05/08/2026
නමින් ඔහු ගයාන් මුණසිංහ මහරගම අපේක්ෂා රෝහලේ නේවාසික ප්‍රතිකාර ලැබූ රෝගීව සිටි තරුණයෙක්. පසුගියදා දයාන් විතාරණ ඇතුළු පිරිසක් අපේක්ෂා රෝහලේ නේවාසික සහෘදයන් උදෙසා ගී ගයමින් සිටි අවස්ථාවක , ඔවුන් සමග කතාබහක නිරත වූ ගයාන් තම ජීවිතයේ අවසන් අපේක්ෂාවක් ගැන ප්‍රකාශ කරනවා .ඒ වසර විස්සකට පෙර තමාගෙන් සුහදව වෙන්වුන , දැනට ඕස්ට්‍රේලියාවේ වෙසෙන සිය පැරණි පෙම්වතිය තව එක වරක් දැක ගැනීමයි ඔහුගේ බලපොරොත්තුව වුනේ.එම අරමුණ සිත තබාගෙන ඔහු එහිදී සෙව්වන්දි රණතුංග කලාකාරිනිය ලවා ගීතයක් පවා ගායනා කරවා ගන්නවා. ඒ තමා නිරංජලා සරෝජනී මහත්මිය ගායනා කල "ඔබ දැකගැනීමේ අරමුණ දිවා රැයේ , දෑසේ කැවී කැවී ,වැලි වැලි ලෑ විලාසේ ....” දයාන් විතාරන කලාකරුවත් ලස්සන සිංදුවක් කිව්වා "සිත්තම් කරමින් මනසේ ඔබේ රැව කවදා හෝ යළි දකින තුරා....රැව් පිලිරැව් දී ඇසෙන ඔබේ හඬ,යළි මගේ සවනත වැකෙන තුරා...”සිය පැරණි පෙම්වතිය තව එක වරක් හෝ දැක ගැනීමට ඔහු සිත තුළ තිබූ අපේක්ෂාවේ තරම , ඔහු විසින් තෝරා ගත් ඒ ගීත තුළම ගැබ් වෙලා තිබුනා. ඒ අහිංසක වූ ද ,අව්‍යාජ වූ ද ඉල්ලීම, සමාජ මාධ්‍යය තුල සිටින සංවේදී සිත් ඇත්තවුන් දස දහස් ගණනෙන් ශෙයා කලා.ගයාන් පැවසූ පරිදි ගයාන්ගේ මිතුරන්ද එකී ඉපැරණි පෙම්වතිය සොයා වෙහෙස මහන්සි වූවා ඒ, කෙසේ හෝ ගයාන්ගේ අවසන් කැමැත්ත ඉෂ්ට කරදීමට.එහෙත් අප කාගේත් බලාපොරොත්තු බිඳ දමමින් ඔහු අද ජීවිතයෙන් සමුගෙන 😪ආදරණීය ගයාන් මුණසිංහ සහෝදරයාණෙනි , ඉපදෙන ආත්මයක් ආත්මයක් පාසා ඔබට ඇය හිමි වේවා ❤️ සංසාරේ පුරාවටම නිදුක් නිරෝගී දීර්ඝායුෂ පිරි ජීවිතයන්ම ලැබී සසර ගමන කෙළවර අමා මහ නිර්වාණ සුවයම ලැබේවා 🙏. දයාන් විතාරන , සෙව්වන්දි රණතුංග කලාකරුවන්ටත් ගොඩක් පිං අවසන් මොහොතේ හරි ඔහුගෙ මුවට සිනහවක් ගේන්න ඔයාලට පුලුවන් වුනා 💐
