийг мандуулж яваад нь талархах ёстой! 🙏
Өчигдөр Хандаатайгаа холбогдож ярихад хамгийн их урмаар тэтгэж, “зүгээр дээ дараагийн удаа заавал ялаарай” гэсэн мсжүүдийн ихэнх нь бусад улсаас байна гэж ярьж байна лээ, бүр өрсөлдсөн Турк, Япон, Солонгос улсын иргэд манай хүнийг дэмжиж байгаа юм! Гэтэл бид ‘чи яаж орсон юм’, ‘волейболын холбоогоор хэлүүлсэн үү’, ‘явж үх’ гэх мэтээр хэмлэж байдаг, үнэхээр урам хугарам байна шүү!! Хандаа маань цэвэр өөрийн авъяас хүч хөдөлмөрөөрөө энэ шоунд сонгогдож оролцсон юм шүү! Монголын багийн зохион байгуулалтыг хариуцаж ажилласны хувьд хэлэхэд бидэнд ямар ч арын хаалга, ямарваа нэгэн улс төрийн оролцоо байгаагүйг хариуцлагатайгаар хэлмээр байна, цэвэр хүсэл эрмэлзэл, эх орноо таниулах гэсэн мөрөөдөлдөө хөтлөгдөж манай багийнхан ажилласан юм шүү! Khulan Dashpuntsag RuBy Rubby Dulguun Enkhtsogt Mungunuu Otg 👏🏻Зорилгоо ч бид биелүүлж өөгүй жинхэнэ Монголын “Avengers” багийг бүрдүүлж чадсан гэж бодож байгаа. 🇲🇳🏹
Унасан нэгнээ улам түлхэдэг биш, татаад босгодог, дараа нь ялна даа гээд урмын үгээрээ сэтгэлийн тэнхээ өгдөг, ер нь бие биендээ хайртай байгаарай Монголчуудаа! Бид чинь цөөхүүлэхнээ шүү ! Dorgio.mn
