Уран нугаралт / Contortion studio

03/06/2025

Уран нугаралт болон уян хатан биеийн хөдөлгөөнөөр хийсэн дасгалууд нь олон талын давуу талтай.

1. Биеийн уян хатан байдал сайжирна
• Булчин, үе мөчний суналт нэмэгдэж, хөдөлгөөний хүрээ өргөжнө.
• Булчингийн агшилт багасаж, гэмтэл авах эрсдэл буурна.

2. Булчингийн хүч, тэнцвэр нэмэгдэнэ
• Уран нугаралт нь зөвхөн уян хатан бус, хүч шаардсан тул булчинг чангаруулдаг.
• Биеийн тэнцвэр, координац сайжирна.

3. Биеийн зөв байрлал, галбир тогтоно

• Бүсэлхий, мөр, хүзүүний булчин сунгаж, бөгтөр суух зэргийг засдаг.

4. Сэтгэл зүйн тайвшрал, төвлөрөл нэмэгдэнэ
• Амьсгал дээр төвлөрөх, биеэ мэдрэх чадвар нэмэгддэг.
• Стресс, сэтгэл гутрал буурч, сэтгэл санаа тогтворжино.

5. Уран сайхны мэдрэмж хөгжиж, өөрийгөө илэрхийлэх чадвар дээшилнэ
• Тайзны урлаг, илэрхийлэл, хөдөлгөөнөөр дамжуулан өөрийгөө бүтээлчээр илэрхийлэх боломжтой.
• Урлагийн гоо зүй, хөгжмийн мэдрэмж зэрэг сэтгэлзүйн хөгжилд хувь нэмэртэй.

6. Хувийн сахилга бат, тэвчээр нэмэгдэнэ
• Дасгал сургууль их тэвчээр шаарддаг тул өөрийгөө удирдах, зорилгодоо үнэнч байх чадварыг хөгжүүлдэг.

02/06/2025

Амарсайхан Пүрэвдулам
( Уран нугаралтын багш)

ТАНИЛЦУУЛГА
•2007 оноос эхлэн циркийн урлагаар хичээллэж эхэлсэн.

• 2007-2016 Шинэ цирк төв
• 2016 онд Испани улсын Барселона хот гэрээт жүжигчин. ( Уран нугараач)
• 2017 онд Испани улсын Ибиза арал, Гран канария арал гэрээт жүжигчин. ( Уран нугараач)
• 2018 онд Швед улсын аялалын хөлөг онгоц гэрээт жүжигчин. (Уран нугараач)
• 2018 онд Перу улс гэрээт жүжигчин. ( Уран нугараач)
• 2019 онд Швед улсын аялалын хөлөг онгоц гэрээт жүжигчин. ( Уран нугараач)
• 2019 онд АНУ-ын нүүдлийн циркд гэрээт жүжигчин. ( Уран нугараач)
• 2020 онд МУСТА.
• 2021 онд Испани улсын Мадрид хот гэрээт жүжигчин. ( Шидэх банз)
•2022 онд Перу улс гэрээт жүжигчин. ( Шидэх банз)
• 2022 онд Чили улс аялан тоглолт гэрээт жүжигчин. ( Шидэх банз)
• 2023 онд Герман улс Мюнхен хот “ Circus Krone” гэрээт жүжигчин. ( Шидэх банз)
• 2023-2025 онд АНУ улсад аялан тоглолт “ Ringling Bros and Barnum & Bailey” гэрээт жүжигчин. ( Шидэх банз)
• 2021-2025 ГУИС “ Аялал жуулчлалын менежмент”

02/06/2025

Монголын уран нугаралтын үүсэл хөгжил

Монгол оронд циркийн урлаг үүсч хөгжсөний 85 дахь жил тохиож буй нь дэлхийн хөгжилтэй улс орнуудтай харьцуулахад тийм ч олон жил биш боловч олсон ололт, бүтээлүүд нь чамлахааргүй амжилтыг үзүүлж байгаа билээ. Монголын Циркийн нэр хүндийг дэлхий дахинд өндрөөр өргөж буй нэг төрөл нь Монгол Циркийн нэрийн хуудас болтлоо алдаршсан уран нугаралт ба энэ төрлөөр хичээллэдэг монгол залуус дэлхийн өнцөг булан бүрт амжилт үзүүлж байгаа нь гадныхныг төдийгүй монголчуудыг ч уран нугаралт гэх төрөл монголд үүссэн юм болов уу хэмээх эргэлзээнд хүргэдэг.
Дэлхийн Циркийн Уран нугаралтын түүхэн уламжлал

