13/07/2026
Amin'ny maha olon-tsotra sy olom-pirenena ary amin'ny maha " MALAGASY" 🇲🇬ahy no hilazako fa Tsy hisy firenena afaka handroso mihintsy raha mbola higafy izay rafitra misy eto amin'ny firenenana isika izay mikasa hanao sy efa manao izany,anisany izany ity resaka hala-jaza sy halatr'olona tena efa tsy mety tapitra sy mampihorohoro ny vahoaka efa ho isa-minitra ity na tamin'ny fitondrana filoham-pirenenana nifandimby teto izany na amin'izao " Fanavaozana "izao. Ny hery lehibe indrindra ananan'i Madagasikara dia ny Malagasy mihintsy: rehefa mifampatoky, mifampihaino ary miara-misalahy.✊🙏
Amin'izao vanim-potoanan'ny fanavaozana izao,dia tokony hiavao manaraka izay ihany koa ny toe-tsaina sy ny fomba fisainana ary ny firaisan-kina ny " MALAGASY"🇲🇬 mba handresentsika ny fahantrana,ka mba hisian'ny fandriam-pahalemana satria mino aho fa maro ny fanamby mbola atrehina. Tsy voatery hitovy hevitra amin'ny zava-drehetra isika, saingy afaka mitovy tanjona: Madagasikara milamina, mandroso ary manome fanantenana ny taranaka.
Efa nambaran'ny Praiminisitra MAMITIANA RAJAONARISON fa anisan'ny adidy hiantsorohany ny fanamafisana ny fifampitokisana eo amin'ny vahoaka sy ny mpitondra. Izany dia tanjona izay mila ezaka iarahan'ny rehetra, satria ny fitokisana dia tsy avy amin'ny teny fotsiny, fa aorina amin'ny fifampiresahana, ny mangarahara ary ny asa hita maso, efa nolazainy ihany koa fa tsy hiraviravy tanana izy manoloana izao toe-draharaha mampihorohoro izao fa hijery akaiky ary anao izay hanafohanana aingana ny asa sy ny mpanao ratsy amin'ny resaka hala-jaza sy halatr'olona,ary mino sy manantena izahay vahoaka " MALAGASY"🇲🇬 fa tena handriampahalemana tokoa anie🤞
👉Koa aoka isika samy ho mpampiely hafatra mampiray🤝,hampiely vaovao tena marina sy misy ihany koa mba tsy ampy korontan-tsaina sy tsy mampisaraka antsika . Ny teny avoakantsika, ny fihetsika ary ny safidintsika isan'andro dia afaka manampy amin'ny fananganana firenena matanjaka kokoa.
👉Koa samia mandray andraikitra ary tompoko ary milaza amin'ireo mpitandro ny filaminana aingana sy mifanome vaovao tena marina rehefa mahita tranga na zavatra hafahafa ihany koa isika rehetra ,dia samia mitandrina tsara ihany koa ary aza atao mihintsy aloha ny mandeha irery amin'izao raha mbola azo atao.
Madagasikara dia antsika rehetra. Rehefa miray hina ny Malagasy, tsy misy fanamby tsy ho voavaha.✊✊✊
