Traiteur Youness el behhari STÉ Wael Naji sarl

09/08/2025

أحسن إحساس فالمهنة ديالي (تريتور) هو ملي كنسمع كلمة شكر من الكليان ديالي
اليوم توصلت بشهادة من واحد السيدة خدمت ليها عرس صاحبتها وهي تقريبا فنفس الضومين وكلماتها زادتني فخر وحب للخدمة وخا الصراحة ديما مقتانع بلي عندي أحسن فريق عمل، وكنكون مرتاح وواثق فكل خدمة كنقدمها وفغياب تام ليا ، حيت عارف النتيجة غتكون فوق التوقعات.
رضا الزبون هو رأس المال ديالنا، وهادشي اللي كيعطينا القوة باش نستمروا ونعطيو الأفضل دايماً. ❤️🍽

17/07/2025

الخدمة عمرها ما كانت عيب… والنجاح الحقيقي ما كيجيش من شخص، كيجي من فريق🫶🫶
اليوم بغيت نحكي ليكم قصة…
قصة ديال خدمة، عرق، وتحدي…
وقبل ما نهضر على خالتي سعاد، الطباخة القديرة، لازم نعترف بواحد الحاجة مهمة:الشركة هادي ما كانت توصل لما وصلت ليه، لا محلياً ولا وطنياً، إلا بفضل هاد المجموعة الرائعة.
رجال ونساء كيخدمو من القلب، صابرين، مخلصين، كيواجهو الظروف بلا كلل ولا ملل.النجاح اللي حققناه اليوم، راه بصمتكم فيه واضحة… وكل واحد فيكم عندو مكانتو، وقيمتو، واحترامي الكبير ليه.أنا مدين ليكم كاملين، وكل ما كبرات الشركة، كيزيد يكبر فقلبي هاد التقدير ليكم.

دابا نرجع لخالتي سعاد…هاد السيدة تستاهل وقفة خاصة.
كانت معانا فالحر والبرد، من وجدة لتاوريرت، من فاس لتطوان، من أرفود لمراكش…ما خلاّت لا قاعة لا دوار، لا سهل لا جبل، إلا وكتبت فيه بصمة ديال الصبر والخدمة بنية.
هاد النهار، فواحد المناسبة، شفتها خدامة مع الفجر، والعرق كيسيل، والمجهود ما كيساليش….وعرفت فعلاً شنو معنى الحلال، وشنو معنى الخدمة اللي كتجي من القلب.
وفاش جا عيد المرأة، تافقنا كاملين كطاقم، وقلنا: خاصنا نوقفو ليها وقفة احترام وتكريم، لأنها تستاهل، بحالها بحال باقي الأخوات اللي كيتنقلو معاها، وكيساهمو فبناء هاد المشروع.
الله يسمح لينا من عرقكم كاملين، وشحال ما تخلصتو، راه ما يكافيش قيمة العطاء ديالكم.
الله يوفقنا نكونو ديما قدّ الثقة والمسؤولية.
وإلى قدّينا نكونو شركة وطنية، راه لأننا ولّينا عائلة وحدة🙏🙏🙏

13/07/2025

ماشي فيلم… هادي خدمتنا كل ليلةوسط الضو، وسط الزغاريت، وسط الناس اللي كيسناو كلشي يجي فالبلاصة والوقت…كاين جيش صغير خدام فصمت، كيسابق الساعة، وكيسهر باش كل حاجة تكون فالمستوى.هاد الفيديو ماشي باش نقول “شوفوني”…هاد الفيديو باش نقول “شوفو ولادي، شوفو فرقتي، شوفو السربايا لي كيعطيو بلا حساب، ولي هما سر كل نجاح”.أنا واحد من هاد الفريق، كنخدم بحالي بحالهم، كنعرق، كنشد الطريق، وكنرجع فـالليل وأنا مطمّن، حيت عارف خدمتنا دازت نْقِيّة، وخلات البسمة فقلوب الناس.العرس اليوم فـقلب واد أمليل، ولكن القصة أكبر من بلاصة…القصة على وليدات خدامين بنيّة، بحب، وبكبرياء.القصة على ناس ما كيبانوش فالكاميرا، ولكن بلا بيهم الصورة ما كتخرجش زوينة.✊ الله يعطي الصحة لكل سرباي وسرباية، لكل واحد شد المانطة والطبسيل والكيسان وكيدور فكل دقيقة بابتسامة.وراه أنا واحد منكم… ماشي فوقكم.

