01/06/2025
السلام عليكم ورحمة الله وبركاته ♥️
يومكم طيب ان شاءالله✨
بالله رجاء ركزو معاي اهنى شوي 🚨🚨
طبعاً بنتكلم على موضوعين بخصوص حجوزات التصوير ومشاكل بسيطه ولكن زاد الشي عن حده ف وجب التنبيه عليها ليا فتره نبي ندوي عليهم 🚨🚨🚨
الموضوع الاول1️⃣ تصوير السهرات الموسيقيه في المناسبات بصفه عامه
سواء فرقه او زكره هدا باب وصكرته بي اذن الله ومعش نقبل في اي حجز بخصوصهم وهدا كلام لي صاحبي وخوي وحبيبي ولد عمي ولد خالي ومن ما كان يكون موضوع هدا معاي انا مصكر لا بث مباشر لا صورة لا فيديو 🚫🚫🚫🚫
باش متقولوش بهاء معنداش كلمة للعلم والتنبيه عندي زوز او ثلاثة مناسبات بعد العيد فات فيا قبلتهم ليهم فترة طويلة ومنقدرش نرخي بالناس ومستلم حتى عرابين منهم ف بنكمل معاهم
تفضل عندك ايام الحجز 🤳
تخرجات
افتتاحات
يوم الرزق
يوم الذبح
او وجبة غداء وجبة عشاء
تلبيسة السلطان يوم الاستراحة
هدا متوفر للحجز يعني ايام العرس الرسميه زي ما نعرف
⬇️⬇️⬇️⬇️⬇️
الموضوع التاني 2️⃣ومتكلم عليه هلبا انا صفحتي صفحة تصوير
انزل الشي اللي انا مصوره فقط بالكاميرا او هاتفي سواء مناسبه او غير
فكونا من الحشايم وهاك نزل صورتي ولا نزلي اعلان ومش عارف شن هدا مش عندي للاسف✋
ومعش تتصلو او تبعتولي صور ع الخاص 🚫🤳وتقولولي نزل في صفحات داخل مدينة الجميل متوفر عندها الخدمات هادي اللي يبي يبيع قطعة ارض او اثاث او سياره او اي شي واللي رايح منه شي خير مثال صفحة خونا مفقودات الجميل ربي يبارك مغطي كل الاخبار ومش مقصر ونسأل الله ان يعاونه
وما نقصد حد بالكلام عام للجميع القريب قبل البعيد لكن خلاص بالله عليكم