Эртний Египет, Грек болон Ромын соёл иргэншлийн үеийн уран баримал, зургуудад уран нугарагчдыг дүрсэлсэн байдаг нь эрт дээр үеэс л хүмүүс нугарч байсныг гэрчилдэг. Египетийн эртний циркийн түүхэнд "Уран нугаралтын дүр зураглал нь ихэнх төлөвдөө нарийн нандин, тааламжтай гэхээсээ илүү ер бусын, сонин хачин, өвөрмөц гэдгээрээ онцлогтой. Уран нугарагчид бол тамирчин хийгээд бүжигчний чадварыг аль алийг нь хослуулж чаддаг хүмүүс юм” хэмээжээ.
Монголын уран нугаралтын үүсэл хөгжил
18-р зууны үед Говийн ноён хутагт Данзанравжаагийн Саран хөхөө театрын тайзнаа Монголын уран нугаралтын анхны үзүүлбэр тоглогдож байсан тухай баримт бий. 19-р зууны үед Хөвсгөл аймгийн Рэнчинлхүмбэ сумын малчин ард Мушгиа Шарав гэх хочтой Шаравсамбуу гэдэг хүн 70 нас гарсан ч урагшаа нугардаг авъяастан байсан түүхт баримт байдаг. Монголын ирээдүйн циркийн суурь болсон “Уран” биеийн тамирын сургууль 1935 онд байгуулагдсан ба түүнийг 1934 онд Москва хотын циркийн урлагийн техникумд сайн дураараа суралцаад төгсөөд ирсэн Ж.Раднаабазар удирдаж, 1936 онд тоглогдсон хөтөлбөрт нь жүжигчин Ё. Дорж “Нугарсан биеийн хүч, нумласан уяны эвийг үзүүүлнэ” уран нугаралтын үзүүлбэр тоглосон байна.

29/05/2025

29/05/2025

🎀Хүүхдэд зориулсан уран нугаралтын сургалт зуны элсэлтээ авч эхэллээ.🎀

6-р сарын 10-наас өмнө бүртгүүлвэл хүүхдийн баярын хөнглөлттэй байгаа шүү.

📍Хаяг: СХД 5 шар Драгон терминалын замын чанх урд “Taiyo” центр 3-н давхарт.
• Бүртгэл чат болон утасаар.
📞 89982119

18/05/2025

Миний анхны хөөрхөн шавь минь 2 жилийн хугацаанд мундаг болсон доо💖

18/05/2025

Уран нугаралт болон сунгалтын ангидаа элсэлт авч байна.
4-өөс дээш насны хүүхдүүд та бүгдийг урьж байна.

Уран нугаралт нь дэлхийн тайзнаа Монгол циркийн нэрийн хуудас болсон циркийн нэгэн төрөл бөгөөд энэхүү гайхамшигт урлагаар таны хүүхэд хичээллэснээр:

•Уян хатан зөв тэгш хөгжинө
•Хөдөлгөөний эвсэл сайжирна
•Тэвчээр, хатуужилтай болно
•Биеэ даах чадвар сайжирна
•Tэнцвэрээ олох, төвлөрөх, орон зайн баримжаа авах ур чадвар сайжрах гэх мэт олон давуу талтай.



Цөөн тооны элсэлт авч байна. 🎪
☎️ Утас: 89982119
📍 Хаяг: 5н шар

Дэлгэрэнгүй мэдээлэлийг ФБ чат болон утсаар авна уу.

•Олон улсад 10 жил циркийн урлагаар ажилласан туршлагатай уран нугараач багш хичээл удирдаж явах болно.