09/07/2025

03/07/2025

شركة الأفراح ديال يونس البحاري ماشي غير مشروع، هادي عائلة كبيرة وقلبها هاذ الفريق العظيم ❤️

سمية، أمل، عبدو، منير، زيكو،حمزة، رضى، وباقي الإخوان،
حنا ماشي غير فريق، حنا إخوة كتجمعنا المحبة والتعاون والنية الصافية.

هادي المجموعة ما جاتش غير من علاقة صحبة ولا عائلة،
جات من قرار قوي توحدنا فيه، باش نعاونوا بعضنا ونكملوا الطريق سويا.

الصبر ديالهم، التعب ديالهم، والروح ديالهم العالية هما اللي كيعطوني الأمل باش نكبر وننجح.

شكراً ليكم كاملين على كل لحظة، على العطاء ديالكم، وعلى الإخلاص اللي كتعطيوه،
حنا يد وحدة، وكل خطوة ديالنا فيها حب وتآزر.

01/07/2025

خبر زوين لناس الخير! 💥
اليوم زدناكم كمية جديدة من كراسي رويال، النوع الممتاز ✨
وماشي غير شريناهم… أخونا عبد الإله دار الرحلة من كازا ل واد امليل باش يوصلهم ليكم 💪🚚

📍 من اليوم الكراسي متوفرين ورهن إشارتكم في جميع مناسباتكم 🎉
لأننا فـ تريتور يونس البحاري ما كنعرفوش الكسل…
نعرفو غير الخدمة بالنية، وبلا حساب، مع الغني والدرويش… بلا فوارق، بلا تكبر ❤️

🔴 هدفنا: نرضيوكم
🔴 قوتنا: تشجيعكم لينا
🔴 سلاحنا: الخدمة بالحب والضمير

📞 اتصلو بينا وكونو على يقين:
الفرح ديالكم هو فرحنا… والباقي علينا

22/06/2025

كنفتخر أنني جزء من شركة متخصصة في تنظيم الأفراح، واللي كنشتغل فيها مع مجموعة من الشباب الرائع والخلوق اللي كيحطو القلب قبل اليد في أي خدمة!

وفي المقدمة، وبلا منازع، كنحيّي أمهر طباخة عرفتها ساحة الأعراس ب اقليم تازة : طاطا سعاد ❤️
خدماتها كتبهر، طيّابها فن، وحضورها فرحة فحد ذاتو 🎉

النية، الخدمة، والروح الطيبة… هما سر النجاح!
دعواتكم لينا بالمزيد من التوفيق 🌸
مرحبا بالجميع ما عليكم الا الاتصال بنا و سنكون عند حسن ظنكم
بالمناسبة مكنردو حد مترددش عندك معندكش مرحبا
0627260200📞

17/06/2025

Dj Mounir 🥰🥰

15/06/2025

مساء الخير …🥰🥰

الجديد لهذا الاسبوع كرسي ذهبي بالميكة ديالو😜

هل جميع العازبين بخير ؟!

أريد الإطمئنان على أفراد زبائني😜 ؟!

15/06/2025

مرحبا بالجميع

15/05/2025

مرحبا بزبنائنا الكرام القاطنين بتاهلة قرب المركز التجاري بيم
للتواصل المرجو الاتصال 0619066613